Participará alumnado dunha decena de centros educativos.
Preto de 500 estudantes de 10 centros educativos da
Estrada celebrarán este xoves, 16 de abril, o Día da Actividade Física na Rúa. O evento
está organizado pola Agrupación Deportiva Escolar de Base da Estrada, en colaboración
co departamento municipal de Deportes.
Os alumnos distribuiranse, entre as 10.00 e as 12.00 horas, por distintos puntos do casco
urbano, caso da zona peonil que conforman rúas como Calvo Sotelo, Ulla, Serafín Pazo
ou a Praza da Constitución, xunto coa alameda municipal.
Os centros que participarán nesta xornada serán os colexios Pérez Viondi (acudirá con
60 alumnos), Figueiroa (49), O Foxo (25), Oca (12), Cabada Vázquez de Codeseda (25),
Manuel Villar Paramá de Vea (18), IES Manuel García Barros (90), IES Avelina Valladares
(68), IES Antón Losada Diéguez (61) e o NS Lourdes (38).
Xogos populares ou actividades de coordinación figuran entre o programa previsto para
celebrar este Día da Actividade Física na Rúa na capital estradense.
