A Estrada na Rede

Xa na mañá do domingo o BNG realizou o primeiro mitin da campaña no local de Guimarei, despois de haber suspendido o de Souto de Vea polo asesinato de violencia de xénero en Ourense.

Este martes teñen previsto desprazarse a casa da escola de Curantes ás 20:30 horas, mesmo horario no que acudirán o mércores á escola de Toedo e xoves ao local social de Ouzande. O venres reuniránse cós veciños de Orazo no local social ás 21:30 horas. Xa o domingo 17 será o turno de Castro ás 19:00 horas na escola e o luns na escola de Arca ás 20:00 horas.

O acto central de Campaña terá lugar o xoves 21, ás 21:00 horas na Sala Gradín, coa presenza da deputada do BNG no Parlamento Galego, Tereixa Paz).

O peche de campaña será o venres 22, ás 20:30 horas na escola de Vinseiro.

Móvete comezou a campaña visitando aos veciños do Foxo e Santa Cristina de Vea.

Membros deste novo partido achegáronse este sábado a estas parroquias para achegar a todos os veciños e veciñas de primeira man o seu programa, có que concorren as eleccións municipais do 24 de Maio.

Esta noite ás 21:00 horas terán un novo encontro veciñal cós veciños de Oca.

Como xa vos avanzamos este fin de semana, na madrugada do venres inaugurábase a campaña electoral. Os cinco candidatos á alcaldía reuníanse o xoves pola tarde para realizar unha foto conxunta a petición da prensa local.

Xa ás 00:00 comezaba a apertura da campaña coa pegada oficial baixo unha intensa choiva. Nas fotografías nocturnas faltan A Estrada Pode e BNG que pegaron os carteis máis tarde.

A Estrada PODE manterá na xornada de mañán un encontro coa Asociación de casas de turismo rural, ás 16h no local de Val Fresco de Curantes para analizar e comentar as posibilidades de fomento do rural en materia turística e a promoción de espazos de turismo rural.

Ademáis, a candidata de AEPODE, Ofelia Lema Villar, dará un mitín ás 19h no local da Casa Escola de Montillón.

Móvete continuará trasladándolle o seu programa aos veciños da Estrada, desprazandose nesta ocasión ata o pavillón polideportivo do colexio de Oca. Onde membros da candidatura se reunirán cós veciños e veciñas ás 21:00 horas.

Magariños censurou que o PP fora incapaz de facer novos saneamentos e mesmo de rematar os empezados

A candidatura do BNG-Asembleas Abertas da Estrada levou a cabo hoxe o seu primeiro acto público de campaña, logo do que se o pasado venres suspendera todos os actos por mor do asasinato machista de Ourense.

Neste acto, o candidato nacionalista, Xosé Magariños, puxo o acento sobre os saneamentos no rural. “Aquí nesta parroquia de Guimarei, pero tamén  noutras próximas, como Tabeirós,” explicou o actual concelleiro do BNG, “temos o exemplo de como non se poden facer os saneamentos no rural, que aparte de ineficaces, botando cheiros e desperdicios nos nosos ríos, son enormemente custosos e moi caros de manter”. “Son tan caros”, engadiu Magariños, “que en algunhas parroquias só se puido tirar os tubos e nada
máis”.

“En cambio no BNG-Asembleas Abertas”, explicou Magariños, “apostamos por tratamentos biolóxicos baseados en filtros verdes ou lagunaxe, máis axustados a realidade dos caudais que se producen nos núcleos rurais”. “Estes sistema é moito máis barato que o que se utiliza actualmente”, engadiu o candidato de BNG-Asembleas Abertas, “o que permitiría afrontar economicamente o saneamento en moitas máis parroquias, e o que é máis importante, rematalos, xa que o saneamento xera moitas expectativas entre
os veciños e veciñas do rural, pero logo estas non se cumpren ao non entrar en funcionamento, como pasa na parroquia de Couso ou Matalobos”.

“Para nós”, afirmou o candidato á alcaldía de BNG-Asembleas Abertas, “o saneamento é prioritario, de feito, xa tiñamos que ter todo o noso rural perfectamente saneado, en Sigue leyendo →