A Estrada na Rede

A industria gráfica silledense Arlit Diseño e
Impresión entregou esta mañá a representantes municipais dos concellos das comarcas de Deza e Tabeirós-Terra de Montes preto de 6.000 fundas
personalizables para máscaras cirúrxicas ao fin de que poidan agasallar con dúas unidades a cada un dos 2.700 alumnos/as de Primaria da zona.
O acto de entrega destas fundas tivo lugar nas instalacións de Arlit, no Parque Empresarial Área 33 de Silleda, e contou coa presenza do alcalde de Silleda,
Manuel Cuiña, e a concelleira Mónica González; a concelleira de Vila de Cruces Mireya Otero; o concelleiro lalinense Avelino Souto; a concelleira de Educación da Estrada, Amalia Goldar; o concelleiro de Rodeiro Rubén Quintá; e a concelleira de Educación de Dozón, Tiffany Silva. Os representantes dos concellos de Forcarei e Agolada non puideron asistir e recibirán as fundas nos vindeiros días por mensaxería.
“A idea de fabricar e comercializar estas fundas personalizables xurdiu hai pouco máis dunha semana, tras ver que o protocolo de instrucións da Consellería de Cultura, Educación e Universidade establecía a obrigatoriedade para o alumnado a partires de Infantil de levar aos colexios unha segunda máscara de recambio e un estoxo específico para gardala”, explicou o xerente de Arlit, Alejandro Domato.
Desde entón, Arlit xa leva comercializado máis de 50.000 unidades en toda España.
Pola súa parte, en relación ao reparto altruísta das 6.000 fundas de máscaras entre os escolares dos 25 centros de Primaria de Deza e Tabeirós-Terra de Montes, o socio adxunto á dirección de Arlit, Felipe Iglesias, asegurou que é “unha pequena contribución de Arlit para axudar ás familias da nosa zona máis cercana a que a adaptación ao novo escenario post Covid-19 non lles supoña gastos adicionais na
campaña da volta ao cole”. Neste senso, agradeceu a implicación dos concellos “para facilitar a loxística da distribución nos propios centros educativos”.
Liña de produtos anti Covid-19 Estas fundas personalizables para máscaras súmanse á liña específica de produtos
anti Covid-19 que Arlit Diseño e Impresión está a comercializar desde o comezo da pandemia: pantallas de protección facial, suxeita-máscaras, pantallas low cost, mamparas anticontaxio de vidro templado, mobiliario anti Covid-19, vinilos para sinalización en parede e solo, etc.
Acerca de Arlit Diseño e Impresión Arlit Diseño e Impresión é unha industria gráfica creada no ano 2016 como evolución doutro
proxecto empresarial con 20 anos de experiencia no sector das artes gráficas. Ubicada no Parque Empresarial Área 33 de Silleda, na actualidade conta cun equipo estable de 15 traballadores -entre empregados propios e colaboradores habituais- e aporta solucións integrais de impresión e deseño a medio cento de empresas de múltiples sectores como o
contract, retail, publicidade, eventos, etc

O PSOE da Estrada propón equipar aos estudantes dos
centros de ensino da Estrada con kits anti covid 19. Luis López Bueno
considera fundamental que o Concello facilite o cumprimento das normas de
prevención e eleva esta proposta á área de Educación por dous motivos
fundamentais, “velar pola seguridade nas aulas e descargar ás familias do
custo destes elementos de prevención”.
A proposta socialista prevé dotar a cada alumno dun kit composto por dúas
máscaras reutilizables, un porta máscaras e un xel desinfectante para o uso
individual por cada alumno. López Bueno valora que “para o inicio do curso
sería suficiente, segundo o tipo de máscara pódense reutilizar ata en 20
usos, e os xeles son para usos esporádicos cando non haxa posibilidade de
utilizar os dispensadores dispostos nos centros, polo que os kits terían unha
duración aproximada de dous meses”. Tamén lle parece oportuno que “se a
iniciativa ten éxito, habería que ir repoñendo os kits a medida que rematara
a súa vida útil”.
López Bueno ve “suficientes” 2.500 kits para atender a todos os estudantes
do Concello, tanto de educación infantil e primaria (1.353), secundaria
(entre 650 e 700) e o alumnado de formación profesional en todos os seus
niveis. Os kits entregaríanselle aos centros para que eles mesmos fixeran o
reparto entre os alumnos.
Dende o PSOE advirten que unicamente rexistraron unha proposta porque
“non ten sentido reunir á comisión de educación para aprobar unha
iniciativa deste estilo, o importante é ser áxiles e que se faga canto antes”.
Ao voceiro parécelle “razoable” que o Concello se faga cargo dese material
para que chegue ás familias, porque a situación económica é “delicada” e
este ano “a costa da volta ao cole é máis empinada ca nunca”. Ademais pon
como exemplo o caso de familias numerosas “que acusan moito máis os
gastos desta época do ano”.
López Bueno tamén valora que os esforzos dos centros de ensino están
sendo “ímprobos” e acusa á Xunta de Galicia de “inoperancia”. Opina que a
Consellería de Educación descargou a súa responsabilidade nos equipos
directivos dos centros “sen dotalos de máis recursos nin máis persoal” e cre
que “se a volta ao cole está sendo ordenada é grazas ao persoal, non á
xestión da Consellería”.
O líder socialista considera como “insuficientes” os compromisos do
Goberno local cos centros de ensino, que se traducen en “tres horas de

