A Estrada na Rede

O BNG da Estrada quere trasladar toda a súa solidariedade e apoio ás traballadoras e traballadores do 112 que iniciarán unha folga indefinida a partir do sábado 15 de abril.

As traballadoras e traballadores levan meses mobilizándose para denunciar as consecuencias que terá o traslado do 112 de Santiago de Compostela ao noso concello. Porén, nin as súas denuncias, nin as súas demandas foron escoitadas, o que demostra a falta de responsabilidade e de sensibilidade dos responsábeis políticos da Xunta para con este colectivo, que desenvolve unha importante tarefa para todas e todos os galegos.

Neste sentido queremos tamén subliñar o nulo papel do alcalde da Estrada, que se ofreceu a mediar diante dos seus compañeiros do PP, pero que a día de hoxe non fixo nada por un colectivo que terá o seu centro de traballo no noso concello, o que demostra unha vez máis que é un falabarato e un peso pluma dentro do seu partido.

Para o persoal do 112 é especialmente grave o silencio tanto da administración, como da empresa, no relativo aos custos dun traslado que vai afectar a 300 familias e que vai provocar unha diminución dos seus ingresos, segundo os seus cálculos, dun 14%, en salarios que están en arredor dos 1.000 euros.Isto terá unha perda directa dos ingresos das traballadores e traballadoras, porque ademais do aumento do custe da vida e de manterse os seus salarios conxelados desde hai 6 anos, que agora terán que restar, na maioría dos casos, os gastos en combustíbeis para ir e vir todos os días ao seus postos de traballo.

BNG de A Estrada

 Os Cabaleiros de Riobo saíron no día de onte pola maña pra comenzala ansiosa aventura dende o Cebreiro a Santiago de Compostela, facendo así o Camiño de Santiago contan chegar a Capital o largo da mañá do Domingo.

Moi bo Camiño Cabaleiros .

Os Técnicos UTE acompañados por redactores,directores da obra e un técnico representante do Concello realizaron onte un replanteamento do novo centro educativo que se construira nos terreos da Baiuca.

E xa por último, destacar tamén que é importante que as ferramentas dixitais libres teñan tamén cabida nestes cursos de formación, non só porque están traducidas ao galego, cousa que non se pode dicir dos sistemas privativos (Windows e Mac, principalmente), senón porque ademais de ser igualmente funcionais, son máis asequíbeis para todos e todas.
—

Hoxe na Biblioteca “Xosé Neira vilas” do CEIP do Foxo recibimos a una adolescente con síndrome de Down, Marina Menéndez.

Para desenvolver esta actividade puxémonos en contacto coa Asociación Down Compostela, da que Marina é usuaria, coa finalidade de coñecer máis polo miúdo como é a vida dunha persoa usuaria desa asociación e ser quen de entender e valorar a diversidade.

Con motivo da celebración, o  21 de marzo, do día Mundial do Síndrome de Down, traballouse no Centro a nivel de grupo sobre este tema, tanto aportando información como reflexionando sobre as diferenzas das distintas personas, a empatía con elas e o respecto cara elas…

Marina compartiu con alumnos de 5º e 6º de Primaria do cole, anaquiños da súa vida e contounos cousiñas para que sexamos  capaces de ter outra mirada cara as persoas que teñen capacidades diferentes, cara a diversidade por varios motivos:

• Porque a diversidade enriquécenos como persoas , sempre logramos aprender algo que nin nos imaxinabamos.
• Porque aprendemos a aceptar as diferenzas e darnos conta do fluxo positivo en ambos sentidos que ten o feito de compartir experiencias, pois saen de Marina e chega a nós e de nós a Marina.
• Porque aprendemos a valorar a importancia do esforzo na consecución de metas, obxectivos.
• Porque aprendemos a ter empatía e ser capaces de poñernos no lugar do outro.

Marina  acudiu ao Centro acompañada de persoal da Asociación Down Compostela e despois dunha presentación na que contaba como se desenvolvía a súa vida, o seu día a día, os seus gustos…., os nosos alumnos tiveron ocasión de facerlle preguntas e participaron nun intercambio de papeis no que os nosos alumnos intentaban poñerse no lugar de Marina e ver o que se sinte cando un está do outro lado dun grupo, da importancia de pedir axuda….