A Estrada na Rede

O Museo do Moble e da Madeira da Estrada (MOME) acolleu este venres 28 de setembro, ás 20.30 h, a presentación do conto infantil-xuvenil “Chitón ata a Fin da Terra” publicado por Edicións Fervenza, e da autoría de Ángela Fernández Rey e con ilustracións da veciña de Oca (A Estrada), Anabel Montouto.

No acto, que está aberto ao público ata completar aforo, a autora estará acompañada da ilustradora do libro, Anabel Montouto, do profesor e escritor Carlos Loureiro, do secretario xeral de Política Lingüística da Xunta de Galicia, Valentín García e do alcalde da Estrada, José López.

A obra

Chitón é un pequeno morcego que desexa voar e ver polo día o que hai fóra da súa cova. Coñece a Gavi, unha gaivota a quen convence para que o leve ver os lugares da zona. Esta, mentres lle mostra as marabillas da contorna de Fisterra, Carnota, Cee, as Illas Loberias…, trata de facerlle entender que a súa vida ten que desenvolverse pola noite.

Con este conto, o lector/a poderá subir con Chitón ao lombo de Gavi e gozar desta magnífica excursión onde verá, a vista de paxaro, todo o que eles ven e, cando rematen a lectura, de seguro terá aprendido cousas que antes non sabía.

Colaboracións

Esta publicación, editada por Edicións Fervenza, conta coa colaboración da secretaría xeral de Política Lingüística da Xunta de Galicia.

A autora

Ángela Fernández Rey é natural de Ourense. É Técnica Especialista na rama Administrativa e Comercial. Na actualidade reside no Concello de Ames, moi preto de Compostela onde traballa como funcionaria da Xunta de Galicia.

En 2012 gañou o X premio Pura e Dora Vázquez de narración infantil e xuvenil, da Deputación de

Ourense, co conto “Por que está triste Miañas?”. En 2016 foi unha das 6 persoas gañadoras do Certame Literario de poesía do Concello de Amoeiro coa poesía “O meu mundo”.

Colabora coa Asociación Recreativa e Cultural Os Tilos (Teo), como membro do xurado do certame de poesía ANOMAR.

A ilustradora

Anabel Montouto é natural de Oca, no Concello da Estrada. Dende cativa, a súa vida estivo ligada á arte: debuxar, pintar, bailar, escribir, ler… Sendo só unha nena, coloreaba os libros de debuxos e, dende entón, xa nunca o deixou. Será en 2014 cando comece a súa formación máis específica estudando a licenciatura de Belas Artes, en Pontevedra.

A súa primeira exposición individual tivo lugar en 2015, no Centro Cultural Vista Alegre da Bandeira (Silleda), participando ao ano seguinte, neste mesmo lugar, na mostra colectiva “Dezarte”. Tamén formou parte da exposición “Eu son miña”, no Museo Manuel Torres de Marín en 2016.

No ano 2017 colabora realizando unha ilustración para o poemario Versos e bolboretas (publicado por Edicións Fervenza) de Mónica Varela Gestoso pero será con Chitón ata a Fin da Terra cando se encargue de ilustrar todo un conto.

Aínda hai invitacións dispoñibles para acudir ao espectáculo infantil que a agrupación músico-teatral Odaiko representará o vindeiro domingo 30 de setembro no Teatro Principal. As persoas interesadas poderán recoller as invitacións para a función que comezará ás 18:00 horas na billeteira do Teatro Principal da Estrada momentos antes da función. A obra encargarase de pór en escena a musicalización do libro de María Victoria Moreno, Mar Adiante.

O espectáculo, incluído no programa Ano da lingua da Deputación de Pontevedra e dirixido a todos os públicos, mestura cantigas, música, danza e marionetas nunha travesía na que os asistentes navegarán rumbo á Illa dos paxaros. Os arroaces, o vento do norte, as mareas e as estrelas son protagonistas nunha historia que recrea o conto de Crarisca e Luceiro.

