A Estrada na Rede

 Os tres porquiños, O Musical, de Cía Educa Teatro, e Cuento de
Navidad son as propostas para o período de Nadal.

O Concello da Estrada, a través da área
de Cultura, informa de que este vindeiro luns 13 de novembro poranse á venda
as entradas para os espectáculos familiares de Nadal: ‘Os tres porquiños’, ‘O
Musical’, de Cía Educa Teatro, e ‘Cuento de Navidad’ da compañía madrileña
La Bicicleta.
‘Os tres porquiños’ terá lugar o mércores 27 de decembro ás 17.30 horas
cun custo por entrada de 6,00 euros. Poderanse retirar no departamento de
Cultura ou a través da plataforma ataquilla.com.
Con respecto ao espectáculo ‘Cuento de Navidad’, celebrarase o 2 de
xaneiro en dobre función, 17:30 e 19:30 horas, cun prezo por entrada de
7.00€.
Por outra banda, xa se esgotaron as entradas para o espectáculo deste venres
Santa Inés.
O vindeiro luns comezaranse a despachar as entradas do espectáculo As
alumnas de Culturactiva Producións, a un prezo de 3.00€.

 Luis López indicou que ao mesmo tempo haberá concentracións
nas 52 capitais de provincia de toda España
 “O domingo 12 ás 12h todos os cidadáns españois concentrarémonos
para defender a igualdade e a dignidade de España”, indicou López

O presidente do PP provincial de Pontevedra,
Luis López, acompañada da secretaria xeral, Luisa López e das representantes da
provincia no Congreso e no Senado, Ana Pastor e Nidia Arévalo, respectivamente,
animou hoxe aos pontevedreses a participar na concentración que terá lugar este
domingo 12 de novembro ás 12.00h na Praza de Peregrina.
“O domingo 12 ás 12h todos os cidadáns españois concentrarémonos para defender a igualdade e
a dignidade de España”, indicó u López. .Fixo especial fincapé en que non se pode permitir
que a costa de poder seguir na cadeira do Goberno, Pedro Sánchez estea levando a España a
unha completa deriva cos seus pactos e acordos cos socios independentistas e comunistas.
“Todos unidos, todos xuntos temos que deixar ben claro que non todo vale. Non imos quedar
calados e non imos olerar semexante despropósito. Non nos imos quedar quietos e consentir que
se leven a cabo aberracións deste calibre”, destacou Luis López.
Nesta mesma liña, recalcou que o Partido Popular non está disposto a aceptar as cesións de Pedro
Sanchez ante o independentismo en nome do noso país. E animou a todos os cidadáns a que o
domingo dende Pontevedra se diga moi claro ao Goberno de España que non á amnistía e si á
defensa pola igualdade e a dignidade de España.
“Pedro Sánchez está traspasando liñas vermellas e non o imos consentir. As súas
decisións están provocando a indignación e a vergoña dun país entero con decisións
inaceptables, inexplicables e moi difíciles de dixerir por parte de todos os españois”,
concluíu Luis López.

O suceso aconteceu nunha das instalacións de Explotaciones Porcinas Tato S.L.,
onde as lapas causaron a morte dos animais O custo das perdas oscila entre os
180.000 e os 200.000 euros

