A Estrada na Rede

Un vídeo aéreo de Vagalumes amosa o extraordinario deste patrimonio estradense oculto por unha silveira, ao tempo que reflicte o abandono e o deterioro da Torre e o Pazo.

— 

O alcalde non pode agochar a súa responsabilidade no nomeamento por decreto do coordinador de protección civil nin agochar as ilegalidades en materia de contratación detrás da excedencia dun traballador.

Os socialistas faremos valer a representación obtida (-máis dun terzo dos compoñentes da corporación) para que a investigación das irregularidades denunciadas en materia de contratación e disciplina de persoal non se peche en falso.

Solicitar unha excedencia é un dereito de calquera traballador, sen embargo non se pode pretender agochar as irregularidades cometidas nunha administración baixo a excedencia do traballador afectado. “Os socialistas faremos valer a representación obtida -máis dun terzo dos compoñentes da corporación- para que a investigación das irregularidades denunciadas en materia de contratación e disciplina de persoal non se peche en falso: esixiremos a realización do informe xurídico en materia de contratación de servizos e subministros solicitado no pleno. O alcalde e os seus delegados en materia de persoal (Concelleiro Alberto Blanco e o director de Réxime Interno Enrique Prieto) eran coñecedores da dobre actividade na empresa privada e no sector público do traballador aludido, e permitiron durante anos esta dualidade que resulta ilegal en materia de contratación, polo tanto é necesario depurar responsabilidades”, comentou a portavoz socialista.

A lei esixe aos traballadores que comuniquen á empresa calquera actividade que realicen a maiores da súa actividade no sector público, así como calquera variación na súa situación. Neste caso, a pesares de coñecer a lei o traballador non ten feito estas comunicacións, polo que procede un expediente disciplinario. Así mesmo, a lei de contratos é clara e di que calquera traballo que unha empresa propiedade dun traballador municipal, ou da súa muller/marido ou fillos non pode realizar ningún tipo de traballo para a administración na que o traballador presta servizo público, ven sexa directamente ou por empresa interposta ou subcontrata.

Os socialistas vimos denunciando que a ilegalidade está en que as empresas do traballador aludido non poden prestar servizos ao Concello e demostramos que si o fixeron no 2013, 2014, 2015 e 2016, (de xeito directo e facturando mediante subcontratación -datos revelados polo grupo socialista no pleno pasado-). “É necesario chegar ao fondo destas irregularidades para evitar que situacións similares se continúen a producir”, afirmou Belén Louzao.

A memoria selectiva do Alcalde.

Neste caso a memoria do alcalde resulta ser selectiva e interesada. Pasa de negar os feitos a recoñecer os datos cos que os socialistas demostramos que minte: primeiro nega ter nomeado por decreto ao traballador como coordinador de protección civil; despois esquece que o traballador deixa de facer as súas funcións habituais para facer unhas non definidas en ningún lado; esquece tamén que el mesmo e quen autoriza todos os gastos que se fan en protección civil a proposta do traballador investigado e que é este propio traballador investigado o que conforma todas esas facturas, incluídas as das súas empresas e durante o último pleno nega que as empresas do traballador municipal protección civil, seguisen prestando servizos para o Concello a partir de 2014 sendo propietario ao 100 % dunha empresa e apoderado doutra da que e propietaria a súa muller que presta servizos ao Concello dende 2013, momento da súa creación.

Agora, á vista do desenvolvemento dos acontecementos parece querer agocharse detrás do dereito de excedencia do traballador, para non recoñecer que é ilegal que as empresas do traballador afectado prestasen servizos para o Concello, directamente ou baixo a facturación de outra empresa exercendo como subcontrata con respecto ao Concello.

Grupo Municipal Socialista

Foto gañadora; ANA BAZAL

A primeira edición do concurso fotográfico A Estrada da sidra xa ten gañadores, un certame que está organizado pola Concellería de Turismo de A Estrada, dirixida polo edil Óscar Rancaño.

A primeira fotografía clasificada leva por título Descorche e a autora é Ana Bazal que recibirá de premio 500 euros. A segunda triunfadora é unha imaxe de Juan Rodríguez Pazos que nomea Culín e que se dotará con 350 euros. E o terceiro posto no podio é para a foto Sidra de Reinetas de Reynold Doforno que será galardoada coa cantidade de 200 euros.

