Dende o Servizo de Emprego e Desenvolvemento Local da Fundación Cultural A Estrada infórmase da convocatoria para a obtención da certificación galega de competencias dixitais en ofimática (Codix), tras o seguimento dun curso de preparación na modalidade de teleformación publicada no DOG do martes 1 de setembro, cun prazo de inscricion de 5 dias naturais dende o mercores 2 de setembro incluído este. As solicitudes deberanse facer na páxina web de Cemit http://cemit.xunta.es, dándose previamente de alta como usuario da rede Cemit.
Unha vez que remate o prazo de inscrición, publicarase a relación provisional de persoas admitidas na páxina web da rede Cemit. As persoas admitidas deberán aboar no prazo de 5 dias desde a data da publicación a taxa de 10 € correspondente aos dereitos de exame seguindo as instruccions que aparecen no DOG.
Os contidos do curso son os seguintes:
– Sistema operativo, procura da información: internet/intranet e correo electronico.
– Aplicacións informáticas de tratamento de textos: Libre Office Writer.
– Aplicacións informáticas de follas de cálculo: Libre Office Calc.
– Aplicacións informáticas de bases de datos relacionais: Libre Office Base.
– Aplicacións informáticas para prestacións: gráficas de información: Libre Office Impress.
Para información máis detallada consultar o DOG número 166 do martes 1 de setembro.
