A Estrada sumouse na noite de onte a Concentración en apoio a campaña «Emerxencia», xuntos partidos políticos e cidadáns en gran número iluminarón a Plaza do Concello Estradense.

 Na tarde de onte o Concelleiro de deportes Ismael Pena asistia a visitar os pilotos das escuderias estradenses que se achegaron cos seus coches esta tarde ata a praza do Concello para agradecer a a súa colaboración, dentro das actividades da semana do deporte,

O acto de entrega do premio Reimóndez Portela celebrouse na tarde de onte
, dentro da 33ª Feira do Moble de Galicia. O premio está dotado
con 1.000 €, talla conmemorativa e diploma acreditativo.
Previo acto de entrega de galardóns, terá lugar unha ofrenda floral que
correrá a cargo de D. Marcelino Salgueiro Rodríguez, médico, forense e
escritor.
O mantedor do acto será, D. Juan Jesús Gestal Otero, médico, profesor e
escritor. Catedrático e Xefe de Servizo de Mediciña Preventiva e Saúde Pública
do CHUS. Académico numerário da Real Academia de Mediciña e Ciruxía de
Galiza.
A entrega de galardóns contará coa presencia de persoeiros do
panorama sociocultural galego e autoridades locais, provinciais e autonómicas.

Desde o BNG vimos de ser informados por veciños e veciñas afectados, de que a comezo desta semana no servizo de extraccións do Centro de saúde de Vea, atopáronse con que non había persoal de enfermería para levar a cabo este labor sanitario.

Todo quedaría nunha simple continxencia que sempre pode ocorrer cando, por exemplo, se produce unha indisposición imprevista da persoa adscrita ao servizo.

Pero, aclara Susana Camba voceira nacionalista, “isto xa non é permisible cando temos constancia de que a ausencia desta enfermeira xa era coñecida polo SERGAS con antelación suficiente para tela cuberta”.

“Este desleixo á hora de cubrir unha vacante non é casualidade, non é unha excepción, é a norma do goberno da Xunta xestionado polo PP”, apunta a concelleira do BNG, “na Estrada sabemos moi ben que consecuencias ten a falta de persoal facultativo nos centro de saúde, unha cuestión moi grave, tendo en conta que desde a administración galega podía dárselle solución para evitar males maiores”.

“Por outra parte”, engade Susana Camba, “queremos tamén facer fincapé nun asunto non menor como é a precariedade na que vive o persoal médico en xeral”. “Este centro leva moitos anos en funcionamento”, explica a concelleira do BNG, “non se entende que a estas alturas non teña persoal fixo e que o SERGAS o cubra con contratos por horas, días, semanas… e o que é peor, que non teña constancia de cando o persoal eventualmente contratado remata o seu contrato”. “A precariedade laboral do persoal facultativo”, engade, “é unha mostra máis da desfeita que sofre a nosa sanidade pública”.

O BNG, desde as súas responsabilidades, insta ao goberno municipal de López a que, tamén desde as que contraeu coa veciñanza da Estrada, “esixa á Administración galega, neste caso o SERGAS, para que evite no sucesivo neglixencias como a descrita, en xustiza cos dereitos dos veciños e veciñas, que para iso pagan impostos.”

Arredor de 250 persoas participaron na tarde deste sábado na III Andaina Solidaria ‘Os Camiños da Memoria’ , impulsada por Agadea. Na camiñata participaron veciños e representantes da Corporación municipal, co alcalde, José López, á cabeza. Partindo da praza consistorial, houbo dúas rutas, unha máis longa, por Figueiroa e subido por Aguións e outra máis curta, polo casco urbán.