Mañá venres o Festival de Cine de terror Panic pecha o capítulo
de exhibición de filmes 2022 coa proxección da película
Halloween Kills, a última entrega da saga de Halloween de
Michael Meyers. Será ás 23.30 h nas salas de Minicines Central
con entrada de balde ata completar a capacidade da sala.
O PSOE da Estrada ve como “unha nova positiva” a
aparición do escrito de compra dos terreos nos que se edificou o vello
centro de saúde da Estrada. O líder socialista, Luis López Bueno, lamentou
que López Campos “acabe de recoñecer que ata hai uns días nin sequera se
interesara polo asunto” e remarca que “o Grupo Municipal Socialista
levamos dous poñendo enriba da mesa este problema mentres o PP deixou
que o edificio se deteriorase sen mover un só folio”.
O líder socialista agradeceu a preocupación da traballadora municipal que
buscou o acordo do pleno, porque “está claro que se fora polo alcalde,
nunca aparecería” e afeoulle a López Campos a cantidade de mentiras que
leva manifestado sobre esta cuestión “só por non informarse”.
O socialista referiuse en especial ás declaracións do rexedor onde afirmaba
que habería que pagar prezo de mercado polo edificio, ou que o Ministerio
non acepta cesións, extremos que foron desmentidos “categoricamente” por
fontes da propia Tesouraría Xeral da Seguridade Social consultadas polo
propio López Bueno.
Ademais considera que “aínda hai varias cuestións que aclarar” antes de
pedir con garantías a reversión do inmoble ao Concello. A principal é
comprobar eventuais acordos posteriores entre Ministerio e Concello a
propósito do terreo, porque existe a posibilidade de que “nun momento
posterior se entregara a propiedade á Administración do Estado”. Cabe
recordar que o edificio se construíu no ano 1990, polo que hai un lapso de
tempo moi importante entre a compra do terreo e o inicio das obras.
Ve “precipitado” iniciar trámites sen “ter garantías sobre a titularidade do
terreo”. Nese sentido manifestou que a parcela está inventariada pola Xunta
como inmoble adscrito como terreo sanitario, pero no inventario do Estado
unicamente se recolle o edificio construído, polo que hai que aclarar a quen
lle pertence a titularidade.
O socialista asegura que apoiarán a reversión “en caso de confirmarse que
os terreos lle pertencen ao Concello” e indicou que estarán aos informes
técnicos sobre a conveniencia ou non de rehabilitar as instalacións. Nese
sentido, o líder socialista afeoulle ao alcalde o seu “nulo interese” por esta
cuestión, xa que “o PP é o único que tiña a capacidade para iniciar a
investigación sobre o terreo” e culpou ao goberno do “grave deterioro” das
instalacións nos últimos meses.
Ademais, o líder socialista considera que a única proposta razoable sobre o
uso do inmoble é dedicalo a centralizar os servizos sociais do Concello, que
agora se prestan en instalacións cedidas en precario ou pouco axeitadas
para prestar determinados servizos.
López Bueno cre que esa é unha aposta decidida polos servizos públicos “de
calidade” e que orientarían ó Concello a “ampliar a carteira de servizos
sociais, as prazas ofertadas e a mellorar a calidade asistencial”.
Lidl inviste uns 35 millóns de
euros en seis obras acometidas nun prazo de dous anos na provincia de
Pontevedra coas que aumenta a súa pegada no mercado autonómico.
O plan de expansión da compañía inclúe as primeiras incursións da compañía
na comarca de Tabeirós-Terras de Montes, co establecemento da Estrada que
entra mañá en funcionamento, e tamén na do Val Miñor, cunha tenda inaugurada
en Porto do Molle no outono de 2021 e que lles dá servizo ás persoas de Baiona,
Gondomar ou Nigrán. A ambos puntos de venda sumaráselles un novo centro
en Cangas do Morrazo, que previsiblemente entrará en funcionamento antes de
final de ano.
