A cita terá lugar o domingo, 24 de marzo, con saída ás 9:30 horas
desde a igrexa de Pardemarín
O itinerario da ruta terá unha distancia total de 15 quilómetros,
divididos en dous tramos con percorrido circular
Ambos os dous tramos contarán ao remate con puntos de
avituallamento nos que se degustarán produtos estradenses
O Concello da Estrada organiza a
segunda edición do roteiro ‘Camiño Miñoto en Flor’ para dar a benvida á
primavera. A cita terá lugar o domingo, 24 de marzo, con saída ás 9:30 horas
desde a igrexa de Pardemarín.
O itinerario da ruta terá unha distancia total de 15 quilómetros, divididos en
dous tramos con percorrido circular. O primeiro deles, cunha lonxitude
aproximada de 7 quilómetros, corresponde ao Camiño Miñoto, e
desenvolverase desde o punto de encontro, na parroquia de Pardemarín, ata o
viveiro de fruticultura de Biofruitgalicia, no lugar de Ancorados. O segundo
tramo, cunha distancia aproximada de 7,5 quilómetros, correspóndese coa
Ruta da Sidra e transcorrera desde o lugar de Ancorados ao lagar de Sidra
Rabiosa, en Pardemarín.
Ambos os dous tramos contarán ao remate cunha etapa de avituallamento, nas
que se degustarán diversos produtos estradenses, sidras e zumes da
localidade. Ademais, as persoas participantes na andaina, gozarán da paisaxe
conformada polos arandos en flor no lugar de Ancorados.
As persoas interesadas en asistir, poderán inscribirse a través de WhatsApp,
contactando cos teléfonos 657 185 557 ou 686 413 824.
