Mediante resolución de data de 02/04/2020 emitida polo Servizo de Gandaria de Pontevedra pertencente á Consellería de Medio Rural procedeuse a estimar a solicitude de Inscricion no Rexistro Galego de Espazos de Acollida de Gando Equino presentada
pola ASOCIACION RAPA DAS BESTAS DE SABUCEDO. A partir desta data, o
citado espazo de acollida queda rexistrado no Rexistro Xeral de Explotacions Gandeiras de Galicia (REGA).
Esta iniciativa busca favorecer o benestar animal e evitar que os cabalos salvaxes que son capturados, ben por causar danos, ou ben por que se atopen nalgunha situación de desamparo, acaben sendo poxados e/ou sacrificados, proporcionándolles un hábitat onde poder vivir en liberdade, mais tamén con control sobre os mesmos. Este control será tamén de tipo veterinario de xeito que a Asociación procederá á elaboración e
implementación dun Programa hixiénico-sanitario básico.
Ainda atopándonos en pleno Estado de Alarma, e por consiguente estando todos os prazos administrativos paralizados, dende o Concello de Forcarei, o Servizo de Gandaría de Pontevedra, e A Asociación Rapa das Bestas de Sabucedo, quixemos axilizar os trámites, para que precisamente ningún équido en Galicia poida estar en situación de desamparo nestes difíciles momentos.
Así todas as partes mantivemos conversas telefónicas durante estes dias co obxectivo de que por parte da Asociación se achegara, por vía electrónica e o mais axiña posible a documentación imprescindible, sobre todo a planimetría dos peches que mantén desbrozados a Asociación Rapa das Bestas. Tramitándose o presente expediente nun moi
curto prazo de tempo, xa que se iniciou o 6 de marzo e se concluiu como vimos o 4 de
abril.
Precisamente, unha das cuestións que mais positivamente valoraron os técnicos do
Servizo de Gandaría, foi que a Asociación posúa dúas zonas de 80 e 70 hectáreas
pechadas, desbrozadas, e abastecidas de auga, que son infraestructuras óptimas para
formar parte deste tipo de Espazos de Acollida, e onde poderán morar os animais que proveñan das zonas mais achegadas a Sabucedo de xeito que non volten aos territorios onde causaron danos ou quedaron desamparados. Hai que lembrar que estes zonas pechadas se realizaron con medios propios Asociación da Rapa das Bestas e co esforzo de moitos veciños de Sabucedo.
Tamén dende a Asociación Rapa das Bestas de Sabucedo agradecemos a predisposición da alcaldesa de Forcarei, dona Verónica Pichel, xa que foi impulsora deste Espazo de Acollida, mostrándose moi satisfeita polo resultado final da tramitación. Dende a Asociación tamén queremos mostrar a nosa gratitude co Servizo de Gandaría da
Provincia de Pontevedra e co Concello de Forcarei por teren confiado en nós para este tipo de iniciativas.
