A Estrada na Rede

Este venres o PSOE de A Estrada fixo balance da actualidade do concello por medio da súa portavoz, Belén Louzao.

Louzao cre que López xa está a preparar a campaña do PP para as autonómicas, de aí as recentes visitas de conselleiros á vila. Tamén denuncia as falsas promesas realizadas en recentes campañas electorais polo alcalde que non cumpriron os tempos prometidos, como a esperada variante da N-640 da que se anunciara a licitación para o pasado ano 2015.

Belén tamén recordou a presa para inauguración do Novo Mercado sen estar rematado e os aprazamentos ao longo do tempo para o traslado da Base de Protección Civil ao Centro Comarcal, anunciado inicialmente para comezos de 2015 polo alcalde.

O PP vota en contra no Parlamento Galego contra a re-zonificación e contra a retirada do concerto ao colexio privado de Lourdes

O BNG no Parlamento Galego apoiou a iniciativa de AGE de dotar de transporte escolar desde a vila até o colexio do Foxo, pero sempre como medida provisional até que se acometa a re-zonificación educativa do concello da Estrada. Como era de agardar, o PP votou en contra, así como da emenda que presentou o BNG á iniciativa de AGE solicitando a re-zonificación, e contra outra a emenda dos nacionalistas que pedía a suspensión do concerto educativo da Xunta co colexio privado de Lourdes.

Somos conscientes dos problemas que ten o rural no seu conxunto, mais a solución non pasa por levar nenos e nenas da vila aos colexios do rural, senón por executar outro tipo de políticas que asenten poboación neste ámbito. Evidentemente dotar os colexios de mellores servizos é unha delas.

No BNG entendemos que a solución que demandan as nais e pais que levan os seus cativos ao Foxo é un apaño que soluciona un problema concreto, pero non é a solución á irracionalidade que reina no eido educativo na Estrada, onde hai nenos e nenas que van da vila ao rural, do rural á vila, mentres algúns colexios de ambos os dous ámbitos teñen problemas para completar as aulas, como o caso do Pérez Viondi, que recentemente acometeu unha remodelación bastante cara, por certo. E a todo isto hai que engadirlle o
concerto co colexio privado de Lourdes, que evidentemente resta alumnas e alumnos aos colexios públicos. No BNG non queremos colexios públicos sen nenos e nenas, nin nenos e Sigue leyendo →