Aprazada a Feira das Letras ata os días 29 e 30 de
abril debido á previsión meteorolóxica adversa

A Concellaría de Cultura anuncia que a celebración da
Feira das Letras, inicialmente prevista para esta fin de semana na Praza do Concello,
queda aprazada ata os vindeiros días 29 e 30 de abril debido ás malas previsións
meteorolóxicas e co obxectivo de garantir a seguridade dos asistentes.
Dende a Concellería de Cultura séguese a traballar para tentar manter toda a
programación deste evento, que inclúe espectáculos musicais, representacións teatrais
e narracións orais, ademais de obradoiros gratuitos para os máis cativos. A pesares do
cambio de datas, o que non variará será a participación das librarías Marxe, Durán, Faro,
Lolimay e Pintaletras e da editorial Raposeiras, que ofrecerán descontos para a veciñanza
nos seus puntos de venda.