desinfección pola mañá”. Considera que “tantos os docentes como o persoal
de limpeza están realizando esforzos persoais para reducir ao mínimo o
risco de contaxio. Esas tres horas a maiores non resolven practicamente
nada”, e critica a “inacción” de López Campos diante da Xunta de Galicia
“están cargando de responsabilidades aos Concellos e non achegan recursos
para asumilas”.

Susana Camba: “Sería un salto cualitativo importante para A Estrada Dixital e podería redundar nun abaratamento dos prezos no acceso a internet e na telefonía para os veciños e veciñas da Estrada”

Susana Camba, portavoz municipal do BNG, e Clara Iglesias, representante da organización nacionalista na Fundación Cultural A Estrada, compareceron en rolda de prensa para dar a coñecer unha proposta para converter A Estrada Dixital en provedor de acceso a internet a través de fibra e telefonía móbil.

A concelleira do BNG explicou que “A Estrada Dixital ten unha experiencia acumulada de máis de 13 anos como provedor de acceso a internet a través de Wifi e pensamos que esta entidade que depende da Fundación Cultura A Estrada, está en disposición de dar un salto cualitativo importante para este proxecto que naceu en 2004, ofrecendo fibra e telefonía móbil aos veciños e veciñas da Estrada, dous dos produtos máis demandados hoxe en día no mundo das telecomunicacións”.

“Evidentemente non estamos a propoñer que A Estrada Dixital espalle a súa propia infraestrutura de telecomunicacións”, explica Susana Camba, “sería o ideal, mais iso é inasumíbel; porén si é posíbel facelo como operador virtual de telecomunicacións, unha figura moi estendida entre as empresas provedoras de acceso a internet e telefonía móbil, que alugan as infraestruturas ás grandes operadoras para ofrecer os seus servizos. É dicir, A Estrada Dixital tería que negociar as condicións de alugamento con algunha das grandes operadoras para ofrecer estes servizos no noso concello”.

A portavoz municipal do BNG, Susana Camba, afirmou que “a parte de reforzar o proxecto de A Estrada Dixital, que ampliaría de xeito importante os servizos que presta á veciñanza, cremos que sería positivo para os veciños e veciñas da Estrada, así como para as empresas e comercios, que terían acceso a internet a prezos seguramente máis asequíbeis que na actualidade”. “Temos que recordar”, engade Susana Camba, “que A Estrada Dixital, rexida pola Fundación Cultural da Estrada, é unha entidade sen ánimo de lucro, polo que, descontando os custes de explotación, podería ofrecer acceso a internet e telefonía móbil a prezos moi asequíbeis”.

