O director xeral de Gandaría, Agricultura e Industrias Agroalimentarias, José Balseiros acompañado polo alcalde estradense Gonzalo Louzao, asistiu este mediodía aos actos enmarcados na celebración da Feira Cabalar de Pascua do concello pontevedrés da Estrada. Alí, destacou o papel que desenvolve esta celebración no impulso do desenvolvemento rural, social e económico da zona.
Por outra banda, lembrou que Galicia conta cunha raza autóctona propia, o Cabalo de Pura Raza Galega, orixinario da nosa comunidade e cuxas referencias de existencia remóntanse ao século XV. Desde a Consellería do Medio Rural colabórase activamente na conservación das razas autóctonas co obxectivo de preservar o patrimonio xenético con axudas destinadas ás asociacións de criadores, dotadas cun orzamento de 270.000 euros.
