A Estrada na Rede

O PSOE pídelle ao goberno que mellore a súa xestión da crise
“en especial para atender as necesidades do rural. López Bueno afirma que
“recibimos varias queixas de veciños e veciñas preocupados pola situación
de algunhas persoas maiores”.
O voceiro socialista destaca que “O goberno non se está ocupando de
chamar a eses maiores que viven sós, e polo tanto non sabe se existen ou
non necesidades, e se están cubertas. Estase apelando á solidariedade
entre veciños, que está ben, pero é necesario manexar todos os datos de
forma activa, e non agardar a que os veciños e veciñas se autoxestionen”.
Para López Bueno “é necesario chamar a todos os censados que superen a
idade de xubilación, vivan sós ou co seu cónxuxe, e tamén a aqueles dos
que se teña constancia de que non teñen posibilidade de desprazarse para
aprovisionarse. O Concello debe ter coñecemento destas situacións para
poñerlles solución”.
Os socialistas apelan á importancia “dos alcaldes de barrio” á hora de
trasladar a información da que dispoñan, pero recordan que “existen unhas
medidas de confinamento que se deben respectar, e polo tanto o máis
responsable é facer as chamadas que corresponda. O Concello conta co
padrón municipal para empregalo en momentos coma este”.
Ademais tamén reclaman que “se mobilicen os medios públicos para
atender situacións de urxencia que o sector privado non pode atender
agora. Débense cumprir todas as condicións para a seguridade dos
operarios, pero hai situacións que se deben atallar sen demora como
roturas de canalizacións de auga ás vivendas e outros imprevistos que
poidan causar danos importantes”.
López Bueno tamén acusa ao Goberno de non ter en conta as propostas da
oposición “solicitamos a constitución dunha mesa de seguimento do Covid19, abríndolle a porta á participación telemática, pero parece que o goberno
prefire non valorar as solicitudes do resto de forzas. É curioso que o que
critica o PP en Madrid, o reproduza este goberno municipal. A oposición
debe ter foros nos que participar e facer propostas”.
Os socialistas tamén din “descoñecer” que medidas ten previsto aplicar o
goberno municipal unha vez que pase a situación de alarma. “Cando todo
isto pase, vai ser necesario un plan de estímulo para a economía local, con
atención ao comercio, empresas e familias. Ademais das medidas tomadas
______________________________________________________________________
Agrupación Socialista da Estrada
______________________________________________________________________
Prolongación da R/ Castelao 16, baixo
polo Mando Único, o Concello debe tomar iniciativas que axuden a soster o
tecido produtivo nos momentos posteriores ao estado de alarma, se as
nosas empresas e familias contan tamén co apoio do Concello será máis
sinxelo saír do bache económico”.

Nestes intres de emerxencia sanitaria e vital, na que se porán a proba as capacidades e vontades políticas a prol dunha cidadanía que vai sufrir de forma gravísima as súas consecuencias, o BNG da Estrada quere contribuír á mitigación e no seu caso solución das mesmas.

A nosa formación, di Susana Camba, despois de que o Consello local reunido por videoconferencia fixese unha valoración da situación, quere trasladar ao goberno actual do Concello da Estrada as seguintes preguntas e achegas :

– Debido ás circunstancias da poboación escolar en todos os niveis educativos, cómpre saber o censo desta poboación que carece da infraestrutura necesaria para seguir con proveito as propostas académicas que os centros lles trasladan para así paliar o cese das actividades do curso de forma presencial.

Neste sentido desde o BNG pensamos que o concello, en colaboración coas equipas directivas dos centros escolares, doten de medios informáticos a aqueles alumnos/as que non dispoñan de internet ou ordenadores/tablets, para poder realizar as tarefas que envían dende os centros, evitando así o agravio comparativo nos futuros resultados escolares.

– Queremos instar ao goberno municipal que active un programa de desinfección periódica dos contedores do lixo tamén no rural. Sabemos que son puntos de posibles contaxios polo que é importante rebaixar a carga viral que se pode depositar neles.

– Igualmente tamén queremos saber se desde a concellería de Asuntos Sociais hai constancia de que as persoas adicadas ao coidado das persoas positivas confinadas na casa, tanto se son familiares como traballadoras/es alleos ao domicilio, contan con facilidades para fornecérense de medios de protección axeitados.

– Na mesma orde de cousas, solicitamos información de se xa se están acondicionando lugares públicos para aquelas persoas que sofren exclusión social e non teñen unha casa onde pasar o confinamento ou a corentena evitando, por unha parte, expoñer ao contaxio a máis persoas, e por outra facilitar un lugar seguro e hixiénico para que non conte con el.

– Conscientes todas e todos das graves dificultades económicas que isto xa está traendo sobre todo para a xente máis desfavorecida, instamos ao goberno a que explicite claramente na páxina web de Servizos Sociais as liñas de axuda que se puxeron en marcha, se é que se está a facer. Así mesmo, propoñemos que no enlace á paxina de Servizos Sociais do concello se habiliten os teléfonos onde chamar e caso de desamparo económico.

Do mesmo xeito, solicitamos información acerca da activación dun plan de continxencia que active as  partidas económicas que fagan falta para paliar unha situación de emerxencia como a que estamos vivindo, e tamén se se están a facer efectivas as que a Xunta e o Estado están facilitando aos concellos. Sería imprescindible activar un contacto áxil (teléfono) para poder consultar  os términos da prestación  destes auxilios que se poden precisar en moitos ámbitos da veciñanza .

