O clube Bonsai A Estrada ten programada para o vindeiro mes de maio unha exhibición de bonsais. A I Mostra do Bonsai A Estrada (BAE) será dende o venres 17 ata o domingo 19, coincidindo coa Festa do Salmón, na sala Abanca, de 11.00 a 14.30 horas e de 17.00 a 21.00 horas. 00 p.m.
O evento incluirá demostracións, un concurso e a entrega de premios. O venres 17 terá lugar a manifestación de Juan María Calvo. O sábado 18 será a quenda de Alberto Baleato (kingii) e o domingo 19 repetirá o Calvo.
Concerto de orquestra de instrumentos populares galegos que coordina e dirixe Suso Vaamonde. Como ben sabedes todos, Suso é unha das grandes figuras contemporáneas da música tradicional galega. Intérprete, profesor e compositor, Suso é tamén un gran coñecedor e divulgador dos instrumentos populares. Pero non só se dedica á súa divulgación senón que toca todos e cada un deles e dedícase a impartir clases de música por toda Galicia. Entre as moitas agrupacións e escolas nas que colabora está a escola Tequexetéldere. Moitas delas participarán no concerto que este vindeiro sábado terá lugar na praza da Farola ás oito da tarde. Agardamos que o concerto teña o mesmo éxito que tivo o do ano pasado. Creo que o tempo acompañará, así que será unha ocasión inmellorable para poder gozar dun evento que tanto dende o punto de vista cultural coma etnográfico ten unha enorme importancia. Achégase a semana das Letras Galegas e do Salmón, unha semana onde a lingua e a cultura propias adquiren, se cabe, un significado especial. Este concerto será o anticipo perfecto. Por iso animo a toda a veciñanza a partipar nel.
Como xa vén sendo habitual dende hai uns anos, a actividade central é a que levan a cabo as familias nas súas casas coa decoración do salmón da escola, que este curso, seguindo a temática organizada no centro polo Entroido, consistirá en decoralo escollendo libremente un país, etnia ou cultura do mundo. Esta é unha das actividades que a escola organiza con máis agarimo, pois supón a colaboración das familias co Centro e a integración dxs alumnxs coa contorna socio-cultural da vila. Como tamén é tradición, e contando coa colaboración Asociación de Comerciantes de A Estrada (ACOE), os salmóns exporanse durante toda a semana previa á festividade nos escaparates dos comercios estradenses asociados. Ésta é unha das iniciativas do Centro encadradas neste mes de Maio, que coincide co de máis actividade, xa que a esta, únense tamén a celebración dos Maios a principio de mes, as Letras Galegas na mesma semana da Festa do Salmón ou as xornadas de convivencia coas familias. Todas elas na recta final deste curso e previas ao Festival do Centro que se celebra a principios de Xuño.
Hoxe xoves 9 de maio, ás 20.30h no Teatro Principal, está fixada unha charla-concerto con Tonhito de Poi, mítico fundador da banda Heredeiros da Crus que falará sobre a traxectoria da banda de Ribeira, a súa carreira fóra desta formación no proxecto Rasa Loba e outras cuestións da súa vida profesional e persoal.
Ao tempo, o artista, interpretará un feixe de cancións e dialogará co público nun acto conducido por Pablo Chichas, coa colaboración dos programas de Radio Estrada Ensaiar é de covardes e o Recuncho da Lingua.
A entrada será reducida e libre ata completar a capacidade da sala. Pódense retirar convites no departamento de Cultura do Concello da Estrada ou no propio Teatro Principal.
O concelleiro de Deportes do Concello da Estrada, Ismael Pena, presentou estas actividades deportivas enmarcadas dentro do amplo programa das festas acompañado dos responsables de Bikestrada, Juan Vilariño, Socade, Manuel Ángel Pereiras, e Sondodance, Carlos Romero.
ruta en bicicleta de montaña do salmón
Sondodance
Campionato de baile do Caribe. O domingo día 19 celébrase no pavillón Coto Ferreiro a vixésima edición do Trofeo de Baile Deportivo Sondodance Concello da Estrada. Unha competición puntuable para o ranking nacional que servirá de prolegómeno ao Campionato Galego de Danzas do Caribe, que ofrecerá exhibicións de salsa, bachata e merengue, bailes que recentemente pasaron a formar parte do baile deportivo.