Na tarde de hoxe será presentado para o Concello de A Estrada o documentas «UNHA ESTRADA AO FUTURO».

En Unha Estrada ao futuro están representados los sectores más emblemáticos y con
mayor tradición en la actividad económica estradense, como es el de la madera,, así
como otros con carácter emergente y con un futuro prometedor como son el de la sidra
o la hostelería.
Tal como como se apunta, A Estrada es un templo de la carpintería, es la capital del
mueble y eso queda reflejado en la cantidad de empresas que se dedican a trabajar la
madera y que venden su producto a las mejores empresas del mundo.
De hecho, un árbol, su fortaleza y longevidad, es el mejor simil y el hilo que conduce las
historias de muchas empresas familiares, dedicadas a diversas actividades, que nacieron
en A Estrada y con los años han ido evolucionando, adaptándose al momento actual
innovando y actualizándose.
A estas se unen otras más modernas y que son el fruto de la iniciativa de personas con
ideas y ganas de emprender.
En resume, un documental que habla del presente y del pasado, y lo hace a través del
testimonio de sus protagonistas. Hasta cuatro generaciones de emprendedores están
representados en este video que además de entrevistas, recoge los momentos tiernos
e íntimos, los recuerdos, las lágrimas y las anécdotas acumuladas tras casi dos semanas
de grabación.
De esta manera A Estrada abrió las puertas de sus empresas, sus casas y también sus
corazones a la productora Xurdir. En resumen, una película que dará a conocer a Estrada,
pero también permitirá que A Estrada se conozca a si misma.

As actuacións previstas, que completan as previstas pola Deputación de Pontevedra, centraranse no calmado do tráfico e redución da velocidade para garantir a seguranza de veciños e veciñas en vías cunha alta densidade de tráfico

O BNG da Estrada, a través do concelleiro desta formación política, Xosé Magariños, presenta unha moción para actuar sobre a mobilidade en diversas estradas do noso concello. 

O concelleiro nacionalista explicou que “as actuacións que incorporamos a esta moción son en Santo André de Vea (na EP-8401, no lugar de Ramiráns) e en Guimarei na EP-7001 á altura do Rial e no vial municipal que vai da Fonte da Torre e o recinto municipal no lugar da Torre”.

“Estas actuacións completarán outras previstas polo departamento que dirixe o nacionalista Uxío Benítez na Deputación de Pontevedra en Tabeirós, Ouzande, Alto da Cruz, Santa Cristina de Vea e Souto de Vea, diante do colexio Manuel Villar Paramá”, indicou o concelleiro do BNG. “En todos os casos”, engadiu, “estas actuacións responden a demandas dos veciños e veciñas das parroquias que piden medidas que lles permitan camiñar seguros polas estradas do noso concello”.

“En algún caso”, explicou Magariños, “trátase actuacións sobre vías cunha alta densidade de tráfico e vehículos pesados, como é o caso da estrada Portela – Souto de Vea ou Alto da Cruz – Toedo, nunhas vías estreitas e con casas moi pegadas á vía pública que pon en perigo a veciños e veciñas do lugar”.

Segundo indicou o concelleiro do BNG, “os partidos políticos temos a responsabilidade de mellorar a seguranza e a calidade de vida dos veciños e veciñas. Reducir a velocidade é clave para reducir a sinistralidade especialmente en puntos conflitivos detectados polos propios veciños e veciñas”.

“Estas actuacións, tanto as que vai executar nas próximas semanas a Deputación como as que propoñemos na moción que presentamos desde o BNG”, engadiu Magariños, “centraranse no calmado do tráfico, pois entendemos que unha redución efectiva da velocidade implica tamén unha diminución drástica do número de accidentes”. “O prioritario son as persoas, non os coches”, afirmou o concelleiro do BNG, “e isto é moi importante nun concello como o noso cun elevado número de núcleos de poboación, moi espallados e cunha densa rede de estradas que interconectan parroquias e lugares”.

