A Estrada na Rede

 «O goberno de López cobra 168.000 euros ao ano en dedicacións exclusivas, pero  non traballan moito polo concello»

Estamos en abril e a escasos dous meses das eleccións municipais e o goberno municipal do PP aínda non presentou os orzamentos de 2023. Segundo explicou o candidato do BNG, Xoán Reices, «é incomprensíbel que a estas alturas do ano aínda non teñamos os orzamentos aprobados; este goberno cobra 168.000 euros ao ano en dedicacións exclusivas, pero polo que se ve non traballan moito polo concello».

Reices explicou que «este desfase á hora de aprobar os orzamentos non é a primeira vez que ocorre, xa pasou en 2020». «Daquela puxeron de escusa pandemia e o confinamento», explica o candidato do BNG, «mais, que desculpa teñen este ano? Ningunha».

«López ten unha maioría absolutísima para sacar os orzamentos sen problema, e se precisa cambiar o concelleiro de facenda porque non fai o seu traballo, a pesar de ter dedicación parcial de 20.000 euros anuais, terá que facelo; as concellarías son delegacións do alcalde, que ten todas as competencias, é a responsabilidade do alcalde sacar os orzamentos», afirma Reices.

«Isto pon de manifesto unha vez máis o que vimos dicindo desde o BNG desde hai tempo, que este goberno é inoperante, non traballa nin se preocupa polos problemas dos veciños e veciñas, e ter uns orzamentos aprobados en tempo e forma é clave para solucionalos», explica o candidato do BNG, Xoán Reices.

«A Estrada non pode soportar por máis tempo a este goberno inútil» engade Reices, «o noso concello mere máis, merece un goberno que estea á altura e responda diante dos veciños e veciñas, que traballe para solucionar os múltiples problemas que ten; o 28 de maio é tempo de mudanzas, así non podemos seguir».

― Este 1º treito da prolongación da AG-59 como autovía libre de peaxe discorrerá de norte
a sur e paralelo á AC-841 ao longo de 3,5 km no termo municipal de Teo
― O obxectivo da Xunta é licitar as obras en abril, por máis de 32,3 M€, para poder
comezalas este ano
― Executaranse dous enlaces: un de adecuación do existente na Ramallosa cara á AC-841
e outro de nova construción, sobre a estrada AC-241, situado ao final do treito
― Nesta intervención construiranse 6 novas estruturas que inclúen o viaduto de Santa
Lucía, 3 pasos inferiores e 2 pasos superiores
― En paralelo, segue avanzándose no proxecto de construción da segunda fase de
prolongación da autovía autonómica: outros 4 km entre Pontevea e O Rollo, xa no
municipio da Estrada
― A Xunta destinará un investimento conxunto superior aos 65 M€ á prolongación da AG-
59, permitindo reducir os tempos de viaxe entre os municipios de Santiago de
Compostela e A Estrada a 10 minutos sen pagar peaxes

AUTOVIA AG-59 QUE SERA AMPLIADA HASTA A ESTRADA

A Consellería de Infraestruturas e
Mobilidade, a través da Axencia Galega de Infraestruturas, vén de asinar a resolución da
aprobación do proxecto de construción do novo treito de 3,5 novos quilómetros da autovía
Santiago-A Estrada, entre A Ramallosa e o enlace coa estrada AC-241, en Pontevea, no
municipio de Teo.
Trátase da primeira intervención para o impulso da prolongación da AG-59, que dá
continuidade ao treito da autovía libre de peaxe que xa se atopa en servizo e que suporá
un investimento da Xunta de 33.101.705 euros, no que se inclúe o pagamento dos 291
predios necesarios para executar os traballos.
O obxectivo da Xunta é licitar as obras neste vindeiro mes de abril, para poder comezalas
este ano. A intervención conta cun prazo de execución de 20 meses.
O importe da contratación destas obras de prolongación deste novo treito de conexión por
autovía do concello de Teo desde Santiago ascende aos 32.352.634 euros. A consellería
de Infraestruturas e Mobilidade elevará nas vindeiras semanas ao Consello da Xunta a
contratación das obras.
En concreto, o novo trazado discorre de norte a sur, cunha lixeira orientación cara ao oeste
e paralelo á estrada AC-841, atravesando o municipio de Teo.
En canto ás características deste novo tramo da autovía considérase unha velocidade de
proxecto de 100 km/h, con 4 carrís de 4 x 3,50 metros e mediana de 1 x 2 metros,
beiravías exteriores e interiores, e bermas exteriores.
A súa lonxitude é de algo máis de 3,5 quilómetros, con dous enlaces, un consistente na
adecuación do actualmente existente na Ramallosa coa estrada AC-841 e outro de nova

