A Estrada na Rede

O goberno da Estrada dará luz verde o luns á licitación dun proxecto que contempla a creación dun paquete de rutas de sendeirismo a través do termo municipal, unha actuación que o executivo que dirixe José López Campos financiará no marco do Plan Concellos 2020 A iniciativa municipal propón rutas circulares de nivel ascendente aos residentes distribuídas polos catro puntos cardinais da periferia da zona urbana. e interconectables, xunto con rutas de ata 15 quilómetros para os usuarios que buscan unha maior demanda física. 

Un cribado para 2800 persoas de entre 31 e 50 anos para frenar o avance do cov no noso Municipio, o seas programao para vindeira semana .

Será un cribado con test antíantigenos, citaranse persoas entre 31 e 50 anos.

Serán citadas dende o centro de saúde local dende o martes 2 de Febreiro ata o xoves 4 de 16,30 a 19,30.

A Cita enviarase por SmS.

Susana Camba: «Entendemos que os protocolos mandan e que cando se detecta un contaxio hai que tomar medidas, mais o goberno municipal ten que buscar unha alternativa para manter aberto servizos sociais»

Os servizos sociais do concello están pechados ao detectar un brote neste departamento municipal e o goberno municipal non toma medidas para mantelo acceso, ben presencialmente, ben con asistencia telefónica.

A concelleira do BNG, Susana Camba, explicou que «entendemos que os protocolos mandan e que cando se detecta un contaxio hai que tomar medidas, en primeiro lugar, illar ás persoas presumibelmente contaxiadas e desinfectar as instalacións, e en segundo lugar contactar persoalmente coas persoas citadas para anular a cita ou cambiarlla para outro día». «Das medidas que podía tomar o goberno municipal ante unha situación de contaxio só se tomou a primeira», afirma a concelleira do BNG, «deixando tirados aos veciños e veciñas que tiñan cita para estes días».

«Efectivamente, diante dunha pandemia como a que estamos vivindo, as traballadoras dos servizos sociais poden contaxiarse como calquera outra traballadora que atende ao público», afirma Susana Camba, «pero é responsabilidade do goberno municipal tomar medidas para manter acceso un servizo clave no actual contexto socio-económico que estamos vivindo, onde moitas persoas precisan axuda; e o que non pode ser é que servizos sociais estea pechado». «En primeiro lugar, o concello pode tirar das listas de substitucións para cubrir esas vacantes laborais», engade, «mais tamén pode implantar o tele-traballo ou a asistencia telefónica para atender ás persoas que o necesiten».

«Mais o peor de todo isto é que os contaxios xa se detectaron na fin de semana», afirma a concelleira do BNG, «estamos a mércores e o goberno non tomou medidas para manter aberto este servizo, optou pola saída doada, pechar todo o departamento sen poñer enriba da mesa unha alternativa».

A concelleira do BNG, Susana Camba, insta ao alcalde a tomar medidas, «porque como mínimo as traballadoras terá que estar 10 días en corentena e non pode ser que servizos sociais estea pechado sine die.»

A cancelación das actividades do Festival de Cine de Terror PANIC, por mor da pandemia, que serán reprogramadas no momento que mellore a situación sanitaria, leva tamén aparellada unha ampliación do prazo para entregar os traballos presentados a algún dos concursos convocados no marco deste festival.

Deste xeito, os concursos de fotografía e curtametraxes de terror, trocarán o seu prazo de entrega pasando do día 31 de xaneiro ao día 26 de febreiro, nun intento de facilitarlles o proceso de produción das obras a todos os participantes.

As citas feirais manteranse na Estrada, pero con limitacións impostas pola COVID

O Concello da Estrada veuse na obriga de tomar medidas máis severas na organización dos mercados semanais. Así pois, ata o de agora, pese as restriccións fomos capaces de manter a totalidade dos postos regularmente asistentes, computando como espazo libre a trintena de postos que quedaron libres logo do proceso de regularización que o Concello fixo aplicando a ordenanza de mercados no que ten que ver ca perda da posesión do posto por causas tales como non asistir ou non pagar as taxas de ocupación establecidas por un período temporal longo.

Pese a manter esta medida como solución de consenso para lograr que os postos restantes poidan participar semanalmente, tras o ascenso moi considerado de casos, e as tan restrictivas medidas que nos afectan, tomouse a decisión de recuperar puntualmente as medidas anteriormente tomadas na reducción dos postos ó 50 %, priorizando a participación semanal dos postos de alimentación, e dividindo en dous grupos os de textil e calzado, que participarán quincenalmente durante estas feiras nas que duren as medidas que hoxe estreamos.

