A Estrada na Rede

A Estrada será unha das diversas localidades onde a unidade móbil 30 Aniversario de Eramus+ fará parada nos vindeiros días. A visita está prevista para o mércores día 19 en horario de 11.00 a 14.00 horas. O lugar da instalación aínda non está pechado, pero barállase entre a Praza da Constitución ou a Rúa Principal.

A Dirección Xeral de Xuventude, Participación e Voluntariado, a través desta actividade, ten como obxectivo dar a coñecer en profundidade o Programa Eramus+ e as súas distintas posibilidades entre os mozos de diferentes puntos de Galicia e dunha maneira práctica. Así levará a cabo unha labor de difusión durante unha semana en distintas localidades das catro provincias galegas.

Desprazarase por toda a comunidade unha unidade informativa rotulada con motivos relacionados co 30 aniversario de Eramus+ (de Erasmus a Erasmus+). A unidade móbil dará visibilidade ó programa, á conmemoración das súas tres décadas e servirá ademais para difundir diferente material informativo e publicitario sobre o programa.

Erasmus

É o programa integrado da Unión Europea para a Educación, Formación, Xuventude e Deporte. A iniciativa orixinal xurdiu en 1987 como un programa de intercambio que permitía que estudantes universitarios puidesen aprender e enriquecerse estudando no estranxeiro. Ó longo dos últimos 30 anos esta iniciativa foi ampliando o seu alcance e envergadura. Na actualidade, Erasmus+ ofrece un maior número de oportunidades tanto a persoas como a organizacións, dando a posibilidade de ir de voluntario ou aprendiz a países estranxeiros e cooperar en proxectos conxuntos. O Deporte tamén é unha parte fundamental de Erasmus+ e, ademais, hoxe en día o programa esténdese a países de fóra de Europa.

De feito, desde o lanzamento del programa Erasmus+ en 2014, dous millóns de persoas de tódolos ámbitos beneficiáronse das oportunidades que ofrece, tales como períodos de estudos, de prácticas ou voluntariado, adquirindo experiencia no estranxeiro. E durante estes últimos 30 anos participaron un total de cinco millóns de persoas.

Entre 2017 y 2020, Erasmus+ ten como finalidade brindar oportunidades a máis de dous millóns de persoas en toda Europa e no resto do mundo.

O BNG esixe que as explicacións do alcalde sexan en Pleno, diante dos veciños e veciñas, e non en comisión a porta pechada, xusto antes dun pleno no que non hai asuntos que tratar

O pasado domingo saía na prensa da localidade que o alcalde da Estrada ía dar explicacións polo caso Failde no pleno do xoves. Mais, logo de recibir a convocatoria da comisión de organización para ese mesmo día deducimos que as explicacións non se darán no pleno, senón na comisión.

Non é de recibo que as “explicacións do alcalde, sobre un caso como este, que suscitou a indignación de boa parte dos veciños e veciñas da Estrada, se agoche nunha comisión a porta cerrada, á que só terán acceso os representantes políticos, furtándolle á veciñanza poder presenciar as explicacións e as obvias preguntas e intervencións dos partidos políticos con representación.

Por se as razóns esgrimidas no punto anterior non son suficientes, desde o BNG da Estrada consideramos un despilfarro que se convoque unha comisión unha hora antes do pleno ordinario, que non ten puntos que tratar na orde do día, agás o de rogos e preguntas. É un despropósito absoluto.

Neste sentido, instamos ao alcalde a rectificar, e independentemente do que faga o alcalde, o BNG trasladará o asunto ao pleno a través dos rogos e preguntas, para que teña que dar a cara igualmente diante dos veciños e veciñas que asistan ao pleno. Se todo está tan claro e transparente como el di, dar a cara no pleno sería o normal e o desexábel, non só polos veciños e veciños que esixen unha explicación polo caso Failde, senón tamén para aforrarlle ao concello uns miles de euros en indemnizacións aos concelleiros e concelleiras.

— 

Ponse en marcha este sistema comunicativo a través de Telegram

O Servizo de Comunicación da Axenda de Ocio a través de whatsapp do Concello da Estrada alcanzou xa os 1.500 usuarios desde que se puxo en marcha o pasado mes de outubro. O obxectivo desta vía de comunicación é difundir con coa maior brevidade posible tódalas actividades de ocio e tempo de lecer que se levan a cabo no municipio. Desta maneira, os cidadáns poden ter información inmediata sobre novidades, material útil sobre diversos ámbitos, así como toda a información dos distintos eventos.

Os interesados en gozar deste servizo só teñen que inscribirse.

A maneira de facelo é moi sinxela:

1. O interesado deberá engadir un contacto novo na súa axenda do móbil co número de teléfono: 630 262 386

2. A continuación, deberá enviarlle a ese número un whatsapp poñendo ALTA.

3. Ó cabo duns días recibirá unha mensaxe de confirmación e comenzará a recibir tódalas novas da axenda cultural e de tempo de lecer no seu móbil.

