A Estrada na Rede

Fotografía e Gravación: Iria Eiras

Este sábado enmarcado na festividade do día da muller tivo lugar a representación da obra C´est la vie pola compañía Matrioshka teatro. Todos os que non pudérades asistir tedes unha nova ocasión este domingo ás 19:00 horas no Teatro Principal de A Estrada.

Mentras deixámosvos aquí un pequeno acto da obra, e as súas protagonistas; Anabell Gago, Lorena Conde e Chelo do Rejo; xunto coa directora; Marta Pazos; que nos explican un pouco de que trata a obra.

Recordarvos que o prezo das entradas é de 6€ e para os parados, estudantes ou xubilados que o acrediten será de tan sólo 5€. A billeteira do teatro atoparase aberta dende unha hora antes da actuación. ¡Animádevos!

Redacción: Iria Eiras

O sábado continúa a programación de Colorín Colorado, espectáculos dirixidos os máis cativos. Nesta ocasión os encargados de sorprender os nenos é a compañía Caramuxo Teatro co espectáculo «Pío», obra dirixada a nenos de máis de 3 anos.

A montaxe conta a historia de Pío, un pequeno paxaro que nace só na fraga. O pequeno Pío coñecerá na súa aventura a unha morea de animais que viven na fraga. Ao final desa fantástica travesía, sentirá o impulso de voar, de sentirse libre coma un paxaro. “Pío” é unha tenra e divertida proposta pensada para toda a familia, que conta cunha coidada estética e uns bonecos deseñados por Oscar Villán (Premio Nacional de Ilustración)

As entradas poderán mercarse na billeteira do Teatro Principal, unha hora antes da función, ao prezo de 3,50€.

Para máis información sobre o ciclo de teatro infantil Colorín Colorado deixámosvos aquí un enlace a web do concello, www.colorincolorado.aestrada.com, onde ademáis podedes ver pequenas promos sobre cada unha das obras que visitarán A Estrada.

Fotografía e Redacción: Departamento de Cultura do Concello de A Estrada

Sí, xa está aquí, xa chegou!, hoxe da comezo a programación de primavera no Teatro Principal de A Estrada.

Nesta ocasión poderemos desfrutar da obra Linda&Freddy, ilusionistas da compañía Teatro do Noroeste. Unha peza interpretada polos actores Eduardo Alonso, Luma Gómez, Alejandro Carro e Lino Braxe.

A trama da peza xira en torno a unha parella de ilusionistas que, rememorando os mellores números da súa carreira artística, agardan unha chamada que os devolva ao circuíto dos grandes teatros europeos. Segundo progresa o espectáculo, os personaxes comezan a decatarse de que nunca recibirán a chamada e entón deciden preparar a súa máis celebrada actuación. Un espectacular número de maxia de unha das súas brillantes especialidades: o escapismo. Pero en vez de facerse desaparecer a si mesmos, Freddy e Linda teñen a idea máis brillante de todas as ideas: Van facer desaparecer ao resto do mundo…

A nova obra  de Teatro do Noroeste fala, en clave de comedia, da situación actual da sociedade europea.. A saída da crise terá que ser moi imaxinativa e posiblemente o futuro estea á beira da cultura e o coñecemento; e non á beira dos cartos, os bancos e a riqueza material.

As entradas para o espectáculo, programado ás 21.00 h, poderán mercarse unha hora antes da función na billeteira do Teatro Principal a un prezo de 5,00€.

Ficha da obra

¡Esperámosvos!

Fotografía e Redacción: Departamento de Cultura do Concello de A Estrada