Por outra parte, o concelleiro do BNG tamén quixo responder á petición que hai uns días formularon os alcaldes da Estrada e de Cuntis, solicitando melloras na estrada Portela-Souto de Vea. Xosé Magariños afirmou que “o alcalde non debe recordar que esa estrada inaugurouna el e Louzán en 2013, e daquela fixo caso omiso á petición dos veciños e veciñas, así como do propio BNG, que instaban a mellorar un trazado sinuoso e perigoso”. “Parece que hai cinco anos non era importante mellorar o trazado, a pesar de que daquela xa tiña as mesmas curvas e a mesma perigosidade que a día de hoxe; en todo caso, dámoslle a benvida ao sentido común, e pola nosa banda traballaremos para que a petición que fai o alcalde ao goberno “inimigo” da deputación sexa unha realidade”, indicou Magariños.

O proceso de participación pública contemplado nas bases dos fondos europeos da Edusi estaba referido ao momento da elaboración da estratexia. De facto, o feito de tela incluído contribuíu a que o proxecto do Concello da Estrada fose un dos máis valorados dos oitenta e tres que se aprobaron na comisión mixta Europa-Ministerio, aclarou esta mañá o alcalde, José López Campos.

Unha das condicións esixidas de cara ao proxecto ditaba que non se financiaban proxectos concretos, senón estratexias, e que esas debían de ser estratexias participativas, dentro dos obxectivos temáticos marcados pola Unión Europea.

Este punto, referente ás estratexias participativas, quedou acreditado por parte do Concello mediante a páxina de consultas que se abriu a ese efecto e coa organización de reunións e talleres que se levaron a cabo no Novo Mercado con diferentes asociacións da localidade, de onde se recolleu a información da que xurdiu a estratexia, e á súa vez, destes procesos de consulta xurdiron proxectos concretos que tiñan que estar aliñados con ela.

Polo tanto, unha vez que está en marcha, non é certo que o Concello teña que dar participación pública neste momento para os proxectos derivados da estratexia, explicou López. O que temos que facer agora é conseguir que os proxectos que saian da estratexia estean aliñados coa mesma e cumpran cos indicadores que cuantificarán as medicións das melloras implantadas.

Estes indicadores medirán, por exemplo o incremento no número de visitas turísticas, a redución da pegada de carbono na localidade ou a redución do consumo eléctrico, entre outros. A partir de agora hai que acreditar que os datos avalan con cifras as melloras na calidade de vida dos veciños que se perseguen con cada unha das actuacións que se están levando a cabo mediante os fondos Edusi, indicou o rexedor local.

“Non estamos obrigados a incluír nin recibir opinión de ninguén”, afirmou, e aclarou que “iso é vontade deste goberno”. É preciso incluír a colectivos e non pensar só a curto prazo, aínda que hai que facelo para construír estratexias de futuro. “En política non hai longo prazo se non actúas sobre o curto”, matizou.

Debido a isto, de cara a Edusi optouse por actuacións con posibilidades de desenvolvemento inmediata, como as de cambio de luminarias e as reformas dos xardíns da Alameda e da Avenida de Fernando Conde, pero sen deixar de lado a parte referida ao medio e longo prazo, onde se contempla como a Edusi pode transformar ou crear as bases dun cambio na mentalidade e no futuro de cara ás persoas. Para intentar acertar nesa estratexia e que sexa duradeira é para o que o Concello quere incluír diversos colectivos que aporten diferentes puntos de vista da realidade social na que viven en representación da sociedade.

A Asociación pola Defensa do Val do Liñares solicita voluntarios medioambientais entre a poboación da Estrada para limpar ríos na XI Limpeza Simultánea “Móllate polos ríos” nalgún dos 51 concellos de toda Galicia que participarán da iniciativa, que se desenvolverá durante o vindeiro domingo 30 de setembro.

