Os líderes das principais formacións Políticas Locais participan na pegada de carteis que da inicio a Campaña de eleccións Estatáis e Europeas que culminarán nas urnas o víndeiro 28 de Abril.
• O candidato popular replícalle que «a Deputación para A Estrada non enviou nin un só euro máis do que correspondía, como si fixo en concellos con goberno do PSOE como Silleda» • Lamenta que o alcaldable do PSOE non lle cuestione a Silva que «leve tódolos cartos para Vigo» mentres na Estrada «ten as pistas provinciais abandonadas»
O candidato nº 4 do PP ao Congreso pola provincia de Pontevedra, Juan Constenla, afeou hoxe as declaracións realizadas pola presidenta da Deputación, Carmela Silva, lembrándolle que «leva catro anos ninguneando ao rural estradense, mentres actúa como se a Deputación fose a Concellaría de Obras de Vigo». Juan Constenla cualificou como «vergoñento» que «un PSOE que estivo practicamente desaparecido na Estrada ata o mes pasado teña agora a ousadía de dar leccións de xestión». Na súa opinión, Carmela Silva debería explicar «por que a Deputación non enviou para A Estrada nestes catro anos nin un só euro máis do que correspondía por lei, como si fixo en concellos con goberno do PSOE, como é o caso de Silleda». «Moito falar de novas formas e criticar ao anterior presidente, pero a realidade é que con Rafael Louzán arranxáronse estradas importantes como Souto de Vea-Portela e Liñares-Valboa, mentres que agora as vías provinciais están abandonadas», manifestou. Juan Constenla criticou que Carmela Silva «leve tódolos cartos para Vigo» mentres concellos rurais como A Estrada «teñen as pistas provinciais desfeitas e abandonadas e as brigadas de obras e mantemento practicamente foron desmanteladas». «O gran mérito da Deputación de Carmela Silva na Estrada é retrasar plans de obra, entorpecer proxectos e ter a peor estrada provincial de toda Galicia, que é a que vai de San Miguel de Barcala ao Caeiro, onde por enriba pretenden manipular e enganar aos veciños», asegurou. Respecto a esta obra, apuntou que «é falso que a Deputación remitira ao concello o proxecto da mesma» e Partido Popular da Estrada ppdaestrada@gmail.com 636 244 725 (Juan Constenla) precisou que o que remitiu foi un plano da zona de ocupación para que o concello xestione os terreos necesarios para acometer a mellora. «O concello vai facer iso, pero que ao tratarse dun vial provincial xa debería ser a Deputación quen se encargara das expropiacións se hai algúns veciños que non están dispostos a ceder os terreos voluntariamente», remarcou.
O BNG quere ser a voz dos veciños e veciñas da Estrada, que sofren as consecuencias da deixadez e da falla de preocupación do goberno do PP polos servizos que inciden directamente no día a día da vida dos cidadáns estradenses.
Neste caso desde o BNG insta ao Sr. López a que faga un mantemento suficiente dos aparcadoiros públicos da vila, e en concreo do de Correos.
Calquera usuario dos aparcadoiros da Casa das Letras, o de Correos ou o da avda. de América atópase con que aparcar e manobrar neles é unha verdadeira aventura.
No da Casa das Letras, ademais das fochancas da zona do medio, carece de referencia algunha que racionalice o espazo, rendibilizándoo mal e creando sempre problemas de maniobrabilidade. O caso dos outros dous xa é un problema puro e duro de imposibilidade de transitar por eles. Fochancas e máis fochancas que case imposibilitan o tránsito e o abandono do vehículo sen pillar unha molladura.
Isto cremos que non pode continuar así. O goberno municipal actual ten que atender as súas obrigas, unha delas a de atender debidamente os servizos que os veciños e veciñas precisan, neste caso os aparcadoiros que agora mesmo están nun estado calamitoso.
