A Estrada na Rede

Política lingüística na Estrada: na casa do ferreiro, coitelo de pau

O grupo municipal do BNG, instamos ao alcalde a rematar o proceso selectivo e cubrir a praza de normalizador/a lingüístico do concello da Estrada

Desde que o titular da praza de normalizador lingüístico do concello, Valentín García, foi nomeado polo goberno do PP Secretario Xeral de Política Lingüística da Xunta, A Estrada carece de normalizador da nosa lingua. E a pesar de que o concello iniciou o ano pasado os trámites para cubrir temporalmente esa praza, a día de hoxe o noso concello sigue sen esta figura tan importante para a normalización do noso idioma.

As recentes denuncias que fixemos desde o BNG, proban que é moi necesario cubrir a praza de normalizador lingüístico, que o concello non ten unha estratexia para reverter a caída de falantes de galego no concello, e o que é peor, que non se cumpre coa Lei de Normalización Lingüística, nun concello que ten a dubidosa honra de ter como responsábel máximo da política lingüística que se fai en Galiza a un veciño da Estrada. Xa Sigue leyendo →

Queixas dos veciños e veciñas das parroquias polo abandono na conservación dos viais 

Mentres o goberno local mira para outro lado os viais municipais desfanse. Son moitas as queixas que nos trasladan os veciños e veciñas das parroquias: Riveira, Rivela, San Andrés, …. os buracos son o día a día dos estradense.

«En vésperas das eleccións municipais o alcalde e o concelleiro recorreron o rural facéndose fotos reasfaltando certos camiños e dende aquela o goberno municipal esqueceu que existen as parroquias e os seus problemas do día a día».

«A Estrada posúe unha extensa rede de viais municipais, moitos quilómetros que permiten o acceso das familias aos seus fogares, sen dúbida é obrigación do concello o mantemento dos mesmos, sen embargo no último ano o Goberno Local non ten reasfaltado nin un só quilómetro e os veciños pregúntanse se é unha nova política de José López consiste en tapar os buracos con terra ou deixalos aberto para poder xogar ao tres en raia polos camiños. A deixadez e a improvisación segue a ser nesta lexislatura, igual que na anterior, o fío condutor do goberno de José López».

No pleno de onte o grupo socialista trasladamos o malestar veciñal e esiximos a mellora dos viais municipais.

PSdeG PSOE de A Estrada