construción, sobre a estrada AC-241, situado ao final do treito. A Actuación inclúe 6 novas
estruturas: viaduto de Santa Lucía, 3 pasos inferiores e 2 pasos superiores.
En concreto, redeséñase o enlace existente na Ramallosa que une a AG-59 coa estrada
AC-841, que constará dun ramal dirección Santiago e un de saída á AC-841. O novo
enlace que se construirá na AC-241 constará dunha vía de acceso á AG-59 en sentido
Santiago e un de saída, que termina nunha glorieta de 20 metros de radio sobre a estrada
AC-241.
Tamén se executarán ao longo do trazado variantes das estradas actuais e camiños de
servizo.
As 6 estruturas de nova construción son: o viaduto en Santa Lucía, de 150 metros de
lonxitude; os dous pasos superiores, un no enlace da Ramallosa de 56 metros de lonxitude
e outro no enlace coa AC-241 de algo máis de 39 metros de lonxitude; e os tres pasos
inferiores.

O proxecto de trazado previo á aprobación da redacción do proxecto construtivo, que
agora vén de aprobar o departamento de Infraestruturas da Xunta, conta tamén coa
declaración de impacto ambiental favorable por parte do organismo competente.
Froito deste proceso, a Xunta, unha vez analizadas as achegas presentadas, incorporou
ao proxecto construtivo un novo camiño de servizo entre os puntos quilométricos 106+300
ao 106+700, para dar continuidade e posibilitar a comunicación entre ambas as marxes da
autovía. Ademais, executarase un novo camiño de servizo paralelo ao tronco da autovía
proxectada entre os puntos 107+120 ata o 107+320 coa finalidade de mellorar os accesos
e comunicacións entre ambas as marxes da nova infraestrutura, das leiras e explotacións
gandeiras existentes nesta entorna.
Tamén se realizará un cambio de trazado e a reposición do oleoduto Coruña-Vigo que
atravesa a traza da AG-59 en dous puntos: na zona do enlace da Ramallosa, no punto
100+240, e na zona previa ao viaduto de Santa Lucía, no 100+400. Inclúese, tamén, a
modificación da sección dos pasos inferiores dos eixos 11 e 19 (puntos quilométricos
106+320 e 107+119) e do paso superior do eixo 17 (punto 104+789), co obxectivo de dar
continuidade ao Camiño da Geira e dos Arrieriros interceptados pola actuación.
Outros 4 km entre Pontevea e O Rollo
En paralelo, a Xunta segue avanzando no proxecto de construción das obras da segunda
fase de prolongación da autovía autonómica: outros 4 quilómetros entre Pontevea e O
Rollo, xa no municipio da Estrada. Esta intervención suporá un investimento da Xunta de
34,4 M€.
A prolongación da AG-59 é un obxectivo estratéxico da Xunta para mellorar a seguridade
viaria e a vertebración territorial, permitindo reducir os tempos de viaxe entre os municipios
de Santiago de Compostela e A Estrada a 10 minutos sen pagar peaxes.
As obras para completar a autoestrada entre as dúas localidades contarán cun
investimento de máis de 65 M€

Xoán reices, portavoz e candidato do BNG en Padrón, anunciou que o BNG presentará mocións na Estrada e en Padrón

«Non hai compensacións que xustifiquen a destrución da contorna do xacemento», sinalou Xoán Reices, candidato do BNG á alcaldía da Estrada

A Estrada, Representantes do BNG nos concellos de Padrón e A Estrada, encabezados por Bea Rei, portavoz en Padrón, e Xoán Reices, candidato á alcadía da Estrada, acompañadas polas deputadas Iria Carreira, Montse Prado e Luís Bará, presentaron hoxe na Xunta un escrito no que solicitan a revisión da Declaración de Impacto Ambiental, a denegación da autorización do polígono eólico e o desenvolvemento dun proxecto de investigación e promoción do enclave.

O escrito do BNG fai referencia ao proxecto de investigación «Castelos no aire. As fortalezas como símbolo do poder aristocrático na Gallaecia (400-600 e.c.) do dr Mario Fernández Pereiro, financiado pola Deputación da Coruña e á publicación «Buscando un castillo medieval entre la vegetación. El caso de castro Valente», publicado recentemente por Mario Fernández Pereiro e José Carlos Sánchez Pardo na revista Cuadernos de Arqueología de la Universidad de Navarra.

