Degustación de sidra, tapas, menús sidreiros nos restaurantes, descontos do 10% nas casas de turismos rurais, Grolo de Ouro a mellor sidra,…
Así nos presentaron fai uns días a Segunda Edición da Feira da Sidra na Estrada o primeiro tenente de alcalde, Juan Constenla, a presidenta da asociación de Turismo Rural Mar de Compostela, Ana Villamayor, e os directivos da Asociación Maceira e Sidra, Jesús Armenteros, José Antonio López e Daniel Peroja.
A Feira que terá lugar na carpa sita na praza do concello a partir das 11 da mañá do sábado, contará coa participación de sete lagares profesionais que aportarán 1500 botellas de sidra para degustar. Ademais haberá postos de tapas para consumir coa sidra. O prezo do vaso de como o das tapas será de 4€.
A Asociación de Turismo Rural Mar de Compostela ademais de ter un stand na carpa ofertarán un 10% de desconto nas súas tarifas para animar aos visitantes a visitar e coñecer máis atractivos do noso concello.
Mediante votación popular dos participantes na Feira a partir das 6 da tarde entregarase o premio Grolo de Ouro a mellor sidra.
Por outra banda e como novidade os hostaleiros locais ofertaran menús sidreiros.
Fotografía, Gravación e Redacción: Iria Eiras
