A Campaña do Programa Galego de Detección Precoz de Cancro de Mama, promovido pola Consellería de Sanidade da Xunta de Galicia, arrancará na Estrada este venres, 3 de novembro. Todas as señoras do municipio, con idades comprendidas entre os 50 e os 69 anos, recibirán unha carta na que se lles indicará o día, a hora e o lugar ao que deberán acudir. No caso de non recibir dita comunicación, as interesadas poden chamar ao 981 141 414 para solicitar unha cita.
Responsables do programa informan de que as cartas iranse recibindo ata finais de xaneiro debido a que son 3.000 as mulleres que se atopan neste grupo de idade. Por este motivo, as persoas que, chegando ese mes, non reciban ningún aviso deberán poñerse en contacto no número de teléfono mencionado antes.
Desde que se puxo en marcha o programa na Estrada, no ano 1996, ata o 2016 foron 19.518 as mulleres exploradas e avaliadas do municipio.