Para o BNG, «As recentes investigacións e prospeccións arqueolóxicas obrigan a revisar os informes da Dirección Xeral de Patrimonio Cultural sobre o proxecto do polígono eólico, coa finalidade de protexer o enclave e a súa contorna e desenvolver unha ampla investigación sobre o mesmo antes de levar a cabo obras que poderían ter impactos irreversíbeis».
O grupo nacionalista considera unha fraude que a Xunta lle dea luz verde ao proxecto da empresa Iberdrola, cuxos principais accionistas son fondos de investimento especulativos como Catar Holding e Black Rock, a cambio dunha suposta compensación en forma de investimentos na restauración da igrexa e o convento de Herbón e na conservación do Castro Valente. Segundo sinalou o portavoz de medio ambiente no parlamento, Luís Bará «Estes investimentos na protección e restauración do patrimonio cultural deben facerse sen que estean patrocinados por unha empresa privada e non ten sentido entrar nunha lóxica de destrución do espazo e logo facer coidados paliativos. Está claro que o polígono eólico é incompatíbel coa protección e posta en valor de Castro Valente e se a empresa quere producir enerxía renovábel debe facelo noutro emprazamento que non teña estes efectos destrutivos».

A debate nos plenos dos Concellos

Tanto a portavoz do BNG en Padrón, Bea Rei, como o candidato á alcaldía da Estrada Xoán Reices, anunciaron a presentación de mocións nos plenos dos dous concellos, coa finalidade de que as dúas corporacións se pronuncien en contra do polígono eólico e a favor da recuperación de Castro Valente para convertelo nun atractivo e nun elemento dinamizador dos dous concellos.

Solicitude de documentación por vía parlamentar

Por outra parte, as representantes do BNG no parlamento galego anunciaron o rexistro de iniciativas para que a Xunta facilite a documentación correspondente á tramitación do proxecto. Segundo o grupo nacionalista, houbo numerosas modificacións en forma de addendas que se descoñecen, así como numerosos informes da Dirección Xeral de Patrimonio Cultural e supostos acordos coa empresa promotora que deberían someterse a coñeceento e a información pública para evitar a indefensión que poida producirse. Lembra o grupo nacionalista que hai antecedentes de sentenzas do Tribunal Superior de Xustiza de Galiza que anulan proxectos eólicos por non someter a información pública a documentación, incluindo todos os infores sectoriais dos departamentos da Xunta.

“Hai que evitar que a desorientación, que sofren especialmente as persoas con demencia, remate na súa desaparición”, asegura la responsable do Centro de día de A Estrada
La charla, en la que también se explicarán otros temas, como las estafas y los robos, está abierta a todo el público y se celebra este luns, día 27 en el edificio Novo Mercado.

Efectivos de la Guardia Civil de Lalín impartirán el lunes, 27 de marzo, la charla ‘Consejos de Seguridad para prevenir la desaparición de personas mayores’ en el Edificio Novo Mercado, de A Estrada.
Esta charla ha sido solicitada por la asociación AGADEA ALZHÉIMER a las autoridades tras pulsar preocupación entre las familias. “Hai que evitar que a desorientación das persoas maiores que afecta especialmente as que sofren demencia, acabe na súa desaparición. A garda civil informará como previr este tipo de casos”, asegurou Sonia Castro, coordinadora do Centro de día de persoas maiores do concello de A Estrada. Entre las medidas que se pondrán sobre la mesa está “informar ao noso entorno (veciñanza, comerciantes, amigos/as) das limitacións dos nosos familiares para ampliar a rede de protección”. También se informará de tecnología existente, como Apps, los teléfonos de aviso, así como los pasos inmediatos que hay que dar tras la desaparición. “Por outra banda falarán de temas que afectan a todo o mundo, como as estafas e os roubos”.

La desaparición de personas mayores en la vía pública, es un problema que preocupa a toda la sociedad, y la Guardia Civil en particular, y que es necesario prevenir. En esta charla que se celebra este lunes a las 16.00 horas está abierta a todo el público y está dirigida especialmente a los familiares de los mayores, los cuidadores o personas que los tengan a cargo.
Solo hace falta inscribirse no 651 981 863.

«A Estrada nova que queremos construír non se pode facer sen contar coa opinión e as suxestións da veciñanza»

O BNG está en plena fase de elaboración do programa electoral das municipais e vén de lanzar a web aestradamerecemais.info para recoller suxestións dos veciños e veciñas do noso concello.

Xoán Reices, candidato do BNG, explicou que «A Estrada nova que queremos construír non se pode facer sen contar coa opinión e as suxestións da veciñanza, por iso abrimos esta web para recoller as suxestións e opinións que afectan a todos os ámbitos, desde as políticas para o rural, a económica, a industria do moble, pasando pola cultura, a mocidade, a muller, etc». «A opinión dos veciños e veciñas conta para o BNG», engade.

«O formulario é moi sinxelo de cumprimentar», indica Reices, «non recolle datos persoais de ningún tipo, polo tanto as suxestións serán anónimas para que os veciños e veciñas se sintan libres de expresarse sen problemas». «Por outra parte», engade o candidato do BNG, «tamén recollemos a opinión que teñen a nosa veciñanza dos distintos servizos que presta o concello, así  teremos un coñecemento en profundidade dos problemas aos que se enfrontan día tras día os nosos veciños e veciñas».

