O alcalde da Estrada, Gonzalo Louzao Dono, e os concelleiros de Turismo e Cultura, Óscar Rancaño e Lucía Seoane, recibiron este mediodía aos 16 participantes nas xornadas sobre deporte inclusivo Equal Play, realizadas na Estrada a través do programa Erasmus+,que financia a Unión Europea.
Nestas xornadas, que continuarán ata o venres e empregarán as instalacións deportivas estradenses, participan persoas procedentes de Serbia, Grecia, Portugal, Ucrania, Andalucía e Madrid. O seu desenvolvemento na Estrada foi promovido polo colectivo Imaxina e Axuda.
