O pleno municipal aprobará o luns, en sesión extraordinaria, unha
addenda ao convenio que contempla esta data para a finalización das
novas instalacións deportivas.
Nestes intres a empresa agarda pola chegada de grandes vigas de
madeira que se instalarán sobre os piares que están á vista,
converténdose na base para a singular cuberta do inmoble.
As obras do módulo cuberto multideporte, unhas
instalacións anexas ás novas pistas de atletismo do Concello da Estrada, terán que estar
rematadas para o 31 de marzo. É a data que se establece na addenda ao convenio entre a
administración municipal e a Deputación de Pontevedra que se aprobará o luns en pleno
extraordinario. O alcalde, Gonzalo Louzao Dono, sinalou a oportunidade que brindará este
novo recinto para facilitar a práctica a cuberto de distintas disciplinas atléticas, ao que se
sumará o feito de que este edificio permitirá superar a actual carencia dunha espazo propio
para deportes como o judo, o karate ou o taekwondo.
O mandatario explicou que nestes intres a empresa adxudicataria destas obras atópase á
espera de que cheguen as grandes vigas de madeira á medida que se colocarán sobre os
piares que están actualmente a vista, como sustento da singular cuberta de madeira
concibida para este módulo.
Aproveitando o desnivel existente nos terreos nos que se está construíndo o edificio ou, o
que vén sendo o mesmo, entre as pistas de atletismo e os terreos da Academia Galega de
Seguridade Pública (Agasp), o novo módulo cuberto multideporte servirá de comunicación
entrámbolos dous recintos. De feito, o edificio terá acceso dende a cota de terreo da
academia e dende as propias pistas, prevéndose un terceiro acceso pola que será a súa parte
frontal.
As instalacións permitirán dotar de servizos as propias pistas de atletismo, cubrindo
necesidades como os vestiarios, aseos, almacéns de material ou o propio ximnasio.
Contando cun orzamento que se sitúa por encima dos 2 millóns de euros, virán facilitar na
Estrada un espazo específico para a práctica de atletismo totalmente cuberta, dando a
oportunidade de que os adestramentos e as competicións de determinadas disciplinas
poidan realizarse mesmo con condicións meteorolóxicas adversas. Deste xeito, terán foso
de area a cuberto e pistas para poder practicar salto con pértega, saltos de lonxitude ou
probas de velocidade e vallas.
Isto fará deste módulo unha dotación idónea de carácter complementario para as pistas ao
aire libre inauguradas hai agora un ano, de tal maneira que nestas instalacións se poidan
programar competicións e concentracións técnicas de alto nivel.
Na planta semisoto deste módulo multideporte habilitarase un ximnasio e unha ampla zona
especificamente pensada para artes marciais, con tres tatamis. Isto confire, como queda
avanzado, un espazo específico para deportes como o judo, o karate ou o taekwondo,
disciplinas que agora mesmo están desprazadas, por falta dun recinto propio, ás instalacións
da Fundación de Exposicións e Congresos.
instalacións anexas ás novas pistas de atletismo do Concello da Estrada, terán que estar
rematadas para o 31 de marzo. É a data que se establece na addenda ao convenio entre a
administración municipal e a Deputación de Pontevedra que se aprobará o luns en pleno
extraordinario. O alcalde, Gonzalo Louzao Dono, sinalou a oportunidade que brindará este
novo recinto para facilitar a práctica a cuberto de distintas disciplinas atléticas, ao que se
sumará o feito de que este edificio permitirá superar a actual carencia dunha espazo propio
para deportes como o judo, o karate ou o taekwondo.
O mandatario explicou que nestes intres a empresa adxudicataria destas obras atópase á
espera de que cheguen as grandes vigas de madeira á medida que se colocarán sobre os
piares que están actualmente a vista, como sustento da singular cuberta de madeira
concibida para este módulo.
Aproveitando o desnivel existente nos terreos nos que se está construíndo o edificio ou, o
que vén sendo o mesmo, entre as pistas de atletismo e os terreos da Academia Galega de
Seguridade Pública (Agasp), o novo módulo cuberto multideporte servirá de comunicación
entrámbolos dous recintos. De feito, o edificio terá acceso dende a cota de terreo da
academia e dende as propias pistas, prevéndose un terceiro acceso pola que será a súa parte
frontal.
As instalacións permitirán dotar de servizos as propias pistas de atletismo, cubrindo
necesidades como os vestiarios, aseos, almacéns de material ou o propio ximnasio.
Contando cun orzamento que se sitúa por encima dos 2 millóns de euros, virán facilitar na
Estrada un espazo específico para a práctica de atletismo totalmente cuberta, dando a
oportunidade de que os adestramentos e as competicións de determinadas disciplinas
poidan realizarse mesmo con condicións meteorolóxicas adversas. Deste xeito, terán foso
de area a cuberto e pistas para poder practicar salto con pértega, saltos de lonxitude ou
probas de velocidade e vallas.
Isto fará deste módulo unha dotación idónea de carácter complementario para as pistas ao
aire libre inauguradas hai agora un ano, de tal maneira que nestas instalacións se poidan
programar competicións e concentracións técnicas de alto nivel.
Na planta semisoto deste módulo multideporte habilitarase un ximnasio e unha ampla zona
especificamente pensada para artes marciais, con tres tatamis. Isto confire, como queda
avanzado, un espazo específico para deportes como o judo, o karate ou o taekwondo,
disciplinas que agora mesmo están desprazadas, por falta dun recinto propio, ás instalacións
da Fundación de Exposicións e Congresos.