O candidato do BNG, Xoán Reices, afirmou que «a elaboración do programa electoral xa a temos moi avanzada, mais cremos que as suxestións que se insiran neste formulario que poñemos a disposición dos veciños e veciñas, enriquecerao, e a axudarannos a poñer en marcha A Estrada Nova que queremos, un concello que supere estes doce anos grises e tristes do PP de López, que mande ao baúl dos pesadelos a este goberno que sempre estivo de brazos cruzados ante os problemas dos veciños e veciñas».

Non sempre o Teatro Principal da Estrada pode gabarse de albergar a presentación dun
traballo discográfico. Mañá venres, a banda galega IGLOO, integrada por Beni Ferreiro,
Juanma Fernández, Alberto Torres e Julián Rodríguez, publica o seu novo álbum “Planes
para días grises”, producido polo compositor e productor de Vetusta Morla, Juanma
Latorre.
Case vinte anos de traxectoria e sete traballos discográficos avalan esta banda,
plenamente consolidada na escena musical galega e española, levando a súa música
por festivais como o Portamérica, o Primavera Sound, o Festival de la Luz, O Son do
Camiño ou o Sonorama Ribera, entre outros moitos.
O currículo da banda complétase con varios recoñecementos como o Premio del Público
a los 33 de UFI (actuales MIN), gañadores do certame de Myspace para telonear a Franz
Ferdinand, premio ao mellor directo Maketón 40 Principales, gañadores do Mestre Mateo
na categoría de videoclips e do Premio do Público do Festival de Cans con Restos de un
naufragio (IDo Visual).
No concerto de mañá, no Teatro Principal, tocarán as 11 cancións do seu novo traballo
discográfico, ao tempo que farán un repaso polos mellores temas da súa discografía. As
entradas poderán retirarse no despacho de billetes do teatro a partir das 20.30h, e tamén
nos puntos de venda establecidos en Cuntis (Chelsea Cafetería e ene-A fotógrafos) e en
Caldas de Reis (Cafetería Pousada Real). O prezo da entrada é de 5,00€,

O presidente da Xunta, Alfonso Rueda, acompañado do vicepresidente segundo e conselleiro de Presidencia, Xustiza e Deportes, Diego Calvo, asiste ao acto de recepción aos novos alumnos do curso académico de Policia. Academia Galega de Seguridade Pública, A Estrada, 22/03/23.

O presidente da Xunta, Alfonso Rueda, aproveitou a recepción desta mañá aos novos alumnos do curso académico de Policía Local na Academia Galega de Seguridade Pública (Agasp) para eloxiar o papel do corpo á hora de conformar unha Galicia máis segura para vivir, traballar e visitar. 

O titular do Executivo galego, acompañado do vicepresidente segundo e conselleiro de Presidencia, Xustiza e Deportes, Diego Calvo, e o director xeral de Emerxencias e Interior, Santiago Villanueva, deulle así a benvida oficial aos novos axentes que comezaron recentemente coa súa formación nas instalacións da Estrada. 

Durante a cerimonia de inauguración, Rueda gabou o compromiso e a dedicación dun corpo de seguridade que “case sempre é o primeiro en acudir a situacións de emerxencias”. Neste sentido, agradeceu a súa implicación para facer de Galicia unha das comunidades máis seguras de España. 

A comezos do mes de marzo iniciaron a súa formación preto de 80 novos policías locais e outros 25 axentes para promocionar ao posto de oficial. O presidente destacou a importancia de recibir unha boa instrución e contar coas infraestruturas e medios adecuados, como no caso da Agasp, onde se ofrece “a mellor formación que se pode recibir en calquera comunidade autónoma”. 

“Avanzouse moi rápido en moi pouco tempo”, afirmou Rueda en referencia aos avances conseguidos na instrución dos corpos de seguridade. “Actualmente, case 90 concellos delegan na Xunta a selección dos seus policías locais, o que garante para os opositores que van recibir unha mellor formación e a opción de elixir os seus destinos”, destacou.

Tres décadas formando policías locais 

Neste 2023 cúmprense 30 anos desde o primeiro curso de formación para policía local que se impartiu na Academia Galega de Seguridade Pública. Desde o 1993 pasaron polas instalacións da Estrada máis de 1800 axentes e promocionaron preto de 550.

Alfonso Rueda aproveitou o acto para amosar a disposición da Xunta a colaborar co resto de Administracións locais nos 127 corpos de Policía Local de Galicia, como xa se está a facer con axudas para a contratación de axentes, a centralización dos procesos selectivos, a formación de todos os corpos de seguridade da comunidade ou a posta en funcionamento do novo rexistro de policías locais.