O cuarto premio, que contaba con 100 euros, quedou deserto, xa que ninguén presentou imaxes realizadas cun dron.

A primeira edición deste certame foi ben acollida xa que dende o 22 de maio ó 10 de xuño (prazo vixente do concurso) presentáronse un total de 75 instantáneas. A temática establecida na bases foi a busca do espíritu da sidra, transmitindo a cultura que xira arredor desta e que está tan presente na Estrada, fotografando todo o relacionado con esta bebida e tendo como escenario o municipio estradense. O obxectivo deste certame non é outro que o de promover a Festa da Sidra, celebrada en xuño, así como todo o que ten que ver co seu proceso de elaboración, distribución e consumo, ademais, de tódolos axentes implicados neste proceso ancestral. A gran parte das instantáneas presentadas o concurso reflicten momentos da xornada da festa da sidra e tamén as que foron captadas en entornos naturais.

O fallo do concurso tivo lugar o pasado día 6 ás 17.00 horas e o xurado estivo composto por dúas fotógrafas profesionais e por unha representante da Concellería de Turismo. Neste caso as persoas encargadas do veredicto tiveron en conta diversos criterios como a calidade técnico-artística, a creatividade, o domino dos medios técnicos, os procedementos usados, así como o contido informativo.

A entrega dos premios terá lugar a vindeira semana

Sabucedo vístese de gala para aloitar os seu

A Rapa en imaxes, 1 Curro Rapa das Bestas 2017

1 2 ►

A organización agarda que entre 20.000 e 30.000 persoas acudan ao certame, que xa conta con 130 xornalistas acreditados de dez países e que recibirá a preto de 200 profesionais

 A Rapa arranca mañá coa 8ª Gala dos Aloitadores e seguirá o venres coa xornada de monte, que comeza ás 7.00 horas no Celeiro tras a misa de San Lourenzo

O Concello da Estrada e a Asociación da Rapa das Bestas de Sabucedo presentaron hoxe a edición 2017 desta Festa de Interese Turístico Internacional –unha das nove que hai en Galicia– que se celebrará entre mañá e o luns 10 de xullo e que conta como principal aliciente coa celebración dos 450 anos desta tradición, que segundo a tradición oral e certos estudos comezou en 1567 cando as irmás coñecidas como “as vellas” entregaron dous cabalos á freguesía de San Lourenzo, creando así a mítica manda de “O Santo”. O acto, celebrado na Praza da Constitución da Estrada, onde quedou inaugurada a mostra “Sabucedo.O sentir dun pobo”, contou coa presenza do alcalde da Estrada, José López; do concelleiro de Cultura, Juan Constenla; do presidente de Rapa das Bestas, Henrique Bazal, e de decenas de veciños de Sabucedo.

No mesmo, revelouse que a estimación de asistencia situarase entre 20.000 e 30.000 persoas durante as catro xornadas festivas centrais e que o evento será cuberto por preto de 200 xornalistas de todo o mundo. Neste intre, téñense rexistradas unhas 130 acreditaciones de medios e profesionais procedentes dunha decena de países e, entre os mesmos, destacan produtoras de Nova Iorque e Londres, canles de televisión de Tokio, que van gravar unha reportaxe para un programa de audiencia millonaria no país oriental, e prestixiosos fotógrafos de España, Portugal, Rusia ou Francia. Polo demais, o rexedor estradense louvou o traballo de Rapa das Bestas e dos veciños de Sabucedo “ao longo de todo o ano para coidar das bestas e do monte” e amosou o compromiso das administracións públicas para seguir axudando ao mantemento da festa e o crecemento promocional deste certame.

A mostra fotográfica Un día na Rapa das Bestas (Do monte ó curro) segue aberta ó público na Casa das Letras da Estrada que poñerá o seu broche de ouro a vindeira semana, concretamente o día 10. É unha exposición do artista coruñés Sindo Novoa que a través dunha vintena de instantáneas a cor revive esta festa ancestral.

Os interesados poden apreciar a mostra en horario de 09.30 a 14.00 horas e de 16.00 a 21.30 horas na Casa das Letras. O obxectivo do fotógrafo e trasladar esta creación polas diferentes zonas de Galicia, algo que suporá unha gran promoción para a festa con tanta relevancia na Estrada.