Desta forma, o usuario ó enviar a primeira mensaxe ó novo contacto agregado pasará a formar parte dunha lista de difusión á que se enviarán as noticias periódicas.

Porén, non se usará este mecanismo como de medio de conversación ou de resolución de dúbidas (para iso existen outras vías de comunicación), de modo que así se asegure a efectividade do servizo.

Ademais, se chegado un momento o cidadán así o desexa pode deixar de recibir as novas comunicándoo a través do mesmo medio cunha mensaxe que poña BAIXA.

IMPORTANTE: Mediante este servizo envíanse mensaxes a través dunha lista de difusión, pero nunca se engadirá ó usuario a un grupo, polo que ningún usuario subscrito a este mesmo mecanismo terá acceso os datos ou os números dos demais.

Debido o gran éxito deste servizo, desde o Concello decidiuse ampliar a transmisión de novas a través dunha nova vía, desta volta a través de Telegram. Isto permitirá chegar a un maior número de cidadáns e darlle a posibilidade a maior cantidade, porque non todos usan actualmente whatsapp.

Neste caso, os usuarios que queiran dispoñer deste servizo teñen que engadirse á seguinte canle da aplicación: https://t.me/AxendaAEstrada @AxendaAEstrada

Telegram a través das súas ‘canles’ permite enviar mensaxes de maneira masiva a través do móbil, ofrecendo ós usuarios a posibilidade de subscribirse de maneira aberta e ilimitada. Desta maneira, calquera pode subscribirse sen intermediarios.

Cando se entra en Telegram aparece unha lupa na parte superior dereita onde se debe introducir o nome da canle que queremos buscar, neste caso @AxendaAEstrada. Unha vez atopada entramos no enlace e na parte de abaixo hai un botón que pon ‘Unirse’ (porque neste caso trátase dunha canle pública). E nas canles poden chegar mensaxes de distintas persoas porque pode ter varios administradores.

O mecanismo a través de Telegram xa está en funcionamento desde o Venres 30.

O alcalde José Lopez é o responsable deste novo vertido ao non ter feito nada para evitalo. Nin realizou reformas na EDAR que impidan a saída de lodos sen tratar nin estableceu barreiras de control ou contención.

No é o único foco de vertidos, nas proximidades da praia fluvial podía verse a semana pasada un vertido procedente da rede de saneamento directamente ás augas do río .

Os socialistas da Estrada denunciamos un novo vertido da depuradora municipal as augas do Río Liñares. Unha vez máis o inadecuado funcionamento da planta depuradora de augas residuais do Concello da Estrada – EDAR, deixa lodos sen tratar procedentes do saneamento municipal do casco urbano esparexidos polo río e un forte cheiro nas inmediacións. A acumulación destes lodos e os cheiros na balsa de incorporación das augas procedentes da EDAR na súa unión ao caudal do río que emprega a minicentral eléctrica de Barbude, resulta facilmente detectable e visible.

“O responsable directo desta nova contaminación ao río é o alcalde, posto que sendo coñecedor dos problemas de mal funcionamento da estación depuradoda non puxo en marcha ningunha medida para evitalo” afirmou a portavoz socialista Belén Louzao. “O alcalde José López comunicaba fai 15 días que estaba buscando empresa para comezar as obras de mellora, pero a vista está que non se ten mellorado nada na EDAR e o que é peor, que non se teñen establecido medidas de prevención contra vertidos”

Despois dos episodios contaminantes acontecidos a comezos de ano os socialistas pedimos a inplementación de medidas a curto prazo para evitar este tipo de suceso, tales como a instalación de barreiras anticontaminación; a dotación dunha partida orzamentaria nos presupostos de 2017 para arranxar a depuradora; e a realización de limpeza de lodos do río. O alcalde non puxo en marcha ningunha destas medidas, limitouse a dicir que con 10.000 de Augas de Galicia ía solucionar o problema e vemos como medio ano despois os problemas seguen sen arranxar e as obras prometidas de mellora da EDAR non se teñen realizado.

Outros vertidos localizados na Estrada

Éste non é o único punto no que se teñen localizado puntos de vertido procedentes do saneamento municipal: en Liñares, preto da praia fluvial; na avda. Benito Vigo á altura da discoteca Lennon,… “Son vertido localizados que o Concello coñece é que lonxe arranxalos mira para outro lado. Na semana pasada podía verse outra vez a saída de augas contaminadas na localización do vertido de Liñares, os cheiros e a presenza de restos procedentes do alcantarillado son frecuentes nestes puntos de vertido, e a pesares de ser coñecedor do problema o alcalde José López sigue sen poñer solución, non destina ni un so euro do orzamento municipal a solucionar estes problemas.

O luns inauguraranse os campamentos de verán 2017 da Estrada (Campamento Urbano e o VIII Campus Deportivo) que contan con mais de 600 prazas este ano.