Carlos Romero explicou que as probas se desenvolverán ao longo de dez horas, enchendo durante todo o domingo o Coto Ferreiro de entre 300 e 400 parellas non só galegas, senón doutras partes de España e Portugal.
Obxectivo: 600 participantes. A ruta de BTT organizada por Bikestrada celebra a súa 26 edición con leves variacións no percorrido e as ganas de acadar o récord de participación tras as boas sensacións da pasada edición. O ano pasado inscribíronse 530 persoas e o límite está fixado en 600. Esta proba non competitiva partirá da Praza da Feira ás 16:30 horas do venres 17, modificando a idea inicial de celebrala o sábado para coincidir coa Raid. A distancia é de 40 quilómetros e o desnivel é de 750 metros. O percorrido continúa polos Chapurros e os arredores da praia fluvial de Liñares, tras cruzar a ponte medieval pasarán por Moreira, Barbude, onde bordearán o Castro, Paradela e as carballeiras de Pina de Abaixo ata chegar á Aldea Grande. Alí terá lugar a primeira variación, pasando a carón da leiteira de Ribeira xa que non se pode circular polo paso de pescadores por ser día de pesca. Continuará por Santeles, Cora, Toedo, Figueroa e A Cañoteira. Sortearán unha bicicleta dobre e a inscrición, por 16 euros, remata o 15 de maio. incursión hípica Carreira de resistencia. Socade organiza a XIII edición do Salmón Ecuestre Raid, unha proba na que non importa a velocidade, senón a resistencia dos cabalos. Nun percorrido no que buscan pasar o mesmo tempo lonxe do asfalto, haberá tres etapas de 30, 20 e 17 quilómetros. Así mesmo, disputaranse tres carreiras de promoción de 40, 60 e 80 quilómetros. Gaña o primeiro en recuperar a 58 batidas. A proba conta con exhaustivos controis veterinarios dos cabalos, con seguimento continuo para garantir a súa boa saúde. En cada ruta os cabalos terán que ser sometidos a un control por parte dos veterinarios para medir se están en pleno estado de saúde.
Salienta a colaboración fluída entre o Goberno autonómico e o sector para manter unha práctica deportiva de grande tradición na Comunidade e pon como exemplo medidas como a exención de taxas, que beneficia xa a máis de 13.000 afeccionados
Desde hoxe e ata o 30 de xuño poderanse pescar salmóns en augas galegas, cun cupo límite de 53 exemplares en total, mentres que a campaña do reo estenderase ata o 31 de xullo, cunha cota diaria de 2 capturas por xornada e persoa
A conselleira de Medio Ambiente e Cambio Climático, Ángeles Vázquez, defendeu hoxe a aposta decidida da Xunta nos últimos anos polo fomento da pesca sustentable nos ríos galegos e da remuda xeracional dun colectivo que tradicionalmente contou sempre con moitos afeccionados na Comunidade.
Coincidindo co inicio da tempada da pesca do salmón e do reo nas augas continentais galegas, a responsable autonómica visitou as instalacións da Estación Ictiolóxica de Ximonde acompañada da directora xeral de Patrimonio Natural, Marisol Díaz, e do director territorial da Consellería en Pontevedra, José Manuel González é o alcalde estradense Gonzalo Louao Dono.
Tras lembrar que a tempada de pesca continental comezou o pasado 17 de marzo, Ángeles Vázquez explicou que un total de 38.000 pescadores galegos contan con licenza de pesca vixente nestes momentos. Ao respecto, incidiu na importancia de seguir apostando por esta práctica lúdica e deportiva cunha grande tradición en Galicia, onde a auga está moi presente e supón un recurso importante e identitario.
Ao respecto, a conselleira salientou a colaboración fluída que mantén a Xunta co sector, tanto a través da Federación galega de pesca e cásting como do resto de entidades colaboradoras, coas que comparte o obxectivo de garantir o exercicio desta actividade nas mellores condicións posibles e impulsar o relevo xeracional do colectivo.
