Os populares valoran a adxudicación publicada pola Consellería
de Sanidade de 12 prazas fixas en centros pontevedreses trala
resolución do concurso de méritos
Este concurso posibilitou a cobertura con carácter fixo de dúas
prazas de medicina de familia no centro de saúde de Vilagarcía,
outras dúas no centro de saúde de Redondela e dunha praza nos
centros de saúde de Catoira, Forcarei, O Grove, Aldán (Cangas),
Arbo, Covelo, Pazos de Borbén e Ponteareas.
O PP lamenta a postura de PSdeG e BNG, que se opuxeron á lei
que permitiu incorporar este novo persoal á sanidade dos
concellos da provincia
O Partido Popular de Pontevedra celebra a
adxudicación de 12 prazas de médico con carácter fixo nos centros sanitarios
da provincia publicada pola Consellería de Sanidade na páxina web do
Sergas trala resolución do concurso de méritos para persoal facultativo
especialista de atención primaria convocado pola Xunta de Galicia en maio
de 2023. A resolución publicarase nos vindeiros días no Diario Oficial de
Galicia, abrindo un prazo dun mes para que estes novo persoal se incorpore
ao seu novo destino.
En particular, este concurso posibilitou a cobertura con carácter fixo de dúas
prazas de medicina de familia no centro de saúde de Vilagarcía, outras dúas
no centro de saúde de Redondela e dunha praza nos centros de saúde de
Catoira, Forcarei, O Grove, Aldán (Cangas), Arbo, Covelo, Pazos de Borbén
e Ponteareas.
