Entre o sábado e o domingo realizaranse uns talleres dirixidos a rapaces entre 15 e 18 nos que poderán coñecer de primeira man o necesario para elaborar un película de terror.
A xa famosa Zombie Walk, terá lugar o 10 de Xaneiro. Nesta terceira edición ademais da marcha como novidade haberá un concurso “Raiña do Berro”, no que se premiará o mellor grito de terror.
O día 10 tamén comezarán ás proseccións de filmes de terror nos minicines central con programación para adultos e infantil. Para adultos poderanse ver “Las brujas de Zugarramurdi” (día 10), “Piraña 3DD” (día 17), “Expediente Warren” de The Conjuring (día 24) e unha película aínda por determinar (día 31). Todas elas ás 00:00 horas. En canto a programación infantil as proxeccións serán ás 19:00 horas o día 17 con “Pesadilla antes de Navidad”, o 24 con “Frankenweenie” e o 31 con “Scooby Doo”.
Pechará a terceira edición de Panic coa Gala que terá lugar o 2 de Febreiro no Teatro Principal, onde se poderán ver as curtas presentadas a concurso. Os que queiran participar poden entregar os traballos ata un día antes da gala.
Organizan Produccións Trípode, concello de A Estrada e Servizo de Prevención de Trastornos Aditivos coa colaboración de Minicines Central, Sondodance e Absolute.
Redacción e fotografía: Iria Eiras
Gravación: Adrián Eiras e Iria Eiras
