As brigadas de operarios do Concello da Estrada realizan estes días traballos de poda das árbores existentes en distintas rúas do casco urbano. Esta mañá as actuacións, habituais nesta época do ano, chegaban á Praza de Galicia, despois de deixar completadas as melloras nas rúas Ulla e Calvo Sotelo.
Os traballadores iniciaron estas tarefas na Avenida Ponteareas e foron ascendendo por toda a zona peonil para cumprir co programa previsto, que chegará a varias rúas nos vindeiros días.