As persoas interesadas en participar neste proxecto de voluntariado medioambiental e de concienciación social deberán anotarse á actividade no número de teléfono 626768826 e presentarse ás 11:00 horas da mañá do domingo diante da igrexa de Lagartóns; lugar de encontro da comitiva. Os voluntarios desprazaranse polos seus medios ata os puntos de limpeza.

Os menores de idade deberán ir acompañados dun adulto á actividade, que rematará, previsiblemente, entre as 13:30 e as 14:00 horas, segundo informaron fontes da organización, que advertiron que os participantes teñen que levar roupa e calzado axeitados para andar pola beira do río. As luvas para os participantes e as bolsas e sacos para recoller o lixo apórtaos o Concello da Estrada, que colaborará na actividade retirando o lixo recollido polo voluntariado.

Os voluntarios serán agasallados cunha camisola co lema do Proxecto Ríos; un programa de educación e voluntariado ambiental que ten a finalidade de dar a coñecer o papel dos cursos fluviais, amosar as súas problemáticas e o xeito de fomentar iniciativas que permitan á cidadanía o mantemento e a mellora destes.

O director xeral de Orientación e Promoción Laboral da Consellería de Economía, Emprego e Industria da Xunta de Galicia, José Alfonso Marnotes González, visitou hoxe A Estrada para por en valor o PIE (Programa Integral de emprego) porque “está funcionando ben”; conta cunha inserción laboral elevada que indica que os recursos se están xestionando de maneira eficiente.

Marnotes fixo fincapé na necesidade de apostar polo talento e de por en contacto ás persoas á procura de traballo coas empresas que o demandan, de forma que se lles poidan subministrar ás empresas eses recursos humanos que solicitan. Tamén quixo deixar claro a importancia que ten a día de hoxe non deixar de formarse e aprender a cada paso e subliñou a importancia da ensinanza a distancia, insistindo en que os cursos online tamén ofrecen capacitacións homologadas que resultan interesantes para as empresas.

Seguindo na liña do talento, asegurou que o obxectivo do programa non é outro que capacitar ás persoas participantes das destrezas precisas para a vida laboral e que sentar xuntas a persoas e empresas é o camiño a andar para crear un futuro.

Neste punto coincidiu o representante da Asociación de Comerciantes da Estrada (ACOE), Alfonso Uzal, que salientou que para o colectivo é unha honra colaborar coa intermediación laboral entre o PIE e as case 400 empresas asociadas coas que contan, coa finalidade de por en contacto ás partes.

O director xeral volveu a tomar a palabra para sinalar que ademais deste contacto a chave para permanecer no mercado laboral é a formación, que ten que ser a axeitada e requirida polas empresas, polo que lembrou que dende o ano pasado se puxo en marcha o Programa de Unidades Formativas; un programa que tamén habería posibilidade de implantar no concello no futuro no cal son as empresas as que imparten formación “á carta” aos participantes e os forman para desenrolar as funcións que levarían a cabo dentro da propia empresa. Este programa xa conta con máis de 50 unidades formativas en Galicia, no que a Xunta asume a totalidade do custo da formación, pero polo que as empresas se comprometen a asegurar unha inserción mínima do 40 por cento dos aspirantes.

Pola súa parte, o alcalde da Estrada, José López Campos, lembrou que este é o terceiro Programa Integral de Emprego no que participa o Concello e que se apostou por el nun momento no que non foi doado facelo, xa que o programa supón un custo de 200.000 euros que o Concello tería que abonar á Xunta se non se cumprise a cota de inserción. Non obstante, explicou que o programa resultou un éxito e que nalgunha edición case se duplicou esa cota de inserción, polo que sinalou que se pode deducir que os técnicos do Concello están facendo as cousas ben.

Ademais afirmou que xa se solicitou o cuarto PIE para cumprir o obxectivo de que calquera persoa que queira acceder ao mercado laboral poda facelo e indicou que o Concello ofrecerá proximamente novas alternativas e posibilidades complementarias a esta como son o obradoiro de emprego e os dous cursos AFD que están por comezar.