A Estrada na Rede

A formación dirixida á persoas en situación de desemprego e empadroadas na Estrada forma parte das accións enmarcadas dentro do plan de formación propio do Concello da Estrada para o ano 2018 e a súa realización supedítase a que foi unha das accións formativas máis demandadas polas persoas que achegaron suxerencias de formación ao abeiro da convocatoria que o departamento de emprego fixo público nas pasadas semanas. A formación é un dos piares básicos das políticas activas de emprego impulsadas desde a nosa administración. conscientes da impronta necesidade dunha maior cualificación profesional que require o actual mercado de traballo. Como novidade esta formación inclúe ademáis da capacitación para exercer as profesións de acompañante de transporte e comedor escolar, a obtención do certificado de manipulador de alimentos. A empresa adxudicataria da formación será a consultora Sinerxia, a cal aportou a oferta máis vantaxosa. A formación terá un carácter presencial e unha duración total de 16 horas, a desenvolver en catro sesión previsiblemenenta na primeira quincena do mes de abril. O concello da Estrada subvencinará o curso , sendo o prezo por alumno de 67€ dos cales o concello asumirá máis do 50%, quedando o custe total por persoa en 30 €. A adxudicación das prazas realizarase por rigurosa orde de inscrición tendo prioridade as persoas que xa se anotaran na edición anterior e que quedaron na listaxe de reserva. As persoas interesadas en inscribirse deben enviar unha mensaxe ao enderezo electrónico aedlestrada@gmail.com facendo constar os seus datos persoais, documento nacional de identidade e un teléfono de contacto. * Nota importante: Só se terán en conta as solicitudes que se acheguen a este enderezo electrónico. Para recibir máis información poden poñerse en contacto co departamento de emprego da Fundación Cultural no teléfono 986 570 997.

O departamento de Servizos Sociais do Concello da Estrada prégalle ás persoas que durante estes dous días recolleron os anexos para solicitar praza na escola infantil A Galiña Azul neste departamento que pase  a recoller uns formularios novos, xa que os que se entregaron ata ese momento son erróneos. Así no formulario correcto no Anexo I na parte superior no apartado de procedemento debe figurar Novo ingreso en Escola Infantil 0-3 do Consorcio Galego de Servizos de Igualdade e Benestar e o código de procedemento é BS404A.

Pódese obter máis información, e tamén descargar os formularios para realizar as solicitudes, no Diario Oficial de Galicia (DOGA), do pasado venres, día 9 de marzo.

A Banda de Música Municipal da Estrada ofrece o sábado o seu I Concerto de Solistas. A cita será ás 20.30 horas no Teatro Principal. Baixo a dirección de Javier Comesaña actuarán catro solistas, pertencentes todos á agrupación estradense. O concerto será de balde e as invitacións xa se poden recoller no Conservatorio, tanto pola mañá como pola tarde, así como no departamento de Cultura, sito no segundo andar do Concello, en horario de luns a venres de 09.00 a 14.00 horas.

“Será un concerto de solistas da banda acompañados pola propia banda e terá unha duración dunha hora”, comenta o director Javier Comesaña. Os solistas que darán a coñecer o seu talento serán: Santiago Gómez Fuentes (trompeta), Rubén Calviño Maceiras (tuba), Bernardo Rey García (bombardino) e Javier Comesaña Davila (saxofón barítono). Todos son músicos profesionais, tal e como apunta o director da banda, que remarca que “este primeiro concerto de solistas serve para dar a coñecer e potenciar o material que temos aquí na banda e é importante destacar que serán todas obras de estrea”.

Este concerto completa a programación cultural Primavera no Principal que está fin de semana comeza xa o venres coa representación da traxicomedia O tolleito de Inishmaan da compañía de teatro Contraproducións. Neste caso, as entradas teñen un prezo de cinco euros e poden adquirirse tamén no  departamento de Cultura ou a partir das 20.15 h, no despacho de billetes do teatro. O espectáculo dará comezo ás 21.00 horas.  

O director xeral de Emerxencias e Interior, Luis Menor, acompañou hoxe a alcaldes da Comunidade Intermunicipal da Rexión de Coimbra a unha visita polas instalacións da Academia Galega de Seguridade Pública (AGASP) e do Centro Integrado de Atención ás Emerxencias (CIAE 112).

