Nos pasados días reuníronse no entorno ao centro escolar de Souto de Vea membros da ANPA, condutores de autocares escolares, un técnico da Xunta e a concelleira de educación, Amalia Goldar, para tentar buscar solución ao problema de que parte dos escolares teñan que apearse dos autocares na marxe da estrada. Sobre o terreo barallaron varias opcións como acondicionar a zona frontal do centro, zona verde, para que poidan entrar os autocares a deixar aos rapaces. Outra opción podería ser empregar o aparcamento dos mestres con este fin. Todas as ideas que alí falaron están sendo estudadas polos técnicos para ver a súa viabilidade e custos e tentar solucionar o problema na maior brevidade posible.
Gravación e Redacción: Iria Eiras