“Por outra parte”, explica a concelleira nacionalista, “no BNG cremos que tamén pode ser unha oportunidade para que o acceso por fibra chegue a todo o rural; non nos podemos conformar con que chegue ao 51% dos núcleos, ten que chegar ao 100% dos veciños e veciñas do rural do noso concello”. “A maiores”, engade, “tamén cremos que pode ser unha oportunidade para mellorar a cobertura da conexión 4G no rural, moi deficiente e cunha velocidade de conexión que dista moi lonxe da que se pode rexistrar na vila”. “Neste sentido”, afirma Susana Camba, “coido que é o momento de sermos ambiciosos; estamos no momento no que se está implantando o 5G, que amplía de xeito notábel as prestacións no acceso a internet móbil e cremos que A Estrada ten que volver ser referencia, ten que ser novamente referencia do mundo dixital, o que podería ser unha aliciente para o asentamento de empresas, iso si, unha medida que ten que estar acompañada doutras medidas como pode ser ampliación do solo industrial público, por exemplo”.

Esta proposta será analizada na vindeira reunión do padroado da Fundación Cultural A Estrada. Así o explicou a representante do BNG, Clara Iglesias, que explicou que “é unha oportunidade para afianzar e enriquecer o proxecto de A Estrada Dixital, que ten nas súas costas máis dunha década de traballo, valorado e recoñecido no noso concello; neste sentido, cremos que esta proposta é positiva para os veciños e veciñas, porque entendemos que podería abaratar e mellorar a conexión a internet, nun intre no que é imprescindíbel para o traballo e para a educación”.

Por último, a concelleira do BNG, Susana Camba, explicou que “rexistraremos e defenderemos esta proposta no seo do padroado da Fundación, mais está nas mans do PP, xa que é quen ten a maioría neste organismo”. “De ser aprobada”, engadiu, “agardamos que non se tarde ano e medio en poñela en funcionamento, como aconteceu coa proposta do BNG da plataforma de venda on-line para o comercio local, que se presentou hai poucos días, e aínda en fase beta”. “Estamos nun intre no que os cambios estanse a producir de xeito moi rápido, e pensamos que A Estrada non está para perder o tempo, non é o momento de meter as propostas nun caixón, senón para estudalas, analizalas e poñelas en marcha se é o caso”, afirmou.

Susana Camba: “En febreiro pasado o pleno aprobou por unanimidade unha moción do BNG para rescatar a sobreira, desde aquela leva sete meses agardando á intemperie”

No pleno do mes de febreiro aprobábase por unanimidade unha moción do BNG para abrir un concurso de ideas para conservar os restos da sobreira de Balboa. Porén, “sete meses máis tarde alí sigue á intemperie”, afirma a concelleira do BNG, Susana Camba. “A pesar de aprobarse a moción por unanimidade o goberno municipal do PP nada fixo para conservar esta árbore de máis de 500 anos, para darlle unha segunda vida como elemento patrimonial de todos os veciños e veciñas”.

Desde o BNG instan ao concello a gardala a “actuar sobre este ben patrimonial e executar a moción aprobada en febreiro”. “Se non se actúa xa”, afirma a concelleira nacionalista, “corremos o risco que perdela para sempre podrecéndose á intemperie 500 anos da nosa historia”. “O lóxico sería rescatala e poñela a bo recaudo nun espazo seguro mentres non se inicia o concurso de ideas”, engadiu.

Herido grave un estradense al caerse del tejado de su vivienda
El estradense Manuel Neira Iglesias resultó herido grave ayer tras caer del tejado de su vivienda en el lugar de O Porto, en la parroquia de Berres. Se da la circunstancia de que el sexagenario, que tuvo que ser trasladado en helicóptero al hospital compostelano, perdió su casa y tú taller por un incendio hace algo más de un año, un trágico suceso que motivó la solidaridad de los vecinos y vecinas estradenses y de las empresas del municipio.

Ana Fernández por el García Barros, José Manuel Piñeiro por el IES n°1, José Manuel Puente por el Antón Losada y Eva García por el Centro de Salud son los coordinadores Covid 19 que asistieron a la reunión convocada por el Concello que contó con los concejales de Sanidad y Servicios Sociales.

Para dar continuidad a la serie iniciada con educación infantil y primaria

Desde la coordinación Covid del Centro de Salud se reitera la disposición a agilizar las acciones necesarias tanto en relación al estudio de casos como para las dudas que surgan en el inicio de actividad y la coordinación de las acciones directamente dirigidas a los alumnos.

Los centros de secundaria trasladarán la información a las familias de la adaptación del protocolo a los centros a través de la web que comparten.