Insistimos na petición, e pedímoslle ao alcalde que aclare se ten pensado deixalas definitivamente así, no estado lamentábel en que se atopan, ou as vai tomar en serio. A veciñanza ten dereito a saber se o PP só aposta polas zonas a que chegou a un acordo económico cun veciño ou se vai a preocupar de todas as que hai
“A cantidade prometida é totalmente desproporcionada tendo en conta as notables deficiencias en servizos e infraestruturas de A Estrada, especialmente no rural” “En oito anos non se acordou do equipo, e agora que están aí as eleccións fai campaña a costa deles cos cartos de todos”
O candidato do PSdeG á alcaldía de A Estrada, Luis López Bueno, critica o anuncio do alcalde de remodelar o campo de fútbol de Nogueira se conta con apoio maioritario, por consideralo “puramente electoralista”. López Bueno sinala que a cantidade prometida “é totalmente desproporcionada tendo en conta as notables deficiencias en servizos e infraestruturas de A Estrada, especialmente no rural”, e apunta que “ó alcalde só lle importa o titular, pois vende máis un gran campo de fútbol que os centos de melloras que realmente necesitamos”. O alcaldable socialista lembra que “en oito anos non se acordou do equipo, non puxo nin un euro para arreglar o peche, que está caído, e agora que están aí as eleccións fai campaña a costa deles cos cartos de todos”. E pregúntase “por que este campo é maís importante que os outros que temos en A Estrada”, e “con que cartos pensa facelo, se non hai orzamentado un só euro nas contas aprobadas a pasada semana”. _________________________________________________________
. A presidenta da Deputación de Pontevedra, Carmela Silva, participou este martes no acto organizado pola dirección provincial do partido na Estrada, no que destacou os case 22 millóns de euros postos a disposición dos concellos de Cerdedo-Cotobade, Forcarei e A Estrada . “É o maior investimento feito nunca por esta Deputación nestes concellos”, defendeu a presidenta. En concreto, Cerdedo-Cotobade percibiu 6.628.475,79 €; 4.291.489,95 euros foron parar ás arcas de Forcarei; e o concello da Estrada dispuxo de 10.998.906,48 € aportados pola Deputación cos que realizar diferentes investimentos.
Acompañada polas candidatas e candidatos á alcaldía das vilas antes citadas, Lina Garrida, Verónica Pichel e Luis López Bueno respectivamente, Silva sinalou que a Deputación de Pontevedra converteuse durante este mandato “na entidade provincial de toda España que máis transferencias fai aos municipios”. Unhas transferencias de capital feitas a través de diferentes programas e “respectando sempre a autonomía local”. En total, os investimentos feitos polo goberno provincial arroxan unha cifra de 732,41 euros por habitante de media entre os tres concellos: 1.139,89 euros por habitante de Cerdedo-Cotobade, 1.243,55 euros no caso de Forcarei e 532,35 por cada veciña e veciño da Estrada. Estas cifras permiten, en palabras de Silva, “que a totalidade da veciñanza teña garantidos os servizos básicos e os dereitos”.
A presidenta da Deputación mostrouse orgullosa do traballo feito durante estes catro anos. “Chegamos a unha Deputación pechada á sociedade”, denunciou. “Nós abrimos as portas e as ventás, aireamos a casa, trouxemos a transparencia e as novas formas de facer política, baseadas na igualdade e a solidariedade, sinais de identidade das e dos socialistas”, apuntou Silva.
O reparto equitativo dos fondos da administración provincial, “baseado nun modelo no que os recursos se reparten con criterios obxectivos e chegan a todos os concellos, sexan da cor política que sexan”, foi un dos piares do discurso de Silva. A dispersión xeográfica dos habitantes do concello ou a súa idade convértense en factores que se teñen en conta á hora de asignar fondos, rematando coa época “na que o presidente Louzán tiña á súa disposición 20 millóns de euros que repartía arbitrariamente”, explicou Silva, “atendendo a quen gobernaba e a intereses electorais, e non aos da veciñanza”.
