En setembro do pasado ano os Xenerais da ulla foron declarados Festa de Interese Turístico de Galicia. O sábado, no Museo do Pobo Galego, recoñeceuse o traballo realizado polas parroquias onde se celebra este Entroido Tradicional pertencentes aos concellos de A Estrada, Santiago de Compostela, Silleda, Teo, Touro, Vedra e Vila de Cruces.
No acto presidido pola directora de Turismo da Xunta de Galicia, Nava Castro, entregouselle unha figura de Sargadelos representando un Xeneral a representantes de todas as parroquias participantes no Entroido.
Tamén asistiron á homenaxe alcaldes dos concellos, o Secretario Xeral de Política Lingüística, Valentín García, e en representación do concello de A Estrada os concelleiros Lucía Seoane e Juan Constenla, este último foi o encargado de facer entrega dos galardóns aos representantes das parroquias estradenses, sendo o concello con máis representación con Santa Cristina de Vea, Santeles, Arnois, Cora, Paradela e Couso.
Finalizado o acto inaugurouse unha exposición de fotografías do Entroido da Ulla que se pode ver durante estos días no Museo do Pobo Galego.
Redacción e fotografía: Iria Eiras
