A Estrada na Rede

     A idea  permitirá chamar a un familiar en caso de que algún rapaz se perda

Este ano como novidade, o departamento de Cultura tivo a idea de realizar pulseiras de localización para os máis cativos durante as vindeiras xornadas de Nadal. Desta maneira, todos os nenos que participen nas cabalgatas xa levarán unha, pero todos aqueles que desexen que durante estes días, nos que as rúas estarán moi transitadas, que os seus fillos leven unha poden retirala gratuitamente a partir de mañá, mércores. Están a súa disposición no departamento de Cultura do Concello, segundo andar, de luns a venres de 09.00 a 14.00 horas, no local da Asociación de Comerciantes da Estrada (ACOE), rúa Ulla número 10, en horario de 09.30 a 14.00 e de 16.30 a 19.30 horas ou nas librerías da Estrada.

Fixéronse un total de 5.000 pulseiras de cinco cores distintas e nelas aparecerá o nome e apelidos do neno e o número de teléfono dun familiar. Así en caso de perda, pola gran afluencia de xente que se agarda, como cada ano por estas datas, tanto nos eventos previstos coma nas propias rúas, poidan avisar de inmediato ao seu familiar.

As persoas que desexen asistir ao concerto de fin de ano, enmarcado na programación cultural de Nadal do Concello, do vindeiro sábado, día 23, deberán retirar invitación no departamento de Cultura, sito no segundo andar do Consistorio, de luns a venres de 09.00 a 14.00 horas ou media hora antes na billeteira o día da actuación.

O concerto estará amenizado pola Banda Municipal da Estrada, a Coral Polifónica Estradense e pola Coral Polifónica de Soutomaior. Será o sábado ás 20.30 horas no Teatro Principal.

A poucos días de que dean comezo as festas de Nadal, presentamos hoxe un programa de actividades co que agardamos contentar a tódolos veciños. Un programa feito á medida de todos  onde as actividades do Teatro Principal iranse compaxinando coas de animación de rúa.

Tanto o comercio local, para estimular as súas vendas, como as familias e os nenos, en particular, para disfrutar das súas merecidas vacacións, poderán beneficiarse das múltiples actividades que temos previstas.

APARTADO MUSICAL

As actividades culturais propiamente ditas, comezarán esta fin de semana, en forma de música coral. Será no Teatro Principal onde teña lugar ás oito e media da noite o Festival de Nadal de Corais.

Pola súa banda, o domingo, na igrexa parroquial de San Paio, terá lugar o xa tradicional Encontro de Coros Parroquiais coa presenza de 11 agrupacións procedentes de distintas parroquias da Estrada.

Xa o venres 22, viviremos un momento especial coa celebración de un dos festivais máis queridos pola xente da vila. Trátase do FESTIVAL VIVEN, que reunirá á práctica totalidade dos grupos e músicos estradenses sobre o escenario para render tributo a grupos de pop-rock dos anos 80 e 90.

O capítulo de concertos de interior, terá continuidade o día 30 de decembro cunha gala da agrupación de música tradicional Tamparrantán.

APARTADO ARTES ESCÉNICAS

Coma xa é tradición, o ciclo COLORÍN COLORADO NADAL, encherá de teatro, maxia e gargalladas as mañás dos días 26, 27, 28 e 29 de decembro; e a tarde do 3 dexaneiro. A relación de obras, desta edición, é a seguinte:

–100% burbujas, de BUBBLE FACTORY, o día 26 de decembro.

–Pum pum, de BAOBAB Teatro o día 27.

–Concerto singular, da compañía PÍSCORE, o día 28.

-E A Danza da choiva, da compañía ELEFANTE ELEGANTE o día 29. Un espectáculo que gañou o premio a mellor espectáculo infantil do ano en Galicia.

–O musical de Tom Sawyer, da compañía catalana Lazzigags, o día 3 de xaneiro. Un espectáculo que gañou o premio ao mellor musical infantil español no ano 2015 e que terá un prezo de 10.00€. As entradas xa están á venda en Ticketea e poderán mercarse tamén en Tiko Doco e no Departamento de Cultura.

A partir do vindeiro luns, tódolos nenos poderán mercar, por adiantado, as súa entrada.

