Esta mañá cando o persoal da Escola Infantil Municipal da Estrada chegaron ao seu posto de traballo atopáronse con parte da varanda exterior rota. Un cristal estaba directamente no chan e outro quedou estalado. Todo parece indicar que se trata dun acto vandálico e axentes da Policía Local trasladáronse ata o lugar para levantar o informe pertinente. Desde o Concello apuntan que se farán as investigacións precisas para dar co autor ou autores deste ataque gratuíto cara o patrimonio público.
