A Estrada na Rede

Aínda que coñecemos a sentenza polo que sae reflectido nos medios de comunicación, o proxecto da Cidade do Moble cae por erros na tramitación administrativa, non porque supoña un perigo medioambiental para o entorno do Val do Liñares como sostiñan algúns colectivos. Agardamos que esta sentenza non sexa o preludio doutra que anule o PXOM, que tamén ten defectos de tramitación administrativa, tal e como denunciamos no BNG.

Respectamos a sentenza xudicial, pero non deixa de supoñer un mazazo importante, non só para o sector do moble, senón para o revulsivo económico que podía chegar a ser a Cidade do Moble, así como de xeración de emprego.

Neste sentido cómpre unha explicación por parte da Xunta de Galiza, responsábel da Sigue leyendo →

O grupo municipal socialista non tivo acceso á literalidade da sentenza do Tribunal Superior de Xustiza de Galicia (TSXG) relativa ao Proxecto Cidade do Moble. Non obstante, se tal e como recollen os medios de comunicación o fallo do TSXG anula o proxecto en base á existencia de importantes erros na tramitación administrativa do expediente a Xunta e o Goberno municipal, o presidente Feijoo e o alcalde López Campos, como responsables da tramitación, deben dar explicacións a todos os estradenses.

Agardamos a convocatoria inmediata dunha comisión informativa, na que se traslade aos restantes grupos da corporación municipal que accións vai adoptar o goberno da Estrada e da Xunta ao respecto, e na que estudiar as implicacións deste fallo cos técnicos municipais, tanto dende o punto de vista legal como de desenvolvemento urbanístico, e as consecuencias e implicacións para os veciños e empresas afectados por este proxecto. De non convocarse de urxencia dita comisión, dende o grupo socialista, amparados na lei de procedemento, forzaremos dita reunión de traballo rexistrando unha petición formal en Sigue leyendo →

O PSOE de A Estrada fixo valoración dos presupostos da Xunta para o vindeiro ano a través do seu secretario xeral, Xosé Antonio Dono, acompañado de Luís Rendo e Manuel Fernández, edís socialistas.

Dono cre que estes presupostos soamente manterán á Estrada “en caída libre” ao non destinarse fondos para infraestruturas e solo industrial.

Os socialistas tamén votan de menos inversión para o Centro de día e a Fundación, que ante esta carencia de apoios cren que estará condenada a desaparecer.

O único positivo para á Estrada destes presupostos según o secretario xeral é a inversión para a gardería que cre que pode chegar a bo fin e acabar coa demanda de prazas para a gardería municipal actual. Tamén considera positiva a inversión para a sede do 112 aínda que non cre que este traslado sexa útil para á Estrada.

Este mes os nacionalistas estradenses presentaron un boletín informativo, que repartiron pola rúa, e que publicaran mensualmente para trasladarlle a cidadanía o seu traballo no concello.

O boletín denominado “Tes que sabelo!” contou nesta primeira impresión con 500 exemplares en branco e negro para minorar custes. Nesta edición o BNG aborda temas como a seguranza vial, contaminación de ríos, a demanda de apertura do museo Reimóndez Portela e a preparación dun magosto Samaín para o vindeiro 30 de outubro.