O director rexional de Lidl en Galicia, Jaime Herrá, destacou esta mañá ante os
medios de comunicación que “ao igual que ocorreu en exercicios anteriores, nos
que puxemos en marcha o noso establecemento máis grande da rexión en Vigo
ou nos que impulsamos a modernización da Guarda, tamén este 2022
Pontevedra capitanea o noso compromiso en Galicia coas dúas novas aperturas
na Estrada e Cangas do Morrazo, así como a remodelación do punto de venda
de Avenida de Vigo, en Pontevedra”.
Ademais, Herrá anunciou que a compañía está a piques de reabrir unha das
súas tendas de Santiago de Compostela tras unha ambiciosa renovación e que,
dentro dunhas semanas, se inaugurará tamén un establecemento na cidade da
Coruña.
35 tendas en Galicia a partir de mañá
Este xoves abrirá as súas portas o primeiro establecemento de Lidl na Estrada,
situado xunto ao centro de saúde da avenida Benito Vigo, e que lle permite á
marca alcanzar as 35 tendas abertas en Galicia. En concreto, destináronse a
este novo punto de venda uns 4,2 millóns de euros para a construción e
equipamento, obras contratadas a empresas da contorna, como a firma de
enxeñería coruñesa COTECNO ou a construtora pontevedresa CHS, entre
outras.
Este novo centro supuxo a creación de 15 novos postos de traballo e a
consolidación doutros cinco, xa que, en total, haberá unha vintena de persoas
atendendo estas instalacións durante o horario habitual, de 9.00 a 21.30 horas
de luns a sábado. Nelas, o produto galego volverá ser o protagonista indiscutible,
con referencias como as de queixos rexionais, leite fresco ou cervexa Estrella
Galicia, tres das preferidas polos clientes da rexión.
Como vén sendo habitual, a sostibilidade é outra das insignias do novo punto de
venda, tanto da súa sala de vendas (duns 1.400 m2
) como dos propios servizos
da parcela, ao contar cunha instalación fotovoltaica de 1.000 m2
, iluminación LED
e equipamento ecosostible. A todo iso hai que engadir tamén dous puntos de
carga para vehículos eléctricos, que se unen ás 75 prazas de aparcamento
convencionais.
Minutos antes de realizar un percorrido polas novas instalacións xunto ao alcalde
da localidade pontevedresa, José Carlos López Campos, Jaime Herrá expresou
a súa “satisfacción e alegría” polo fito que supón alcanzar as 35 tendas abertas
cando a marca aínda non chegou ao cuarto de século de vida na comunidade.
“Seguimos deixando a nosa pegada porque cremos en Galicia pero, sobre todo,
porque Galicia cre en nós”, afirmou o representante de Lidl, quen, paralelamente,
agradeceu ao Concello da Estrada a súa “decidida colaboración” para permitir
que o triplo compromiso con empregados, provedores e clientes “se deixe sentir
dun modo nítido tamén aquí”.
Impacto no emprego e economía de Pontevedra
Por outra banda, o director rexional de Lidl para Galicia, Jaime Herrá, tamén
subliñou o “salto cualitativo” que supón para a marca superar os 300 empregos
directos creados na provincia de Pontevedra. Neste senso, lembrou que un
informe da consultora independente PwC acreditaba que no último exercicio
fiscal a compañía tiña un impacto directo de 286 postos de traballo, case 2.400
indirectos (o maior volume de toda a comunidade) e 310 empregos inducidos.
“En total, PwC certificaba o noso impacto sobre uns 2.960 postos de traballo ata
chegar a representar un 0,8% do emprego da provincia, o máis alto que temos
en toda a comunidade”, sinalou, á vez que recalcou que “con esta nova apertura
e a de Cangas superaremos os 3.000 postos de traballo directamente xerados e
consolidados coa nosa actividade”.