Presenta mocións en todos os concellos da provincia e na Deputación de Pontevedra para instar ao Goberno central que non se apropie dos recursos das entidades locais e que sexan os propios concellos quen poidan usar o 100% dos seus remanentes

O Partido Popular denunciou esta mañá na Estrada que o Goberno central quere apropiarse de máis de 5,1 millóns de euros dos aforros dos concellos da Estrada, Forcarei e Cerdedo-Cotobade, de xeito unilateral e sen o consenso cos alcaldes. O alcalde da Estrada e deputado provincial, José López, xunto ao voceiro do grupo provincial do PP, Jorge Cubela, e a voceira do PP de Forcarei, Belén Cachafeiro, lamentaron esta decisión e por iso anunciaron mocións en todos os concellos da provincia e na Deputación de Pontevedra para instar ao Goberno que non se apropien dos recursos das entidades locais, e que sexan os propios concellos os que poidan usar o 100 por cento dos seus remanentes.

Así o explicou José López, que definiu a situación como “complicada” para os concellos. “Este decreto é unha chantaxe, unha expropiación encuberta dos recursos dos nosos veciños”, denunciou. Recoñeceu que “nunca esperamos que puidera producirse” e denunciou que “son a única administración intervida polo Goberno central, a pesar de que é a que está máis próxima aos cidadáns e, polo tanto, precisan maior flexibilidade”. De feito, engadiu, “nesta pandemia demostrouse que somos a administración máis inmediata”.

López lamentou que no pleno que se celebrou onte pola noite na Estrada, o PSOE e BNG da Estrada votasen en contra desta moción, “a pesar de que non tiña ningún sesgo partidista e o que buscaba era defender os intereses dos veciños e do noso concello”. Pero, sinalou, “o PSOE púxose a camiseta do PSOE e votou en contra; o BNG púxose tamén a camiseta do PSOE,porque son necesarios mutuamente, e polo tanto votou tamén en contra; e Móvete, adoptou a comodidade da abstención en lugar de posicionarse a favor dos veciños”.

Por todo isto, o voceiro do grupo provincial, Jorge Cubela, destacou a “oposición firme e contundente” dos grupos municipais e do grupo provincial á aprobación deste real decreto. “É unha chantaxe aos concellos, que sempre reclamamos o uso total dos nosos remanentes”. Nesta liña, recordou que “son máis de 5,1 millóns de euros que poderían destinarse a investimentos, servizos, gasto social ou amortización de débeda destes concellos”.

Cubela tamén lamentou a ruptura do consenso dos alcaldes na Femp, “que propiciou Abel Caballero ao plegarse aos intereses de Pedro Sánchez e cun cheque en branco ao Goberno PSOE e Podemos en lugar de defender os intereses do municipalismo”.

Pola súa parte, a voceira local do PP de Forcarei, Belén Cachafeiro recordou que “estes aforros son dos concellos, conseguidos grazas á boa xestión e ao esforzo”. Así, insiste en que non ten sentido que coa importancia que terían eses remanentes para os propios concellos, para dar servizos fundamentais para os veciños e para asumir todos os incrementos de gasto que está provocando a Covid, o Goberno central decida levalos de xeito unilateral.

Proposta

Os populares solicitarán o apoio expreso dos concellos e da institución provincial ao recurso de inconstitucionalidade que o Grupo Popular no Congreso dos Deputados presentará contra a Real Decreto-Lei 27/2020 para defender os intereses de todas as entidades locais e os aforros dos veciños e veciñas, así como o seu rexeitamento ao procedemento negociador que o Goberno de España mantivo coa FEMP para chegar a un acordo dese unha «apariencia» de apoio unánime das entidades Locais ao decreto.

Así mesmo, instarán a solicitar aos órganos dos competentes da FEMP a reprobación do seu presidente, Abel Caballero, e a mostrar o seu profundo rexeitamento a calquera medida do goberno de España tendente a apropiarse dos aforros acumulados pola cidadanía.

A proposta do PP insta o Goberno de España a atender as demandas dos concellos para que poidan dispoñer do 100% dos seus remanentes de tesourería para a loita contra os efectos negativos da COVID-19, levando a cabo para ese efecto as modificacións legais que resulten pertinentes. E en todo caso, a respectar e garantir a autonomía que a Constitución Española e as súas leis outorgan ás entidades locais para a xestión dos seus recursos.