Xornada de eficiencia enerxética e aforro no fogar

A Asociación de Mulleres de Matalobos, en colaboración coa Asociación de Consumidores e Amas de Casa da Estrada, organizan unha ‘xornada de eficiencia enerxética e aforro no fogar’, que se celebrará o vinderio luns, 9 de decembro, ás 20.00 h, no local social de Matalobos (Casa Escola).

O consumo de enerxía está ligado á mellora da calidade de vida, pero o seu custe económico fai necesario ser o máis eficiente posible no consumo. Comprender onde gastamos a enerxía e os seus custes, coñecer as posibilidades de redución dentro do fogar para así reducir custes e os dereitos como consumidores serán os obxectivos da xornada.