O acto estará presidido polo alcalde, José López Campos, e estará acompañado polos alcaldes e representantes dos diferentes concellos europeos, o largo do acto degustarán productos dos paises no Restaurante Estradense Samaná.
Mañá, 15 de marzo abrirá o prazo para inscribirse á V edición da Xornada dos Maiores programada para o vindeiro 30 de marzo que organiza o Concello da Estrada. Un encontro que conta co aval do éxito das anteriores edicións, dedicado ás persoas maiores da localidade, cun ambiente de celebración no que pasar unha xornada agradable.
A concelleira de Servizos Sociais, Amalia Goldar, sinalou que as 700 entradas para o acto, que terá lugar no pavillón anexo ao Manuel Coto Ferreiro, poderanse adquirir a partir de mañá e ata o martes 26 de marzo, mediante un copago de 5 euros, nos departamentos de Alcaldía e Servizos Sociais da Casa do Concello da Estrada.
Para facilitar a asistencia e os desprazamentos dende o rural fretaranse autobuses dende distintos puntos, que se concretarán xunto cos horarios de recollida segundo avancen as inscricións. A celebración está destinada a persoas maiores de 60 anos, que poderán acudir acompañadas de persoas que non teñen por que cumprir o requisito de idade a un evento que estará animado por diversas actuacións musicais, comida e onde os asistentes poderán confraternizar e compartir experiencias.
Despois das presentacións de Eslovaquia, Hungría e Italia, nas que cada colectivo deu a coñecer os seus respectivos territorios ao resto dos participantes desta irmandade, a técnico de Emprego do Concello, Ana Ferradáns, expuxo fronte os expedicionarios as oportunidades de emprego que ofrece o rural galego.
A experta repasou as fortalezas, debilidades e oportunidades que ofrece o mercado laboral prestando especial atención aos aspectos socioeconómicos que afectan á Estrada e o lugar xeográfico estratéxico que ocupa a localidade, entre a capital de provincia, Pontevedra, e a capital da comunidade, Santiago de Compostela.
Puxo de manifesto problemas como o envellecemento poboacional, as altas taxas de desemprego e a baixa industrialización, pero tamén sinalou oportunidades e nichos de mercado que supoñen un gran potencial con respecto á creación de emprego, como a rehabilitación de casas rurais e de enerxía, os servizos dirixidos ás persoas, a agricultura e a industria de comida agrícola, produción de enerxía biomasa, servizos turísticos e outros tantos exemplos.
Trala análise, os expedicionarios continuaron coa axenda programada para hoxe coa visita ao agar de Peroja, onde tiñan previsto un recorrido polas instalacións e se lles explicaría o proceso de elaboración da sidra dende a recollida das mazás ata a obtención do produto final. A visita culminaría cunha degustación desa sidra estradense.
Mañá, venres 15 de marzo, a partir das 21:00 horas terá lugar a representación da comedia negra Dúas portas e un segredo no Teatro Principal. A compañía de teatro estradense Disfunción Continua porá en escena esta comedia de enredo dirixida por Jouse García.
A concelleira de Educación, Amalia Goldar, animou á veciñanza a adquirir as entradas para a obra, que se poderán mercar a un prezo de 3 euros no Departamento de Cultura do Concello ou na billeteira do teatro momentos antes do comezo da obra. Trátase dunha historia un tanto disparatada que transcorre nunha casa familiar e que xira en torno a un segredo.
Aínda que non está dirixida a un público moi cativo, tampouco se pode precisar unha idade mínima á que se dirixe a obra, precisou a compoñente do elenco Natalia Carbajal, quen afirmou que o público poderá desfrutar dunha trama elaborada que se vai complicando segundo avanza a acción. Con diálogos divertidos e inxeniosos que non dan descanso ao espectador, a historia induce tamén a reflexionar sobre temas transcendentais coma o límite entre a cordura e a loucura e o amor á familia, entre outros, nunha obra lixeira, de apenas unha hora de duración
Este venres, 15 de marzo, abrirá o prazo para inscribirse á segunda quenda das actividades acuáticas para persoas maiores 2019, que permanecerá aberto ata o venres 22 de marzo. Poderán inscribirse as persoas maiores de 50 anos interesadas no servizo.
