Os integrantes do xurado técnico, e os 316 veciños que depositaron o seu voto en días pasados, coincidiron en escoller o deseño de RVR Arquitectos Baixo as árbores como o máis idóneo para remodelar a Praza da Feira, Porta do Sol e Rúa Ulla.
No caso do xurado técnico, foron os sete integrantes por unanimidade os que se decantaron por este proxecto unha vez valorados os puntos fortes e débiles das distintas propostas. No caso da votación popular a escolla produciuse por aplastante maioría. En concreto foi o 74,05% (234 votos) dos votantes o que se decantou por esta proposta; mentres que Espazos compartidos recibiu un 12,34 dos sufraxios (39 votos) e o Amencer da Barceloneta un 13,60% (13,60 votos).
Deste xeito, tras a adxudicación da obra ao estudo gañador, RVR Arquitectos, este disporá agora de 30 días para presentar o plan de execución. A idea e realizar a licitación do proxecto a primeiros de ano, comezar as obras antes de primavera e rematalas ao longo do ano 2021.
