A Estrada na Rede

A falta de sinalización na zona de carga e descarga do muelle deixa ao profesionais do sector sen espazo para realizar o seu traballo 

A falta de planificación e a improvisación como forma de xestión segue a ser a nota que define a actuación do goberno do alcalde José López no que á praza de abastos e ao seu entorno se refire. Son agora os profesionais os que denuncian o caos que se chega a dar ante a imposibilidade de empregar o muelle de carga e descarga posto que a maioría das veces se atopa o espazo destinado a tal fin ocupado por vehículos particulares.

Fai máis dun ano que se realizaron as obras de arranxo do entorno da Praza de Abastos, sen embargo en todo este tempo o goberno municipal non se preocupou de sinalizar. A actual situación conleva malestar nos profesionais do sector véndose culpados dun caos na circulación do que para nada son responsables, así mesmo, tamén xera confusión entre os particulares ao aparcar en zonas nas que non está claro se o poden facer ou non. Este problema increméntase en horario de mañá, sobre todo os mércores e o sábado, Sigue leyendo →

A urbanización dos terreos disparará os custes da ampliación da Alameda

«Se o alcalde fai unha consulta popular para recoller ideas para ampliación da Alameda, primeiro que faga unha consulta para saber se os veciños e veciñas da Estrada queren ampliala», afirmou o concelleiro do BNG, Xosé Magariños ante as noticias que recolleron onte na prensa local sobre o inminente inicio da expropiación dos terreos.

«Hai que ter en conta que 1.600.000 euros son só para facerse cos terreos», afirmou Magariños, «e a urbanización disparará os custes dun proxecto de dubidosa utilidade para os veciños e veciñas da Estrada». «O alcalde comete unha grave irresponsabilidade ao querer hipotecar as contas do concello cun proxecto que non ten claro que facer con el nin que contidos vai ter», sinalou o concelleiro nacionalista, «e non é de recibo endosarlle esa
decisión aos veciños e veciñas da Estrada».

O concelleiro nacionalista insistiu en que «o primeiro que ten que facer o alcalde é poñer enriba da mesa os custes reais de todo o proxecto e logo preguntar á cidadanía se lle

Dende a Agrupación Socialista da Estrada gustaríanos publicar unha
lembranza a Ildefonso Puente Nodar, presidente da Agrupación falecido hai dous días.

UN HOME EXCEPCIONAL: ILDEFONSO PUENTE 

Onte na Estrada despedimos a Ildefonso Puente, un amigo que deixou en todos os que compartimos con el algún momento da súa vida unha fonda pegada. Ildefonso é unha desas persoas que gañou o respecto dos demais coa súa coherencia e sabedoría da vida.

Carpinteiro de profesión nunca se conformou con deixar pasar o tempo e converteuse, dende a modestia, nun referente na loita social na Estrada. Dende as súas férreas convicións socialistas soportou represalias, persecucións e acoso, sempre sen renunciar ás súas ideas, e entregando aos demais, gran a gran, o seu esforzo na loita a prol da consecución de avances en materia laboral e de dereitos sociais.

Sen dúbida ao longo dos seus 98 anos fixo moitos camiños, con milleiros de paradas de reflexión e diálogo, con momentos para escoitar e ensinar, pero sempre con gañas de apoiar na batalla a favor dos máis débiles. Conversador apracible e sereno será sempre un referente para o socialismo na Estrada. O seu compromiso férreo, a súa sabedoría e experiencia guiáronnos como socialistas na Estrada moitos anos, inda que como el diría, sempre entre compañeiros porque non se pode deixar a ninguén polo camiño.

Home de saberes e coñecementos, incansable lector na busca de oportunidades de mellora e respetuoso como o que máis, sen dúbida algunha, Ildefonso é unha PERSOA EXCEPCIONAL, e un referente para todos. Onte dixémoslle adeus, pero a súa presenza manterase sempre na familia socialista. Gracias Ildefonso por deixarnos aprender de ti.

José Antonio Dono López

Secretario Xeral da Agrupación Socialista da Estrada