Durante a súa visita, ofrecéuselles información sobre como funciona o sistema galego de protección civil e emerxencias e a formación que se imparte aos distintos grupos que actúan nestas situación. Ademais, mostróuselles nas instalacións do CIAE a organización e funcionamento do centro, así como os protocolos de mobilización.

O CEIP de O Foxo recibe a visita de Ponlle as pilas ao teu bocata promovido pola Xunta de Galicia, un obradoiro destinado os alumnos do centro para promover o consumo de productos en conserva principalmente peixe e marisco.

Este obradoiro enmarcase dentro da campaña escolar, promovida pola Consellerí do Mar da Xuta de Galicia.

🌷 PRIMAVERA NO PRINCIPAL 🌼
Como nos solicitastes algúns/has, para que vos poidades organizar ben, aquí tedes a relación de actividades que teredes no Teatro Principal ata o mes de maio.
Como sempre, iremos avisando semanalmente para que esteas ao tanto 😉

Marzo

👉 Venres 16 / 21.00 h
O TOLLEITO DE INISHMAAN
Contraproducións

👉 Sábado 17 / 20.30 h
CONCERTO DE SOLISTAS
Banda Municipal da Estrada

👉 Venres 23 / 21.00 h
ANTÍLOPEZ

Abril

👉 Venres 6 / 21.00 h
ESTADO DE GRAZA
Teatro do Noroeste

👉 Sábado 7 / 12.30 h
SHERLOCK HOLMES
Cayetano Lledó

👉 Venres 13 / 21.00 h
MR KEBAB
Joan Strader

👉 Sábado 14 / 20.30 h
DEXTRUM ENSEMBLE EN CONCERTO

👉 Domingo 15 / 17.30 h
OS LÓSTREGOS E MARIETTA EN CONCERTO

👉 Venres 20 / 21.00 h
RACLETTE
Ibuprofeno Teatro

👉 Sábado 21 / 22.00 h
RUBÉN POZO (PEREZA) EN CONCERTO

👉 Sábado 28 / 20.30 h
DEPARTAMENTO DE SELECCIÓN
Disfunción Continua

Maio

👉 Venres 4 / 21.00 h
BICOS CON LINGUA
Talía Teatro

👉 Sábado 5 / 12.30 h
O LOBO E A LÚA
Baobab Teatro

👉 Sábado 5 / 20.30 h
CONCERTO DE PRIMAVERA
Banda Municipal da Estrada

👉 Venres 11 / 21.00 h
MANOELE DE FELISA EN CONCERTO

👉 Mércores 16 / 21.00 h
ÓSCAR IBÁÑEZ TRIBO EN CONCERTO

👉 Venres 18 / 21.00 h
LES ARTUANS

👉 Domingo 20 / 19.00 h
CORAL POLIFÓNICA ESTRADENSE

👉 Mércores 23 / 20.00 h
FESTA DAS PALABRAS

                       A execución levarase a cabo por un importe de 155.000 euros

A xunta de goberno da Estrada adxudicou, este mediodía, o contrato de obra ‘Pavimentación en Rubín, Berres, Santa Cristina de Vea, San Xurxo de Vea e Parada’ á firma Construcións, Obras e Viais S.A. (Covsa)  por un importe de 155.111, 99 euros co IVE incluído, o que supón ao redor de  85.000 euros menos que o presuposto de licitación. Presentáranse ao proceso seis empresas.

O importe base da licitación era de 239.999,99 euros con IVE incluído e o período de execución marcado é de dous meses. As actuacións consistirán na limpeza de foxos, varrido superficial de firmes existentes e instalación de novas capas de rodadura. Ademais, realizarase un bacheo previo en todas aquelas vías que o precisen.

Concretamente, os camiños que beneficiará esta actuación serán: en Rubín entre o Carballal e Cereixo, en Porto (Berres), entre Ulla e Porto (Berres), en Nogueira (Santa Cristina de Vea), en Loureiro de Abaixo (San Xurxo de Vea) e entre o cruce Entrecastelo e Vilademeus (Parada).

Durante os vindeiros meses, ademais destes asfaltados, levarase a cabo outros tantos no rural cun investimento total duns dous millóns de euros.