No caso do Campamento Urbano hai un total de 280 prazas para xullo e agosto, que están totalmente cubertas, pero para a quenda do mes de setembro, das 40 ofertas, aínda quedan libres 13. Os interesados aínda se poden inscribir no departamento de Servizos Sociais do Concello, en horario de luns a venres de 09.00 a 14.00 horas. Neste caso, para o mes de setembro, o prezo será de 23,10 euros por neno empadroado no municipio e os das demais localidades deberán abonar 38,50 euros.

Terán preferencia:

1. Nenos/as que se atopen en situación de vulnerabilidade

2. Os empadroados no Concello da Estrada

3. Familias nas que os dous pais se atopen traballando

4. Familias nas que algún dos pais estea en activo

5. Orde de inscrición

O Campamento Urbano terá lugar nas instalacións de Coesco e os participantes poderán desfrutar de saídas ás piscinas, á alameda e polos arredores do casco urbano. O horario será de 08.00 a 14.00 horas, aínda que varía se se solicita o servizo de almorzo ou de comedor.

Por outra banda, o luns ábrese o prazo para anotarse nas quedas do mes de agosto no VIII Campus Deportivo. No mes de xullo cubríronse as 200 prazas ofertadas e para agosto haberá 100. A actividade está dirixida ós nenos de entre 5 a 15 anos e terá lugar no complexo deportivo de Figueroa en horario matinal de 10.00 a 14.00 horas. O prezo será de 80 euros por participante. O único desconto que se aplicará neste caso será se participa máis dun membro da unidade familiar. Así, para o segundo membro da mesma familia o prezo será de 60 euros, para o terceiro, de 30 e a partir do cuarto será gratis.

Terán preferencia os menores empadroados no Concello da Estrada e de quedar prazas vacantes, serán ocupadas por aqueles rapaces que pertenzan a outros concellos. As inscricións deberán facerse de maneira presencial no departamento de Estatística, situado no planta baixa do Concello, en horario de mañá e a inscrición deberá realizala o pai, nai ou titor legal do participante.

O Campus Deportivo conta cun servizo de transporte gratuíto dende a estación de autobuses ata a zona deportiva, con paradas diante do Concello, Bar Gran vía, Ambulatorio e Cafetería Invictus, que por suposto, conta con servizo de volta. A hora de partida será ás 09.50 horas e a de saída ás 13.50 horas.

Actividades

As actividades que se ofertan son, entre outras: fútbol, baloncesto, atletismo, bádminton, natación, tenis, ciclismo e xogos de iniciación para os máis pequenos. En cada quenda haberá unha excursión ó Aquapark de Cerceda e unha acampada nas instalacións das piscinas municipais, que en caso de choiva ou se non hai tendas de acampada suficientes será no Pavillón Coto Ferreiro. Tamén, poderán gozar dalgunha xornada na praia fluvial de Liñares.

Os participantes deberán levar roupa e calzado cómodos, bañador, toalla, chanclas, agua, algún aperitivo para a hora do recreo, crema solar e unha gorra. Os rapaces que padezan asma ou algún tipo de patoloxía similar deberán levar tamén un inhalador.

O departamento de Servizos Sociais da Estrada abrirá o vindeiro luns, día 3, o prazo para inscribirse no Campamento do Mar, que se celebrará do 30 de agosto ó 8 de setembro e que terá como escenario as instalacións do campamento xuvenil As Sinas de Vilanova de Arousa (Pontevedra). Esta actividade está dirixida a rapaces de idades comprendidas entre os 8 e os 16 anos.

Haberá dúas quendas, a primeira para os nenos de 8 a 12 anos, e a segunda para os de 13 a 16. Para cada quenda ofértanse un total de 30 prazas, 26 paras os menores e 4 para monitores. O prezo é de 40 euros (o Concello bonifica o 50% de cada praza) e haberá diversos descontos.

Os interesados deberán presentar a súa solicitude (poderase descargar directamente o formulario na páxina web do Concello) no departamento de Servizos Sociais de luns a venres en horario de 09.00 a 14.00 horas. Ademais da solicitude deberase achegar unha fotocopia do Documento Nacional de Identidade (DNI) do pai, nai ou titor legal e o do rapaz. O prazo de inscrición rematará o día 14.

O listado da persoas admitidas publicarase, a priori, o día 17 e desde o 18 ó 24 os aceptados deberán realizar o pago e presentar a documentación que lle sexa requirida tras comunicarlles a súa admisión.

Preferencias de inscrición

Á hora de anotarse terán preferencia:

1. Nenos/as que se atopen en situación de vulnerabilidade

2. Nenos/as que se atopen en situación de acollemento, sempre que conten cun informe favorable do traballador social.

3. Nenos/as que estean empadroados no Concello da Estrada

4. Orde de inscrición.

Prezo

• A tarifa normal é de 40 euros por rapaz

• No caso dos menores que se atopen en situación de vulnerabilidade será gratuíto

• No caso da participación de dous irmáns, o primeiro deberá pagar 40 euros e o segundo 30.

• Nas familias numerosas cada fillo terá que abonar 30 euros.

Desde o BNG da Estrada pedimos ao alcalde que cese a Carlos Failde como xefe de protección civil polo dano que está causando a este organismo

—