Finalmente o BNG quere trasladar a súa disposición de servizo á cidadanía nesta loita que a todos/as nos convoca. 

Dentro da campaña de desinfección de distintos lugares da vila que está levando a cabo o Concello da Estrada para conter a propagación da Covid-19, efectivos de Protección Civil procederon onte a fumigar os arredores do Centro de Saúde de Vea

O PSOE esixe que se manteñan os pagos ás empresas que
prestan servizos para o Concello para “evitar que estas empresas se vexan
obrigadas a acudir a un ERTE”. López Bueno valora que “é certo que a
situación do estado de alarma suspendeu automaticamente os contratos,
pero hai concellos que manterán o pago do canon a esas empresas.
Parécenos lóxico poñer a capacidade económica do Concello ao servizo dos
veciños e as veciñas”.
O voceiro socialista afirma que “levamos días de contactos para poñerlle
unha solución ao problema, pero parece que o goberno tomou a decisión de
non pagar. Manter estes gastos evitaría que máis de 20 familias vaian a un
ERTE, e parécenos que o Concello debe coidar dos traballadores
estradenses”.
Os socialistas poñen o exemplo de Vilagarcía, onde “a pesar de que
algunhas concesionarias están obrigadas a suspender a prestación dos
servizos, o concello sosterá os gastos operativos con normalidade. Isto pon
de reflexo que o problema é unicamente de vontade política”. Na Estrada
valora que “as grandes perxudicadas son as concesionarias do Espazo
Concilia, Centro de Atención Temperá, Escola Infantil… todas na área de
servizos sociais. Cómpre ser sensibles coa situación e garantir a súa
viabilidade económica. Só deste xeito podemos evitar a destrución de
emprego no noso concello”.
López Bueno considera que “eses pagos son perfectamente asumibles a
nivel económico e existen partidas habilitadas no orzamento de gastos. No
caso de que o servizo estea suspendido, non se deberían satisfacer gastos
que non se produzan como materiais e outros aprovisionamentos que
derivan da actividade normal dos servizos, pero consideramos fundamental
soster os postos de traballo e os custos fixos”.
Ademais, López Bueno reclama “un paquete de medidas económicas para os
veciños e veciñas, para o comercio e para a industria. Debemos deseñar un
plan de actuación para paliar os efectos económicos da pandemia nestes
colectivos. Esas medidas deberíanse contemplar no orzamento de 2020,
cando o haxa, e dirixirse en especial a aqueles que queden nunha peor
situación”.

O PSOE propón a creación dunha Mesa de seguimento do
Covid-19 no Concello da Estrada. En palabras do voceiro municipal, “Vimos
mantendo conversas informais co Goberno sobre a situación e as medidas a
tomar, pero xa se fai necesario darlle oficialidade. Esta mesa debe servir
para valorar a eficacia das medidas tomadas polo Goberno e para que os
membros da mesa acheguen as súas propostas”. López Bueno xustifica a
súa necesidade “na incerteza sobre a duración do estado de alarma. Vén de
ser prorrogado durante 15 días máis e non sabemos se haberá novas
ampliacións. Convén crear a mesa para ter un órgano que permita a
participación dos seus membros de xeito oficial”.
Os socialistas aseguran que “esta iniciativa xa foi comentada co goberno e
co resto de forzas. Rexistramos a proposta para que se abra un expediente
e o goberno tome unha decisión. Nós pensamos que a pertinencia da
creación da mesa é evidente”.
Propoñen que esta mesa se reúna con periodicidade semanal e de xeito
presencial “cumprindo rigorosamente as medidas de seguridade, aínda que
deixamos aberta a posibilidade de participación telemática, xa que existen
medios suficientes para facelo”.
López Bueno valorou que “o estado de alarma colleu a todas as
administracións co pé cambiado, non había unha preparación previa. Neses
momentos, é obvio que resultaba necesario favorecer a axilidade do
goberno para adaptarse ás novas circunstancias, e así o fixemos. A
ampliación do estado de alarma fai necesaria a creación dun órgano coma
este”.
O voceiro socialista tamén recorda que “é importante que as medidas que
se tomen conten co consenso de todos, incluídos aqueles que as deben
aplicar. A mesa que propoñemos incluirá tamén aos membros das forzas de
seguridade en sentido amplo. Non se inclúe aos sanitarios porque a súa
situación e distinta, pero é evidente que a mesa deberá ter en conta o plan
sociosanitario para aquelas medidas que lle afecten dun xeito ou doutro á
sanidade e a servizos sociais”.
López Bueno agarda contar co apoio do resto de forzas políticas apelando á
súa “responsabilidade”. “A unidade é chave para que a xestión da situación
sexa eficaz e eficiente. Débense ter en conta todas as sensibilidades á hora
de fixar os obxectivos e as prioridades”.

El concello de A Estrada acaba de hacer entrega al centro médico de 10 pantallas protectoras para el personal sanitario.

O Centro de Saúde estradense instalou unha carpa para poder efectuar os test rápidos do coronavirus. O Sergas aínda non concretou cando estarán dispoñibles para esta localidade. Con todo, o espazo xa está habilitado.

Tamén dende o concello empezaron cos labores de desinfección das rúas locais cun tractor na noite de onte.