A Estrada na Rede

O director xeral de Inclusión Social, Arturo Parrado, foi homenaxeado o pasado Sábado pola Asociación de Fillos e Amigos da Estrada, polo labor que realiza a favor da integración social de todas as persoas. A conselleira de Política Social, Fabiola García acompañada polo alcalde Estradense José López, participou neste acto que recoñecía o traballo a estradenses de nacemento ou adopción en diferentes eidos.

Fabiola García felicitou a todos os homenaxeados polo gran traballo que levan a cabo en eidos como a cultura, a educación, o emprego e a inclusión. Nesta ocasión, fixo especial mención ao traballo que desenvolve cada día o director xeral de Inclusión Social.

Ademais de Arturo Parrado, os galardoados foron Saturnino Cuquejo Iglesias, empresario galego-venezolano; Roberto Brey Porto, empresario do Sector Automovilístico; Carlos Barruso Martín, músico, arreglista, compositor e profesor; o Colexio N.S. Lourdes polos cincuenta anos de eficaz ensino e compromiso coa educación en hábitos saudables na vila; e a Asociación Codeseda Viva pola súa encomiable tarefa a prol da recuperación da historia, a cultura de proximidade e os camiños dos arrieiros a Santiago de Compostela no Concello estradense.
 

A Asociación Rapa das Bestas de Sabucedo e Inversia seguros, Axente exclusivo Helvetia en A Estrada, asinaron esta mañá un convenio mediante o cal se acorda que Helvetia sexa a aseguradora oficial da asociación e dos eventos que ésta organiza.

Co citado acordo, a Asocación Rapa das Bestas de Sabucedo consegue unificar e abaratar as súas pólizas, depositando en Inversia a confianza na xestións dos seus riscos.

Helvetia asegurará todos os riscos propios da actividade da asociación, tales como os danos a terceiros producidos pola grea de bestas que lles pertencen, os vehículos da asociación e inclusive os riscos da organización da festa de interese turístico internacional que se celebrará os vindeiros 5,6,7 e 8 de xullo.

A dirección de Inversia ten éste convenio como un paso máis de crecemento da empresa e móstrase orgullosa de participar de forma activa da man dunha asociación tan importante para A Estrada, que é referente á hora de poñer en valor a nosa vila en todo o mundo.

Pola súa banda Xosé Henrique Bazal Bouzas presidente da Asociación Rapa das Bestas mostrouse moi satisfeito de colaborar cunha entidade do prestixio de Helvetia e cun xoven emprendedor estradense: Alejandro García García Rios, así como co seu equipo de profesionais.

  A subdelegada de Goberno en Pontevedra, Maica  Larriba, asistiu aos operativos de traballo para o simulacro de accidente con incendio de vehículos, realizado esta mañá no túnel de Oca da AP-53 no termo municipal da Estrada. Para iso, contou coa coordinación do Xefe de Demarcación, Angel González do Río e o Xefe das Estradas de Pontevedra, Pablo  Dominguez.

Este simulacro é o primeiro que se realiza nesta autoestrada destas características, elixindo este túnel, en concreto, pola súa lonxitude e o seu formato en curva, tal como explicou aos medios, o propio González do Río. Maica  Larriba explicou a importancia deste tipo de accións, regulados por lei, “tan necesarios para que todos os efectivos estean coordinados  en calquera situación nas nosas estradas  provinciais”.

Tal como quixo lembrar  Larriba  que “no que levamos de 2019, rexistráronse nas nosas estradas 11 accidentes mortais con 14 falecidos. Precisamente, unha das vítimas mortais foi na estrada  EP-7017 da comarca de Tabeirós”. Respecto diso, tamén engadiu que nesta comarca producíronse, con datos consolidados de 2018, dous accidentes mortais, ambos relacionados con saída de vía e con vehículo agrícola, co resultado de tres falecidos.  En relación a isto, a subdelegada de goberno quixo sinalar que “ no que vai de ano, sen ser datos consolidados, entre outros factores, a velocidade estivo presente en cinco accidentes mortais, as distraccións en seis e o alcol e drogas, en un”.

Por outra banda, e aproveitando que o simulacro se realiza nunha autoestrada,  Maica  Larriba quixo incidir en que “na AP-53 en 2018 producíronse 29 accidentes, rexistrándose dous feridos hospitalizados e sete leves. No que levamos de 2019, e con datos provisionais, levamos nove accidentes , cun ferido hospitalizado e oito leves”.

Nos traballos de emerxencia durante o simulacro participaron os efectivos comarcais de Bombeiros  de Deza -Tabeirós, o GES da Estrada, o servizo 061 e a Garda Civil de Tráfico de Pontevedra e a Sala de Tráfico da DXT na Coruña. O sinistro recreado foi unha colisión entre dous vehículos no interior do túnel cun incendio posterior dun coche e a evacuación de dúas persoas feridas. Para elo usouse unha máquina para reproducir fume no interior e comprobar os sistemas de evacuación así como os equipos de respiración autónoma para os servizos de bombeiros e médicos.

Segunda edición de la Holi Raibow que es la que inaugura la apertura de las piscinas municipales, en la que este año contamos con un artista internacional que es Luka Caro que estuvo en el mejor festival del mundo que es Tomorrowland, después Dumore desde vigo que actua en las mejores salas de Galicia y para terminar nosotros, Carlos lopez que es residente en Pub M80 y Discoteca Nicols y en verano en Sanxenxo en La Cama y yo que aparte de regentar el Pub M80 también soy dj residente en el y en Discoteca Nicols, por otra parte la entrada a las piscinas sera gratuita para todo el mundo ese dia y el festival también es gratis, ademas de tirar nosotros polvos, también tendremos a la venta bolsas a 2€, 3 bolsas 5€ y 7 bolsas 10€

López do Partido Popular Estradense tomou posesión po terceira vez consecutiva, ampliando a súa maioria de 11 a 12 ediles. O Alcalde Estradense toma o bastón prometendo traballar pola «residencia».

A portavoz municipal do BNG, Susana Camba, recibiu queixas dos veciños e veciñas de Couso polo lamentábel estado no que se atopa o Xirimbao, a entrada a emblemática á ponte colgante desta parroquia.

Segundo explicou a concelleira nacionalista “a ponte colgante de Couso, que é unha referencia obrigada para calquera visitante do noso concello está a monte, literalmente. En plena tempada de visitas ao Xirimbao, o concello da Estrada recibe os turistas con herbas até o pescozo e todo tipo de maleza e árbores invasoras que case ocultan por completo a ponte”. 

Susana Camba explicou que “o PP nunca demostrou a máis mínima sensibilidade pola nosa riqueza natural e paisaxística, e o Xirimbao é unha mostra da potencialidade que ten o noso concello, mais o partido de López son máis de cemento branco”.

A concelleira do BNG explicou “que para destacar a beleza deste lugar non fan falla moitos cartos, é cuestión de vontade política, é un mínimo de sensibilidade polo noso”. “De feito”, engadiu Susana Camba, “no BNG cónstanos que tería total colaboración dos veciños e veciñas de Couso para que o concello tomase a iniciativa para deixar minimamente presentable a entrada á ponte colgante”.

“Insto ao novo goberno municipal”, indicou Susana Camba, “a rectificar a súa política turística que nos últimos oitos anos foi de total desleixo e improvisación”.

—