Nesta mesma liña, Herrá expuxo que “este destacado impacto sobre o emprego
na provincia tamén vai da man da repercusión sobre o PIB, que alcanza en
Pontevedra o seu máximo de Galicia”. Deste xeito, lembrou que o impacto sobre
o PIB pontevedrés é dun 0,75% do total (o máis alto das catro provincias) ao
sumar os 12,4 millóns de euros de impacto directo, os 106,2 millóns de impacto
indirecto e os 18,1 millóns de euros de impacto inducido. “Eses case 137 millóns
de euros do último exercicio son o noso punto de partida para este 2022, no que
dous novos establecementos nos permitirán seguir aumentando a nosa pegada
sobre a economía da provincia que eliximos en 1998 para a nosa aterraxe na
rexión”, concluíu.
Pola súa banda, o alcalde da localidade, José Carlos López Campos, sinalou na
súa intervención ante os medios de comunicación que a chegada de Lidl á
Estrada é “unha moi boa nova e un ‘espaldarazo’ para o Concello, xa que
significa que a marca viu que o noso é un municipio con futuro e cunha gran
proxección”.
Nese sentido, subliñou que “para nós será un factor diferencial fronte a outros
concellos” pola “implicación tan directa” da compañía “sobre a economía local,
tanto dende o punto de vista da súa aposta polo produto galego e o provedor da
comunidade como pola oportunidade que supón para os mozos que atopan aquí
unha perspectiva laboral”, unha cuestión que axuda a fixar poboación na
contorna.
O goberno local atopou o xeito de conseguir que o antigo Centro de Saúde do municipio, actualmente en desuso tras a construción do novo ambulatorio, volva a ser titularidade municipal, e así poder ofrecer novos usos a este inmoble para o goce da cidadanía. . E é que o equipo de José López púxose mans á obra e localizou unha serie de documentos que datan dos anos 70 que confirman que a parcela, duns 2.000 metros cadrados, foi comprada no seu momento polo alcalde José Fernández Novoa Rodríguez por un millón. euros para ceder este terreo ao Instituto Nacional de Benestar para a construción do Centro de Saúde.
E este achado, explicou o rexedor estradense, facilitará a xestión do inmoble por parte do Concello nun curto prazo de tempo, evitando o pago ao Estado pola súa cesión e dificultados trámites que atrasarían o proxecto.
Deste xeito, unha vez reunida toda a documentación, que confirma a titularidade municipal dos terreos en 1972 e a posterior aprobación polo Pleno da súa cesión ao Estado, "na orixe" do Centro Saúde, segundo describiu o alcalde. da Estrada , remitirase ao Goberno español e solicitarase a súa revocación.
"O Concello cedeu o terreo para un uso concreto, para o que o Concello pode solicitar a revisión do solo e do desenvolvemento das infraestruturas", precisou López. "Facenda debería autorizar esa reversión", dixo. O seguinte paso sería a súa aprobación polo Pleno da Corporación para poder, así, "facer un plan de usos" e valorar "o edificio hai que reformar ou facer un novo". "Hai moitos usos que se poden dar e non quero falar en concreto", dixo.
A empresa Tecuni, adxudicataria do cambio de luces no rural estradense por 6,5 millóns de euros -obras financiadas nun 80% con fondos europeos, a través do Instituto para a Diversificación e Aforro da Enerxía (IDAE)-, iniciou onte o cambio dos 12.500 puntos de luz en cada un. e cada un dos locais da capital de Tabeirós, que ofrecerá aos estradenses novos puntos de iluminación e permitirá ao goberno local aforrar miles de euros. E é que "nas arterias principais, as luminarias pasarán de 250 watts a 70", explicou onte o responsable da empresa, o que suporá un enorme aforro para as arcas locais. Así mesmo, grazas a esta actuación, os puntos de luz que foran apagados co inicio da crise en 2010 poderán volver iluminar camiños rurais, que o goberno local revisará e habilitará segundo as necesidades dos veciños. O alcalde da Estrada, José López, sinalou que “se non hai ningún problema coa recepción de materiais, como luminarias ou cadros eléctricos, actualmente moi sensibles á crise do mercado, a actuación estará rematada a finais do ano". E unha vez que o novo servizo estea en funcionamento, as arcas municipais aforrarán un 70% no consumo eléctrico.