APARTADO DE ANIMACIÓN DE RÚA

Se importantes son os eventos que vimos de enumerar, non menos importantes son os que están previstos para animar as rúas e prazas da vila, nestas datas de nadal.

Pasarrúas, desfiles, xogos populares, concertos improvisados con pallasos, zanqueiros, músicos e actores encherán de música e diversión a vila entre o 22 de decembro e o 4 de xaneiro. Na folla que vos xuntamos podedes ver, de forma detallada, esta relación de actividades, así como algunha outra organizada por outros colectivos locais como ACOE.

O broche ao programa de festexos poñerano, coma todos os anos, as cabalgatas de Papa Noel o día 24 de decembro, e a de Reis, o día 5 de xaneiro. Ambas as dúas previstas para ás seis e media da tarde.

Nada máis. Desexando que todos os estradenses atopen nesta programación un motivo para rir, ou para compartir a ilusión destas datas tan entrañables,  deséxolles a todos unhas felices festas de nadal e un próspero aninovo.

Todo aquel que queira seguir o programa dun xeito máis detallado poderá baixalo na APP do Concello, ou darse de alta no servizo de envíos por whatsapp mandando a palabra «Alta» ao número 630262386. Xa son máis de 2.000 os usuarios deste servizo.

DECEMBRO

DÍA 21

20.00 h: Gala do deporte estradense (Teatro Principal)

DÍA 22

17.00-20.00 h: Inauguración do parque de Nadal (pza da Feira)

18.00-21.00 h: Animación con Papa Noel

22.30 h: Festival VIVEN (Discoteca Nicol´s)

DÍA 23

12.00-14.00 h: Pasarrúas con mascotas Disney

17.00-18.00 h: O laboratorio máxico a cargo da Cía Mandarina (Rúa Calvo Sotelo)

17.00-20.00 h: Pasarrúas con mascotas Disney

20.30 h: Concerto de fin de ano (Banda Municipal, Coral Polifónica Estradense)

DÍA 24

18.30 h: Cabalgata de Papa Noel

19.00 h: Recepción de Papa Noel (Residencia da terceira idade)

DÍA 26

12.30 h: 100 % Burbujas de Bubble Factory (Teatro Principal)

17.00-20.00 h: Animación de Patinadores Leds

DÍA 27

12.00-14.00 h: Elfos de nadal

12.30 h: Pum Pum de Baobab Teatro (Teatro Principal)

17.00-20.00 h: Elfos de nadal

DÍA 28

10.00-23.00h: Atacamos en nadal (Pza do Concello)

12.30 h: Concerto singular, Cía Píscore (Teatro Principal)

17.00-20.00 h: Animación de rúa

20.00 h: Presentación da Míscelánea Cultural (Mome)

DÍA 29

12.00-14.00 h: Zancudos e domador con mascota

12.30 h: A danza da choiva, Elefante Elegante (Teatro Principal)

17.00-20.00 h: Zancudos e domador con mascota

21.00 h: Gala de nadal do Teleclub da Comedia (Teatro Principal)

DÍA 30

12.00-14.00 h: Zancudos con música

17.00-20.00 h: Zancudos con música

18.00-19.00 h: Gala de Tamparrantán «Non imos a vellos» (Teatro Principal)

19.00-21.00 h: Pasarrúas da fanfarria Takicardia

DÍA 31

12.00-14.00 h: Animación rúa mascotas Acoe

17.00 h: VII Milla San Silvestre

XANEIRO

DÍA 2

17.00-20.00 h: Xornada de xogos de nadal e xogos populares (Pza do Mercado)

DÍA 3

12.00-14.00 h: Animación de carteiros e pregoeiros reais

12.00-14.00 h: Fotocall cos Reis Magos (Sala Abanca)

17.00-20.00 h: Fotocall cos Reis Magos (Sala Abanca)

17.00-20.00 h: Animación de carteiros e pregoeiros reais

18.00 h: Musical de Tom Sawyer detective, Lazzygags (Teatro Principal)

DÍA 4

18.00-19.00 h: Paco Nogueiras con «Radio Bule Bule» (Rúa Calvo Sotelo)

DÍA 5

18.30 h: Cabalgata dos Reis Magos

Este ano os rapaces que participan nas cabalgatas ou que asistan a elas poderán levar unhas pulseiras de cores nas que aparezan o nome deles e o teléfono dalgún familiar para que en caso de perda, debido a multitude de xente que hai sempre eses días, se poida contactar co mesmo.

