A Estrada na Rede

No canto da Casa das Letras haberá que chamarlle a Casa das Chapuzas

O portavoz municipal do BNG, Xosé Magariños, acusou hoxe ao goberno municipal do PP de “incumprimento grave da normativa de emerxencia na Casa das Letras”, en concreto polas portas de emerxencia que instalou o PP.

Segundo explicou o concelleiro nacionalista “as portas de emerxencia teñen que abrir cun simple empurrón, e o que hai na Casa das Letras, non só ten un pestillo normal e corrente, senón que se poden fechar con chave, e unha das follas da porta ten uns pasadores botados, algo que está prohibido por lei”.

Por outra parte o concelleiro do BNG acosou ao alcalde de “deixadez total por ter aínda Sigue leyendo →

Os nacionalistas rexistran iniciativas no Congreso e no concello demandando medidas de seguranza no último tramo da Avda Benito Vigo en dirección Lalín

O BNG leva ao Congreso a mellora da seguridade vial no último tramo da N-640 en dirección Lalín, á altura do enlace coa PO-2016 que leva á parroquia de Guimarei, Cereixo e Vinseiro e que leva tamén a Forcarei.

“Non foron poucos os veciños e veciñas que se puxeron en contacto co BNG para demandar melloras nese tramo da estrada, ao final da Avda Benito Vigo”, explicou o portavoz municipal dos nacionalistas, Xosé Magariños. “Hai que ter en conta”, engadiu, «que os vehículos alcanzan unha velocidade considerábel logo dunha recta cunha pronunciada pendente, e é un tramo onde periodicamente hai accidentes, especialmente na rotonda das Colonias”, engadiu.

“Con esta iniciativa que rexistramos no Congreso”, explicou, “pretendemos que o goberno central implante medidas de seguranza vial nese tramo (bandas rugosas, semáforos, etc) Sigue leyendo →