A pasada semana o teatro Principal acolleu a XXIII Edición dos Premios San Martiño de normalización lingüística que otorga a Asociación Cultural o Brado.
Nesta ocasión os galardoados nas tres modalidades do premio foron:
– D. Carlos Loureiro Rodríguez có Premio á difusión da lingua na comarca de Tabeirós Terra de Montes, do cal fixo entrega o presidente do Padroado, Don Xosé López Vilariño.
– Asociación PuntoGal có Premio á normalización no ámbito galego, entregado polo alcalde, Don Xosé López Campos.
– D. Benito Montero Prego có Premio á normalización lingüística, entregado polo Fiscal Superior de Galicia, Don Carlos Varela García.
A gala foi presentada por Dona Chuz Fernández e amenizada por membros da Agrupación Folclórica Tequexetéldere. No turno de intervencións, ademais dos tres homenaxeados, Dona Lourdes Dono fixo lectura da acta como secretaria do Padroado e pecharon o acto Don Valentín García, Secretario Xeral de Política Lingüística, e o alcalde, Don Xosé López.
Os tres premiados foron agasallados con tallas realizadas polo escultor estradense D. Manolo Vilaverde.
Redacción e fotografía: Iria Eiras
Gravación: Adrián Eiras