A modo de exemplo, Vázquez Mejuto referiuse ao impulso de medidas relevantes como a exención do pago das taxas correspondentes ás licenzas de pesca dos menores de idade e das persoas maiores de 65 anos, medida da que se benefician este ano máis de 13.000 persoas. Esta exención, tal e como lembrou, foi unha das novidades recollidas na Lei de pesca continental galega aprobada en 2021 e ten como fin impulsar a remuda dun sector no que a idade media se sitúa actualmente entre os 50 e os 70 anos.
Precisamente a conselleira aproveitou a súa presencia no couto de Ximonde para achegarse ata un tramo do Ulla e saudar a algúns dos pescadores que participaban nesta primeira xornada oficial da campaña de salmón e reo nos ríos galegos.
Neste sentido, Ángeles Vázquez explicou que no caso dos salmóns a tempada estenderase ata o vindeiro 30 de xuño e o cupo será de 1 peixe por xornada e pescador, quedando establecido o límite de capturas para toda a campaña en 53 exemplares. Ademais, no caso concreto da pesca do reo, o período hábil estenderase un mes máis, ata o 31 de xullo, cunha cota diaria fixada en 2 capturas por día e persoa.
Especie migradora e moi valorada
O salmón e o reo son dúas especies de peixes migradores ibéricos pertencentes á familia dos salmónidos, que atopan en Galicia o seu límite meridional de distribución mundial. No caso concreto do salmón atlántico, trátase da especie máis valorada das que actualmente se pescan nos ríos e destaca tamén polas súas características biolóxicas, que o fan capaz de percorrer miles de millas ata zonas subárticas, e porque actúa como un bo indicador da calidade dos hábitats tanto mariños como fluviais.
Ao respecto, a conselleira referiuse á importancia desta especie nun couto “emblemático” como Ximonde, situado no río máis salmoeiro de Galicia, o Ulla, e que serve de límite entre as provincias da Coruña e Pontevedra. Por iso, avogou por seguir traballando para garantir a permanencia do salmón nas augas fluviais da Comunidade.
Neste sentido, Ángeles Vázquez explicou que a comezos da década dos anos 90 a Xunta puxo en marcha os seus primeiros programas para a recuperación desta especie en varios ríos galegos, entre eles, o Ulla, o Lérez ou o Miño.
Grazas a este esforzo, a partir do ano 2000 detectouse un incremento no retorno de exemplares adultos a este río e sen chegar a igualar a abundancia de exemplares que había na década dos 80, as poboacións galegas de salmón experimentaron unha notable melloría, o que posibilitou a súa pesca en determinados ríos.
Entre as medidas de recuperación desenvolvidas polo Goberno autonómico nos últimos anos, Ángeles Vázquez referiuse, por exemplo, á regulación do aproveitamento da pesca recreativa coa súa limitación en determinados coutos e a implantación de cotas de captura por ríos, a optimización do hábitat mediante dispositivos de franqueo e derribo de obstáculos e un programa de mellora das poboacións con soltas de salmóns nativos.
Neste labor enmárcase precisamente o traballo que se realiza na Estación Ictiolóxica de Ximonde, xestionada pola Xunta e que empezou a funcionar no ano 1993 co propósito de estudar os peixes que transitan por este punto do río Ulla.
A tal fin, instaláronse dispositivos na presa que permiten capturar e analizar distintas especies de peixes, en diferentes fases vitais, para coñecer as súas características e a evolución das súas poboacións co principal obxectivo de garantir a súa conservación e que o aproveitamento destes recursos poida ser sustentable.
O director xeral de Gandaría, Agricultura e Industrias Agroalimentarias, José Balseiros, acompañado polo alcalde estradense, Gonzalo Louzao, asistiu este mediodía á II Feira multisectorial de produtos agroalimentarios da Estrada, que se celebra no marco da Romaría de San Xorxe de Cereixo.
Neste acto, o director xeral salientou a importancia deste tipo de certames como elementos de dinamización do rural e reafirmou o apoio da Xunta á comercialización da produción agroalimentaria galega a través de eventos de proximidade como esta feira de San Xorxe.
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies
