ACTUACIÓN DA BANDA DE MÚSICA DA ESTRADA.
A Banda de Música Estradense actuara coa RECREACIÓN DA BATALLA DE MATALOBOS , en dita parroquia dun modo enorme os horrores da invasión francesa, a principios do século pasado. Nos libros de defuncións do arquivo parroquial pode lerse o seguinte: o 5 de marzo de 1809, a de Andrés Rosende, esburatado a balazos; o mesmo día as de Francisco e Juan Sueiro, Gregorio Sueiro, Bonifacio Carbia, Jacobo Rivas, Juan Balado, Domingo Antonio Diéguez, Alonso Chedas, Jacobo da Ponte e o seu fillo de 14 anos Juan da Ponte; Francisco de Neira, Domingo de Carbia, Valentín Carbia, Jacobo de Chedas, Francisco de Souto, Leandro de Souto, Diego de Graña e María Collazo; o día 11 do mesmo mes e ano inscribiuse a defunción de Sinforosa de Chedas; e o día 14 a de Francisco de Souto; todos vítimas das balas inimigas. O 9 de abril de 1809 tamén foi asasinado polos franceses o presbítero D. Francisco Rivas.
Sobran os comentarios para esta páxina horrenda de sangue e sacrificio; limitémonos a sinalar que o citado día 5 de marzo de 1809, foi tal a carnizaría en Matalobos que, segundo deixou escrito o párroco daquela data, «por non caber os cadáveres dentro da igrexa houbo necesidade de enterrar fóra os de dous descoñecidos que se pensa que eran de Tabeirós».
Cóntase que os franceses, ao pasar pola Cruz, camiño de Cuntis, colocaron a súa bandeira nun alto, pero os de Matalobos substituírona decontado pola nosa; feito que deu orixe aos sucesos sanguentos de que se fixo mención. Aquelas pobres xentes sentiron rebulir nos seus peitos o amor patrio; pero, por carecer completamente de armas, foron asasinados sen defensa.
Coñecemos pola presenta que o vindeiro venres 5 de xullo preséntase o Plan de Mobilidade Urbana Sostíbel (PMUS), elaborado pola consultora IDOM, que se enmarca no proxecto AESS2020.
Desde o BNG criticamos a falta de transparencia que unha vez máis caracteriza ao proxecto EDUSI, un proxecto elaborado integramente pola mesma consultora mencionada anteriormente, que elaborou, ademais, o controvertido proxecto da renovación da Alameda.
Temos que lembrar que esta consultora, que se presentou co proxecto EDUSI debaixo do brazo no despacho do alcalde, percibiu do concello 465.850 euros, en concepto de “servizo de apoio á coordinación, xestión, control, seguimento e monitoraxe das actividades de proxectos da estratexia de desenvolvemento urbano sostible e integrado, AESS2020” e “servizo de apoio técnico definición e desenvolvemento das actividades e proxectos da estratexia de desenvolvemento urbano sostible e integrado, AESS2020”. É dicir, que IDOM, non só deseñou o proxecto, senón que é quen corta o bacallau na EDUSI da Estrada, co beneplácito do PP e coa complicidade dos grandes partidos da oposición que aínda hoxe lle seguen o xogo a López e a IDOM coa súa permanencia na comisión estratéxica na que todo está decidido de antemán polo PP e a consultora.
Como dixemos ao principio, este novo documento que se presentará publicamente o venres 5 de xullo, está feito de costas aos veciños e veciñas da Estrada, como no seu día se fixo proxecto de renovación da Alameda, que non só non é funcional, senón cun custe desmesurado, e xa non digamos o mantemento, que a día de hoxe aínda descoñecemos.
Hai que ter en conta que este plan anunciado polo goberno municipal sentará as bases do que será vila da Estrada dos vindeiros anos, no que se definirán peanolizacións e humaninzacións de rúas, un tema controvertido, que, cando menos ten que contar coa participación do sector comercial, entidades sociais e partidos políticos. Unha vez máis o PP agóchase nos despachos para deseñar unha vila de costas aos veciños e veciñas.
Con todo, no BNG agardamos con interese e curiosidade este PMUS que presenta o goberno municipal do PP, un plan para o que, de momento, só hai 700.000 euros, unha cantidade ridícula para as moitas eivas que ten o noso concello en mobilidade, unha cantidade que contrasta cos máis de 3 millón gastados na Alameda.
—
Sondodance abarrota un pabellón con centos de persoas, na súa despedida a este curso.
Varías actividades darán comezó a cinco días de grandes Festas San Paio 2019.