Estas cifras de investimentos nos tres concellos supoñen un aumento con respecto ao 2015 dun 33,33% de media entre os tres concellos. En concreto, en Cerdedo-Cotoboade o aumento foi do 30,24%; un 19,58% no caso de Forcarei; e para A Estrada a cifra chegou ao 50,18%.
A presidenta entrou máis polo miúdo nas cifras dos investimentos que chegarán ao final do mandato a cada un dos concellos, con especial incidencia na área de Cooperación cos Concellos, e en concreto no Plan Concellos. Este programa posto en marcha polo Goberno de Silva supuxo un investimento en Tabeirós de case 13 millóns de euros, cos que se fixeron 80 actuacións entre os tres concellos de diversa índole: desde melloras urbanísticas das nosas vilas para convertelas en lugares mais amables para vivir, ata a construción de infraestruturas para prestar servizos aos cidadáns, como é o caso da adecuación do Museo do Pobo estradense Manuel Reimóndez Portela, na Estrada, ou a depuradora para tratamento de augas residuais en Paraños, no concello de Cerdedo-Cotobade, todas incluídas na Liña 1 do devandito Plan Concellos.
Con este programa de investimentos equitativos da Deputación tamén se cubriron outras necesidades dos concellos, como o pago de gasto corrente e a financiación de actividades municipais, dentro da Liña 2; ou a contratación de empregados municipais que garantan o correcto funcionamento dos servizos que prestan os concellos e os dereitos da cidadanía, recollido na Liña 3 deste Plan Concellos. Estes tres concellos puideron contratar 194 persoas: 29 no caso de Forcarei, en Cerdedo-Cotobade 68 e 97 na Estrada. Neste 2019 terán acceso a 51 novas contratacións, chegando a cifra ata as 245 persoas que acadarán un traballo a través dos fondos da Deputación.
“Introducimos criterios para o reparto de fondos como a dispersión da poboación, a superficie e os núcleos de poboación, o que permite maior xustiza á hora de asignalos”, afirmou a presidenta da Deputación. Neste punto Silva quixo lembrar outros dos plans postos en marcha pola Deputación durante este mandato: o Plan de Reequilibrio e o Plan DepoRemse. En total, a deputación aprobou unha actuación en cada un destes plans, ambas en Forcarei: a sinalización vertical dos núcleos rurais e urbanos de Forcarei, que percibiu 90.000 euros dentro do Plan DepoRemse, e a reforma do antigo albergue para convertelo nun centro deportivo, cun investimento de 312.000 euros do Plan de Reequilibrio, e cuxa aportación municipal foi cargada á Liña 1 do Plan Concellos.
A finalidade destes investimentos é, por un lado, dotar de servizos e instalacións a aqueles concellos de menos de 20.000 habitantes; por outro, mellor a mobilidade, poñendo por diante ás e aos peóns en detrimento do automóbil, mellorando a seguridade viaria e acondicionando os espazos públicos para o desfrute da veciñanza..
O candidato á alcaldía da Estrada, Luis López Bueno, exerceu como anfitrión do acto, agradeceu á Carmela Silva a súa presencia na Estrada para render contas ante a veciñanza da súa xestión na Deputación. “A chegada das e dos socialistas ao goberno provincial supuxo un antes e un despois na xestión dos recursos públicos da cidadanía da Estrada e de toda a provincia”, sinalou López Bueno, asegurando que tras o 26 de maio “as nosas veciñas e veciños darán co seu voto de novo a confianza a este partido para continuar na senda aplicada ata agora”.
Pola súa banda, Verónica Pichel quixo deixar claro que as novas formas “non son só o que, senón tamén o como”, e fixo un chamamento a cooperación entre concellos. “Alguén veu a foto das alcaldesas e alcaldes dos nosos concellos, xuntos, para falar de traballo nestes catro anos?”, preguntouse a candidata de Forcarei, que prometeu “diálogo e respecto institucional” para abordar os diferentes problemas que competen aos tres concellos.
Atópase aberto o prazo de presentación de candidaturas para o Viveiro de Empresas do Concello da Estrada despois de que unha das empresas esgotase o tempo máximo de estancia nas instalacións. As empresas de nova creación que o desexen poderán optar a ocupar este espazo vacante sempre que reúnan unha serie de condicións.