Tamén se reducirá o custo dos cadros eléctricos, xa que pasará de 580 a 370, e “eliminar eses 200 cadros permitiranos eliminar tantos contratos polos que estabamos pagando, duns 30 euros ao mes, polos que estamos falando de 3.000 euros menos ao ano». E isto supón, en palabras do concelleiro, “un aforro enorme”.
López explicou que o ano no que a Deputación pagou máis pola iluminación, o gasto superou o millón de euros. E en 2021 a cifra xa se reduciu considerablemente, xa que as luminarias do centro urbano xa foron substituídas. "Agardamos que con este cambio de luminarias o gasto estea por debaixo dos 400.000 euros", subliñou a concelleira.
Na categoría absoluta de fotografía o gañador foi Daniel Pérez. O galardón foi recollido pola súa nai. Na categoría destinada aos institutos, a gañadora foi Carmen Ruibal, do IES Antón Losada e outorgouse tamén un accésit a Vanessa Agra, alumna do IES García Barros. A curtametraxe premiada foi o madrileño 665 dirixido por Juan de Dios Garduño e está protagonizado por Pablo Chapela, coñecido polo seu papel de Amador en Aquí non hai quen viva. Tanto o director como Chapela enviaron ao festival uns vídeos, que foron proxectados na sala, cos que quixeron expresar o seu agradecemento ao festival. A entrega de premios supuxo a estrea do Salmonstruo, o particular Óscar do Panic, deseñado por Álex Vede. A figura foi entregada aos gañadores xunto coa dotación económica asignada a cada galardón. No acto proxectouse o curto Jow e Jowie realizado por Carlota Torrado, alumna do IES García Barros. Un curto que pretende pór en valor e descubrir o talento estradense.
O Concello da Estrada convocou a próxima semana un pleno extraordinario para facer efectiva a reversión do edificio da estación de autobuses, que xa estaba autorizada pola Xunta de Galicia. Este paso será o punto de partida do goberno local, que quere poñer en marcha un ambicioso proxecto que permita crear na estación a Casa da Xuventude, coa que os colectivos xuvenís levan moito tempo soñando.
“É unha débeda que tiñamos coa mocidade estradense, que tivo que esperar anos para poder armar unha alternativa ambiciosa. Creo que este vai ser un proxecto no que a mocidade participe directamente e co que podemos deseñar ese gran contedor de iniciativas, tanto xuvenís como culturais. Temos moita demanda de espazos axeitados para diversas actividades e creo que este centro pode ser un referente para moitos colectivos”, sinalou o alcalde estradense ao analizar esta iniciativa.
“É un dos proxectos que queremos acometer e trazar este ano. Seguro que a partir do mes de marzo, unha vez rematados algúns dos proxectos que temos entre mans, comezaremos a reunirnos coa asociación Ocionautas, co obxectivo de elaborar un plan funcional, un plan de usos. Trátase de ver como distribuímos este espazo, que conta cuns 2.000 metros cadrados divididos en dúas plantas. É unha estrutura importante, cunha superficie considerable e que imos reformar por completo. Terá a súa zona de cafetería, arriba coas zonas de oficinas e salas de venda, e abaixo coas distintas oficinas”, indicou.
Mentres se vai conformando a nova Casa da Xuventude buscarase financiamento para poder desenvolvela. “Estamos a ver se podemos facelo a través de Edusi ou doutro tipo de fondos. Estamos co radar sempre aceso e con proxectos sempre definidos e maduros para ter máis opcións”.