Así pois, manterase o servizo das polberías, pero só para levar, como así o indican as novas medidas que afectan á totalidade da hostalería.

Nembargantes, continúa con normalidade a actividade do Novo Mercado, punto de referencia do producto de calidade, fesco e de cercanía.

O concelleiro de urbanismo enumeraba en Facebook as actuacións previstas nas rúas vila. Serafín Pazo, Praza da Feira, Ulla, Porta do Sol, Calvo Sotelo, Justo Martínez, 25 de Xullo e Iryda. Todas, agás as dúas últimas, son rúas que xa están humanizadas e recibiron a atención dos gobernos municipais correspondentes. Porén, outras, como a Avenida de Santiago agarda desfeita pola acción do intenso tráfico que soporta e pola acción de choiva que acelera o seu deterioro. Esta rúa necesita unha actuación en serio, non parches, porque é habitual o seu deterioro.

Como xa denunciamos hai algún tempo o goberno municipal do PP actúa sobre o xa feito, concentrando todas as súas actuación no centro da vila, deixando abandonadas as marxes, o que está a levantar un forte malestar entre os veciños e veciñas da vila, que non teñen a sorte de vivir no centro.

E por outra parte, o rural. Mentres o goberno municipal de López concentra as súas actuacións na vila, o rural a monte, con vías moi deterioradas, ás que, como moito se lles bota unhas palas de chapapote. Unha situación que é probábel que vaia a peor, unha vez o Sr. Constenla, concelleiro de rural, tome posesión do cargo de deputado no Congreso. Se o rural está mal a estas alturas, non nos imaxinamos como estará dentro de seis meses ou un ano.

Neste sentido, no BNG entendemos que a acumulación de cargos non é boa para a xestión do día a día do noso concello, así como tampouco o é para defender os intereses da Estrada no Congreso. O Sr. Constenla debería elixir: ou o concello ou o Congreso. Así como debe elixir cobrar polo concello ou cobrar polo Congreso. Acumular cargos é negativo para os veciños e veciñas da Estrada, acumular soldos é pouco ético.

O Concello da Estrada pechou o proxecto de peonalización integral da rúa Calvo Sotelo e de humanización do tramo de Justo Martínez entre Calvo Sotelo e a rúa Iryda. O proxecto foi levado a cabo por técnicos municipais e estima o investimento necesario para acometer as obras nuns 270.000 euros. No caso da rúa Calvo Sotelo, está previsto a peonalización de todo o tramo comprendido entre a intersección coa rúa Castelao e a praza da Farola. Non obstante, o paso transversal de vehículos quedará aberto por Justo Martínez. O proxecto prevé preservar o pavimento de pedra das beirarrúas anchas actuais, aínda que se eliminarán os bolardos que actualmente delimitan o carril central. A acción terá lugar, sobre todo, nesa estrada central. Levantarase o aglomerado existente e colocarase o pavimento de pedra do país, buscando a concordancia coa das beirarrúas. Do mesmo xeito, a zona marcarase como zona peonil. Só se permitirá o paso para a entrada e saída de garaxes ou a carga e descarga en franxas horarias específicas. Na rúa Justo Martínez, a beirarrúa da marxe dereita ampliarase en dirección ao Concello. Para gañar espazo para isto, o carril central de tráfico cambiarase á esquerda e eliminaranse as prazas de aparcamento actuais. Só quedará unha zona para a carga e descarga no extremo máis próximo a Calvo Sotelo. A nova rúa terá beirarrúas de pedra campestre e unha estrada central de 3,5 metros en formigón ou aglomerado. O carril e as beirarrúas situaranse nunha única plataforma. A velocidade de movemento limitarase na zona a 30 quilómetros por hora, para promover a convivencia segura de peóns e vehículos no tramo humanizado.
Segundo explicou o alcalde estradense, José López, o proxecto enviarase agora á Xunta, en busca dun acordo coa Consellería de Medio Ambiente, que conta con varias liñas de axudas para a peonalización e humanización. O Concello da Estrada buscará un acordo para cofinanciar as obras. Non obstante, aínda sen esta axuda, o goberno local estaría disposto a emprender unha obra que figura na súa folla de ruta para este ano. O obxectivo de López é licitar as obras nun prazo de tres ou catro meses e combinalas coas obras de peonalización da rúa Ulla, que se levarán a cabo dentro do proxecto de humanización da Praza da Feira e os seus arredores. O Concello espera recibir o proxecto desta actuación en febreiro para sacar a concurso a obra de inmediato. Con ambas accións, A Estrada vería peonalizada a súa milla de ouro, dende a Porta do Sol ata a Farola.