Serán admitidas ao proceso selectivo as empresas en proxecto de constitución, sempre que se consoliden nun período inferior ao cumprimento de tres meses de estancia; empresas novas que comecen no viveiro a súa actividade ou empresas recentemente constituídas, cunha antigüidade máxima de dous anos. Tamén asociacións, federacións, clusters e outras entidades de base asociativa empresarial.
Será necesario cubrir unha instancia xeral de solicitude para optar á adxudicación do posto, que se poderá efectuar no Rexistro ou a través da Sede Electrónica da páxina web do Concello. As bases da convocatoria están dispoñibles no portal de emprego do Concello e na mencionada páxina web. O contrato inicial para as empresas que superen o proceso seleccionador realizarase por un período de 24 meses, prorrogable durante 12 meses máis ao acabar ese primeiro ciclo. A cota que asumirán os seleccionados será de 50 euros mensuais, que a converten na opción coas taxas máis baixas da contorna, e inclúe telefonía, Internet, luz, mantemento, limpeza e calefacción
• O anteproxecto, que conta co respaldo da Federación Galega de Fútbol, suporá un investimento próximo aos 600.000 euros e o candidato popular veo como «unha oportunidade de dinamización e desenvolvemento da zona» • López aproveita para felicitar ao Vea Club de Fútbol pola recente consecución do ascenso á Segunda Rexional
O candidato do Partido Popular á Alcaldía da Estrada, José López Campos, anunciou hoxe o seu compromiso de reformar durante o vindeiro mandato o campo de fútbol de Nogueira, en Santa Cristina de Vea, de acordo co club e coa Federación Galega de Fútbol para dotalo de céspede artificial e dunhas instalacións máis modernas. Tras lembrar que é un dos poucos terreos de xogo de terra que quedan na contorna, López avanzou que, se resulta reelixido alcalde o vindeiro 26 de maio, «o Vea C.F. disporá do campo que merece un equipo que acaba de ascender á Segunda Rexional». José López avanzou que esta actuación, que conta co visto bo da Federación Galega de Fútbol e que nos vindeiros días exporá persoalmente á directiva do club, suporá un investimento próximo aos 600.000 euros «que o Concello da Estrada está en disposición de asumir debido á súa boa saúde económica», se ben matizou que tentará «implicar a outras administracións no financiamento dun proxecto tan importante». Neste senso, precisou que o presidente da federación, Rafael Louzán, foi un dos impulsores da idea e mesmo se ocupou de encargarlle a un equipo técnico a elaboración dunha memoria valorada. Segundo explicou, a reforma incluirá a dotación dun terreo de xogo de céspede artificial de última xeración cunhas dimensións de 60 x 100 metros, que equivale tanto a un campo de fútbol 11 como a dous transversais de fútbol 7. Ademais, instalaranse sistemas de rego e iluminación, ademais de mellorar o peche perimetral do recinto -incluindo a instalación de redes recollebalóns-. Partido Popular da Estrada ppdaestrada@gmail.com 636 244 725 (Juan Constenla) José López considera que a modernización desta infraestrutura deportiva é unha mostra «do compromiso do PP co rural e cunha zona tan grande e que aglutina tanta poboación como é todo o val de Vea». «Vemos este proxecto non só desde a perspectiva do apoio ao deporte afeccionado, senón tamén como unha oportunidade de dinamización e desenvolvemento da zona de Santa Cristina de Vea e das parroquias da súa súa contorna, xa que haberá negocios que se beneficiarán da maior actividade que poida acoller o novo estadio», indicou. «O compromiso do PP é cumprir esta promesa que lle trasladamos aos responsables do club, para o que sería preciso pactar a fórmula dunha cesión ao concello, tal e como se fixo no seu día co campo do Callobre», explicou, antes de reiterar a súa felicitación aos xogadores e á directiva do Vea C.F. pola consecución do ascenso