Un total de 200 porcos faleceron onte nun incendio rexistrado nunha das cinco granxas de
Explotaciones Porcinas Tato S.L. si tuadas na parroquia de Callobre (A Estrada).
Segundo informaron desde o 112 Galicia, pouco antes das 10.00 horas activouse a alerta
cando o 061 avisaba de que se dirixía a esta granxa, aínda que finalmente ninguén precisou
asistencia médica. No operativo tamén interviron os membros do GES da Estrada e os
Bombeiros do Deza para facer frente ao lume, que a maiores da morte porcina, causou
danos no tellado da nave e na instalación eléctrica. Ademais dos axentes da Guardia Civil,
acudiu unha patrulla da Policía Local, que situou a orixe das lapas nunha nave colindante.
Segundo o dono de Explotaciones Porcinas Tato S.L, José Rafael Tato, a causa está nuns
traballos de soldadura que se estaban a facer e «todo su cedeu dunha forma moi rápida. En
10 minutos».
A granxa afectada contaba con máis de 200 porcas preñadas de selección xenética, polo
que o incendio supuxo a perda da maioría delas preto dun 85%, e os supervivintes
quedaron en moi mal estado, polo que teranse que sacrificar e mesmo «algúns foron
morrendo ao longo do día debido as feridas», afirmou José Tato.
A pesares da importante perda, o dono de Explotaciones Porcinas Tato S.L. asegura que
puido ser peor, xa que só se viu afectada unha das cinco granxas. Todas elas suman un
total de 3.000 animais, «entre leitóns e porcos».
BALANCE. O impacto económico das instalacións afectadas, das que se salvan a
estructura do tellado, fiestras e pouco máis, era onte imposible de calcular para José Tato,
pero as perdas que supoñen os animais mortos estima que oscilarán entre os 180.000 e os
200.000 euros. Nos vindeiros días, a empresa valorará o total da cuantía que deberá
afrontar.
Tato recibiu onte o apoio dos compañeiros doutras granxas da zona e tamén de asociacións
gandeiras. A súa explotación leva máis de 45 anos no sector adicada a cría da produción de
carne de porco, polo que é moi coñecida na comarca do Deza.

 O Concello fixo públicas as bases do XXVIII premio de poesía
Avelina Valladares, do XXXVI certame de novela Manuel García
Barros e do IV premio de álbum ilustrado Alberte Quiñoi.
 Os orixinais que concorran aos tres certames deberán presentarse
antes do 24 de febreiro do 2024.

O Concello da Estrada dálle
continuidade á súa aposta pola promoción e creación de contidos culturais coa
convocatoria de tres certames para o ano 2024.
Deste xeito, xa foron publicadas na páxina web municipal as bases da trixésimo
sexta edición do premio de novela ‘Manuel García Barros (Ken Keirades)’, do
vixésimo oitavo certame poético ‘Avelina Valladares’ e da cuarta edición do
premio de álbum ilustrado ‘Alberte Quiñoi’.
Os orixinais que concorran ao premio de novela Manuel García Barros,
promovido conxuntamente coa Secretaría Xeral de Política Lingüística da
Xunta de Galicia e a Editorial Galaxia, optarán a unha dotación económica de
9.000 euros, outorgados nun único premio, e á publicación da obra por parte da
Editorial Galaxia.
A resolución do xurado producirase ao redor do 11 de abril de 2024, efeméride
do pasamento de Manuel García Barros.
No caso dos textos presentados á XXVIII edición do Premio de Poesía Avelina
Valladares, promovido coa finalidade de preservar o cultivo da lingua galega e
a figura da vida e obra da poeta estradense, deberán contar cun mínimo de 300
versos e cun máximo de 800. O orixinal vencedor recibirá unha contía de 2.000
euros.
Pola súa parte, a cuarta edición do premio Alberte Quiñoi de álbum ilustrado,
convocado polo Concello da Estrada co apoio da Secretaría Xeral de Política
Lingüística da Xunta de Galicia e a colaboración da Editorial Galaxia, terá un
premio único de 4.000 euros para a obra vencedora, que será tamén publicada
pola editorial Galaxia.
O prazo máximo para a presentación de obras dos tres certames será o 24 de
febreiro de 2024. As persoas que desexen máis información poderán consultar
as bases dos certames na web municipal en aestrada.gal

O edil de Cultura, Juan Constenla, sinala que “a través da promoción destes
certames dámoslle continuidade non só á nosa aposta pola creación e
divulgación de contidos culturais senón tamén á preservación da vida e obra de
figuras cruciais para a cultura estradense e galega”

● O arquitecto foi premiado polo seu artigo ‘A revolución tranquila’,
publicado nos xornais La Voz de Galicia e Faro de Vigo.
● Na vixente edición concorreron 34 traballos de 12 autores e autoras.
● A entrega do premio realizarase este venres, 10 de novembro.