A actividade conta con 60 prazas dispoñibles, para as que teñen prioridade as persoas empadroadas e as que non participaran na primeira quenda. As prazas serán asignadas por estrito orde de inscrición, que se deberá realizar no Departamento de Servizos Sociais do Concello en horario de atención ao público (de 9:00 a 14:00 horas de luns a venres). As persoas interesadas en inscribirse á actividade deberán presentar unha copia do DNI e do certificado de discapacidade, se fose preciso, no momento de formalizar a inscrición
O concelleiro do BNG, Xosé Magariños, alerta de que “o SERGAS deixa ás persoas diabéticas do noso concello sen contedores onde deixar as agullas coas que se inxecta a insulina”. Segundo explicou o concelleiro nacionalista “hai algúns meses o centro de saúde daba eses recipientes aos doentes para introducir as agullas que eran posteriormente xestionadas de xeito seguro”. “Sen embargo”, engadiu Magariños, “as indicacións que reciben agora mesmo do centro de saúde é que as tiren no lixo, unhas instrucións que segundo puidemos saber veñen de máis arriba, veñen directamente da consellaría de sanidade”.
“Para o BNG é un disparate que o SERGAS recomende tirar ao lixo unhas agullas, que aínda que son pequenas, poden ter restos orgánicos, que nalgún caso poden causar infeccións ou enfermidades ás persoas que manipulan ese lixo, sexan do concello ou de SOGAMA”, afirmou Magariños. “Xa o dixemos e moitas ocasións, os recortes do PP matan”, engadiu o concelleiro do BNG, “o PP xoga á ruleta rusa cos veciños e veciñas da Estrada e iso é inadmisíbel”.
O concelleiro nacionalista insta ao alcalde “a pedir explicacións ao SERGAS por este grave atentando á vida das persoas polo perigo que haxa agullas con restos orgánicos tiradas ao lixo”. “Ademais”, engadiu Magariños, “o alcalde ten que esixir ao SERGAS que se volva á situación anterior, isto é, que se proporcionen os contedores para poder tratalas convenientemente estes dispositivos”.
“En todo caso”, explicou o concelleiro do BNG, “pola nosa parte tamén rexistraremos unha serie de preguntas no Parlamento Galego para aclarar esta situación que consideramos inadmisíbel.”
—
BNG da Estrada
Carmen Pomar visita A Estrada para coñecer as comunidades escolares do CEIP Vilar Paramá e o IES Losada DiéguezEscoitar
A conselleira de Educación, Universidade e Formación Profesional, Carmen Pomar, desprazouse esta mañá á Estrada para visitar o CEIP Manuel Villar Paramá e o IES Plurilingüe Antón Losada Diéguez, onde puido entrevistarse con ambas comunidades escolares.
Acompañada do delegado territorial da Xunta en Pontevedra, José Manuel Cores Tourís, a conselleira Carmen Pomar visitou en primeiro lugar o CEIP Manuel Villar Paramá, un centro de preto dun cento de alumnos no que teñen integrada a fotografía como un instrumento didáctico vinculado tamén á reciclaxe, ao medio ambiente e ao consumo responsable.
Posteriormente a conselleira trasladouse ao IES Plurilingüe Antón Losada Diéguez, que ten incorporada unha serie de programas educativos, como é o caso do Plan de Mellora de Bibliotecas Escolares (Plambe), os Contratos-Programa (nas liñas de PROA, mellora da convivencia e promoción da igualdade, mellora de coñecementos para acadar a excelencia e reforzo de competencias clave en 3º e 4º de ESO e FP Básica), e o Plan Proxecta (cos proxectos Clases sen fume e Quérote+).
Ademais pertence á rede de centros E-dixgal, de libro dixital (no que conta con dúas liñas específicas de formación do profesorado e utilización de ferramentas TIC); e desde o presente curso forma parte da rede de centros plurilingües, coa implantación do plurilingüismo en 1º de ESO, e tamén con seccións bilingües en Tecnoloxía (2º e 3º de ESO) e Filosofía (1º de Bacharelato).
Na súa visita, a conselleira puido coñecer de cerca a implantación deste programas nun instituto que tamén se caracteriza por unha longa tradición en programas internacionais tanto destinados a profesorado como a alumnado, como o Erasmus Charter for Higher Education 2014/20 (con diferentes proxectos orientados á mobilidade de estudantes de FP para prácticas laborais e de intercambio de boas prácticas docentes), e no Erasmus+.
