A Estrada na Rede

A Miscelánea Histórica e Cultural estrea o decimosexto volume

Publicada el 3 enero, 2014 por A Estrada na Rede

O presidente do museo Manuel Reimóndez Portela, Juan Andrés Fernández, acompañado do rexedor estradense, José López, presentaron o XVI Volume da Miscelánea histórica e cultural de A Estrada.

Ao acto celebrado no MOME tamén asistiron o concelleiro de cultura, Juan Constenla, o secretario xeral de política lingüística, Valentín García, e membros da coorporación municipal, Belén Louzao e Manuel Sanmartín, entre outros.

Pechou o acto un dúo musical de corda.

Redacción e fotografía: Iria Eiras

Publicado en Cultura, Portada | Deja un comentario

O pleno do concello aproba por unanimidade unha moción do BNG que solicita rematar concentración parcelaria de Codeseda e Arca no prazo dun ano

Publicada el 3 enero, 2014 por A Estrada na Rede

O concelleiro do BNG, Xosé Magariños,
presentou hoxe de urxencia unha moción sobre o proceso de execución das
concentracións parcelarias de Codeseda e Arca. Segundo explicou o concelleiro nacionalista “a moción foi aprobada por unanimidade e insta á Xunta de Galiza a rematar ambas as dúas concentracións parcelarias no prazo dun ano e a informar aos veciños e veciñas dos prazos e estado de execución desta obra”.

Magariños explicou que “a tramitación desta concentración parcelaria iniciouse en xullo de 2000 e naquela altura anunciaban os responsábeis da consellaría que duraría sobre cinco anos”. “Estamos en 2014,” engadiu o concelleiro nacionalista, “van alá 13 anos, e os veciños ven con incertidume e con certo desánimo un proceso que moitos vían esperanzados, xa que ordenaba o territorio nunha das zonas máis ricas e fértiles do concello no que se refire ao sector agro-gandeiro se refire”. Sigue leyendo →

Publicado en Política, Portada | Deja un comentario

Máis de 200 corredores participan na San Silvestre estradense

Publicada el 2 enero, 2014 por A Estrada na Rede

O Fin de Ano deixounos a máis de 200 participantes na carreira popular de San Silvestre. Entre os corredores atopábase unha amplia representación de atletas de Atletismo A Estrada, que participaba na organización, do Club Deportivo San Paio e do equipo dos Irmandinhos entre outros.

Entre os participantes non faltou o bo sentido do humor con vistosos disfraces de pingüíns, galos e os máis osados en bañador, eso sí por encima de outras prendas.

As mascotas tampouco faltaron nesta cita para despedir o ano con esta actividade lúdica e deportiva.

Redacción e fotografía: Iria Eiras

Publicado en Deportes, Portada | Deja un comentario

A Coral Polifónica Estradense realizou o seu tradicional concerto de Nadal

Publicada el 2 enero, 2014 por A Estrada na Rede

A Coral Polifónica Estradense realizou o seu concerto de Nadal no teatro principal acompañada da Coral Polifónica de Soutomaior e a Banda de Música Municipal de A Estrada.

As dúas agrupacións estradenses están dirixidas por Javier Comesaña.

Con este concerto e o ciclo infantil de teatro pechase un gran ano cultural con máis de 200 actividades entre Teatro Principal, MOME e sala de exposicións de Novagalicia Banco.

Durante o ano 2013 a sección de actividades culturais acadou un número de 206 eventos repartidos entre exhibicións de artes escénicas (preferentemente teatro), actividades audiovisuais; entre as que destacan as pertencentes ao Festival de Terror PANIC, exposicións, ponencias, presentacións e charlas literarias; ubicados preferentemente no Museo do Moble e da Madeira e na sala Nova Galicia Banco e cursos.

Esta cifra non inclúe, loxicamente, a actividade regular ofertada polas Escolas Municipais de Baile e Música Tradicional e a Escola de Artes Escénicas; así como as actividades desenvolvidas polos centros escolares en recintos de titularidade municipal.

Toda esta xeira de actividades foi programada, xestionada ou coordinada polo Concello da Estrada a través do seu Departamento de Cultura.

Redacción: Departamento de Cultura / Fotografía: Iria Eiras

Publicado en Cultura, Portada | Deja un comentario

O Estradense Veteranos entrega 500 kilos de alimentos a cáritas

Publicada el 2 enero, 2014 por A Estrada na Rede

Na tarde do día 31 directivos do Club Estradense de Veteranos fixeron entrega duns 500 Kilos de alimentos a cáritas parroquial. O donativo é resultado de parte do recadado pola actuación do Mago Luis Boyano, organizado polo club deportivo. Os beneficios de dito espectáculo ían destinados a compra de alimentos para Cáritas e a sufragar gastos dos veteranos.

Cós alimentos, fixeron entrega dunha nota que literalmente di:

«O Club Deportivo Estradense de Veteranos quere dar o seo agradecemento a todas as persoas que colaboraron co club así como a todas as casas comerciais, ao Club Deportivo Estradense e ao Excmo. Concello da Estrada, pois gracias a todos eles fomos capaces de celebrar o festival e axudar a Caritas Parroquial de A estrada.»

A Dirección de Caritas Parroquial de A Estrada, únese ao agradecemento reproducido anteriormente e faino extensivo ao Club Deportivo Estradense de Veteranos.

Redacción: Iria Eiras / Fotografía: Catrogatos

Publicado en Asociacións, Deportes, Portada | Deja un comentario

ACOME realiza o seu concerto de fin de ano no Teatro Principal

Publicada el 2 enero, 2014 por A Estrada na Rede

Fotografía: Iria Eiras

Publicado en Música, Portada | Deja un comentario

Este sábado péchase o Ciclo de Teatro Infantil de Nadal có musical "El Mago de Oz"

Publicada el 2 enero, 2014 por A Estrada na Rede

Este sábado nunha dobre sesión ás 17:00 e 19:00 horas o principal acollerá o gran musical «El Mago de Oz» que porá o peche de ouro a programación infantil de Nadal.

Durante estas datas festivas para os máis cativos puderon desfrutar das representacións de «Xango» de Talía Teatro, «Nuncabunga» de Elefante Elegante, «Mamá Cabra» en concerto e «Momentos de Asombro» de Martín Camiña que ademáis realizou un taller de maxia.

«Xango» de Talía Teatro