O Museo do Moble e da Maneira da Estrada (MOME) acollerá o vindeiro mércores, día 20, ás 20.00 horas unha charla organizada polo Centro de Información ás Mulleres do Concello da Estrada. O obxectivo desta actividade, tal e como comenta a directora do CIM, Margarita De La Calle “é difundir as actividades que os tres centros educativos organizaron para a conmemoración do 25 de novembro co motivo do Día Internacional Contra A Violencia de Xénero”.

Así a intención desta charla é dar visibilidade á implicación do profesorado e do alumnado para concienciar sobre a importancia de previr condutas desigualitarias que desemboquen en situación de violencia machista nas parellas e ao mesmo tempo que serva para condenar calquera acto que implique este tipo de violencia.

Desde o CIM queren agradecer o traballo que se está realizando no grupo de traballo As gafas violetas e dar a oportunidade de que sexa coñecido por máis persoas. Este grupo está composto por profesoras e alumnos e alumnas de diversos niveis, que se encargan de recoller e elaborar materiais relacionados coa violencia baixo a coordinación das profesoras, todo isto froito da colaboración das bibliotecas escolares dos tres institutos.

A idea é repetir algunha das actividades que se realizaron o ano pasado o 24 de novembro nos centros educativos e expoñer un resumo dos resultados das enquisas que se realizaron nas charlas impartidas nos centos nos tres últimos anos.

Na charla participarán a directora do CIM, as profesoras Mayte Leis, Carme Losada e Beatriz Quintela e alumnos e alumnas dos tres centros o García Barros, o Losada Diéguez e o Nº 1.

A esta cita poderán asistir todas as persoas que queiran.

O vicepresidente da Xunta, Alfonso Rueda, participou hoxe no acto de entrega de distincións de honra a máis de 100 axentes dos distintos corpos de Policía Local de Galicia, dos que forman parte uns 2.500 homes e mulleres en total.

O acto tivo lugar nas instalacións da Academia de Seguridade Pública (AGASP) da Estrada e contou tamén coa participación do delegado territorial da Xunta en Pontevedra, José Manuel Cores Tourís; o delegado do Goberno en Galicia, Santiago Villanueva; o presidente da Audiencia Nacional, José Ramón Navarro; e o alcalde da Estrada, José López Campos. Ademais, tamén asistiu o Xefe Superior de Policía de Galicia, Manuel Vázquez; o xeneral da Garda Civil, Ángel Alonso Miranda; e o comisario da Policía Autonómica, Silverio Blanco.

De aí que a Xunta manteña un firme compromiso coa mellora da súa profesionalización. Neste marco inscríbese, por exemplo, a ampla oferta de formación en distintos aspectos da seguridade pública (violencia de xénero, seguridade viaria…) e ante novos retos, como as primeiras xornadas de acción, prevención e reacción ante o terrorismo xihadista dirixidas a axentes da Policía Local, que organizou este ano a AGASP en colaboración coa Fegamp e a Delegación do Goberno.

Ademais, para seguir avanzando, tense posto en marcha o procedemento para centralizar na AGASP os procesos selectivos da Policía Local de Galicia, dos auxiliares de policía local e a creación de listas de reservas para estes postos. Trátase dunha iniciativa que estará aberta para os concellos que así o decidan voluntariamente e que permitirá facilitar a cobertura de baixas, a mobilidade e o reforzo destes corpos.

A maiores da formación para as policías locais, a AGASP concentra tamén a formación dirixida a bombeiros, GES e membros de Protección Civil, o que a converte no centro de referencia das emerxencias de Galicia, cunha oferta cada vez máis ampla e aberta a máis profesionais e colectivos. Ademais, para aproveitar as sinerxías con este centro, este ano púxose en marcha no mesmo recinto o Centro de Atención ás emerxencias 112 de Galicia.