A Estrada na Rede

Suplementar o pago a unha empresa contratada por unha vía que sexa unha modificación do contrato realizado vulnera a lei 

Os socialistas da Estrada pedirán explicacións ao alcalde José López e ao responsable da coordinación do grupo de  protección civil e emerxencias sobre o servizo que o camión nodriza municipal de transporte de auga e efectivos do grupo de emerxencias realizou o pasado martes día 2 na parroquia de Liripio.

“Segundo o veciños da zona o vehículo municipal trasladouse ao fío do medio día a esta parroquia co obxectivo de levar auga a unha empresa contratada polo concello para realizar o mantemento de viais municipais. O Alcalde e o responsable de protección civil terán que explicar se isto é certo, e de ser así por que temos que pagar os veciños cos nosos impostos este servizo realizado polo grupo de emerxencias do Concello se só beneficia á empresa privada de Lalín que recibiu preto de medio millón de euros do Concello por realizar o mantemento de viais municipais?”, comentou a socialista Louzao.

Os socialistas lembraron que este tipo de actuación por parte do goberno municipal Sigue leyendo →

Xosé López, alcalde en funcións, espera que tras a aprobación da entrada de A Estrada na área metropolitana de transporte público de Santiago, se poida firmar o convenio o próximo mes de Xullo entrando así xa en vigor o que suporá un aforro do 50% aos usuarios deste transporte público.

López destacou entre as prioridades do seu novo goberno acadar un compromiso real e firme por parte da Xunta de Galicia con A Estrada para a licitación da autovía, coa posibilidade de realizala en varios tramos.

O rexedor tamén quixo poñer en valor a obra da Casa das Letras que foi realizada polo «segundo obradoiro de emprego consecutivo que consigueu este goberno», destaca, dando así solución a un problema de máis de 15 anos, dándolle á biblioteca un espazo propio.

En canto as críticas que está suscitando esta nova instalación López cre que son críticas puntuais que poden acontecer con calquer novo servizo, pero tamén está seguro «que a xente comprende que a posta en marcha dunha infraestructura como esa require un periodo de adaptación».