A Estrada na Rede

O pasado Domingo o Partido Popular realizaba un mitin Central no Teatro Principal coa intervención do alcalde, José López, o vicepresidente da Xunta de Galicia, Alfonso Rueda, que acompañaron a Ana Pastor.

Tamén asistiron representantes do partidos dos demais concellos do Deza e Tabeirós Terra de Montes.

Xa no mediodía do mércores o PSdeG realizou un reparto de folletos pola feira, no que participaron os candidatos ao congreso Guillermo Meijón e Belén Louzao, e o candidato á Xunta de Galicia, Xaquín Fernández Leiciaga.

Posteriormente realizaron unhas declaracións:

Na noite do Mércores foi o turno do BNG-Nós Candidatura Galega cun Mitin na Sala Gradín no que interviron Susana Camba (consello local), Xosé Magariños (concelleiro e
candidato ao Congreso), Antón Álvarez Merayo (candidato ao Senado) e Miguel Anxo Fernández Lores (alcalde de Pontevedra).

A Estrada perde auga a tres días de empezar as festas

A Estratexia do alcalde pasa por botar balóns fóra e descargar a súa responsabilidade noutras administracións

A Estrada levantouse hoxe, -unha vez máis-, coa traída perdendo auga na Avenida Benito Vigo e centos de veciñas e veciños sen auga corrente nas súas casas, e todo isto ocorre a tres días do inicio das festas patronais.

O concelleiro do BNG, Xosé Magariños, manifestou que “está claro que o goberno municipal é incapaz de solucionar os problemas que ten a traída da Estrada, tanto polas perdas que ten como polo pésimo servizo que ofrece, como denunciaron hai uns días as veciñas e veciños de Bouza Brey”.

Para o nacionalista “non estamos a falar dun feito illado, non é a primeira vez que ocorre este tipo de roturas na traída, e case sempre no mesmo sitio, o que demostra que o goberno do PP non sabe atallar o problema, e adícase a poñer parches no canto de atacar o problema de raíz”.

“Porén,” engadiu Magariños, “a estratexia do alcalde pasa por botar balóns fóra, e Sigue leyendo →