O Concello da Estrada anunciou hoxe o
fallo do xurado da vixésimo oitava edición do premio xornalístico Manuel
Reimóndez Portela, sendo o arquitecto Carlos Henrique Fernández Coto o
galardoado grazas ao seu artigo ‘A revolución tranquila’.
O xurado, presidido polo edil de Cultura, Juan Constenla Carbón; estivo
integrado por Victoria Reimóndez Sanmartín, en título de Secretaria; José
López Vilariño, María del Carmen Vieites Conde, Enrique Otero Fernández e
Juan Andrés Fernández Castro.
O tribunal proclamou vencedor por unanimidade o artigo xornalístico titulado A
revolución tranquila, publicado nos diarios La Voz de Galicia e Faro de Vigo
pola súa actualidade e vixencia na temática, a obra de reurbanización da
contorna do campo da feira da Estrada, así como polo esforzo do autor en
facer comprensible para un público non especializado o alcance e significado
da intervención.
Do mesmo xeito, o xurado mostrouse satisfeito pola cantidade e calidade dos
artigos recibidos, xa que na presente edición concorreron 34 artigos de 12
autoras e autores.
A entrega do premio realizarase o vindeiro venres, 10 de novembro.

O Concello de Estrada, a través da área de Cultura, habilitou unha nova canle de difusión para achegarlle a axenda de eventos culturais á veciñanza e a todas as persoas interesadas en recibir estas comunicacións.

 Segundo avanzou a conselleira, Ánxeles Vázquez, na súa visita o
obxectivo do goberno autonómico é avanzar nos traballos previos e
na redacción de todos os proxectos necesarios para que en 2025 se
poidan iniciar sobre o terreo as obras de urbanización.
 A partida orzamentaria reservada pola Xunta para este parque en
2024 ascende a preto de 400.000 euros, uns fondos cos que se
financiarán os traballos de redacción de PEOSE e dos proxectos de
urbanización e expropiación necesarios para acometer a ampliación.
 O alcalde, José López, sinalou que “esta é unha magnífica nova para
o noso municipio, posto que coa ampliación do parque empresarial
gañaremos unha gran capacidade á hora de atraer a novos proxectos
empresariais á Estrada”.

A Xunta de Galicia ten previsto
adxudicar a próxima semana a redacción do Plan de ordenación de solo
empresarial e do proxecto de urbanización para a ampliación do polígono de
Toedo, que aumentará en 162.000 metros cadrados a súa superficie,
duplicando así a súa capacidade.
Así o anunciou a vicepresidenta segunda e conselleira de Medio Ambiente,
Ánxeles Vázquez, que durante esta mañá realizou unha visita xunto ao
Concello da Estrada acompañada polo delegado territorial da Xunta en
Pontevedra, Agustín Reguera.
Durante a visita, o alcalde da Estrada, José López Campos, agradeceu o
"compromiso" da Xunta co proxecto de ampliación do polígono de Toedo. O
rexedor sinalou que se trata dunha "actuación histórica" coa que se converterá
A Estrada nun catalizador para o asentamento de novas empresas e a xeración
de máis postos de traballo.
Segundo indicou o rexedor “esta é unha magnífica nova para o noso municipio,
posto que coa ampliación do parque empresarial gañaremos unha gran
capacidade á hora de atraer a novos proxectos empresariais á Estrada,

incrementando así novos postos de traballo e mellorando a economía en toda a
comarca”.
López Campos apuntou que ao proceso de aumento da superficie do parque
industrial hai que sumar, ademais, a próxima disposición da autovía AG-59, que
unirá Santiago e A Estrada de balde e garantirá a conexión entre ambos os
lugares en dez minutos. O primeiro edil incidiu en que esta novidade será "un
novo aliciente para que novas compañías e firmas decidan situarse na Estrada
A conselleira, pola súa banda, puntualizou que “o obxectivo é avanzar nos
traballos previos e na redacción de todos os proxectos necesarios para que en
2025 se poidan iniciar sobre o terreo as obras de urbanización”.
O crecemento do polígono empresarial de Toedo está previsto na segunda
modificación do Plan sectorial de ordenación de áreas empresariais de Galicia,
que impulsa a Xunta de Galicia.
A partida orzamentaria reservada pola entidade autonómica para este parque
en 2024 ascende a preto de 400.000 euros, uns fondos cos que se financiarán
os traballos de redacción de PEOSE e dos proxectos de urbanización e
expropiación necesarios para acometer a ampliación.