A Estrada na Rede

Rematada a suspensión dos recibos do IBI de Lagartóns os veciños e veciñas están preocupados polo silencio do alcalde

Magariños instou ao alcalde a dar a cara e explicar claramente se vai dar solución a esta cuestión ou vai sacarse da manga outra distracción até pasar o día das eleccións

Veciños e veciñas con propiedades nos terreos afectados polo proxecto da Cidade do Móbel amosaron a súa preocupación ao BNG polo remate da suspensión da emisión dos recibos do IBI relativos ás fincas incluídas neste proxecto sectorial.

Segundo explicou o concelleiro nacionalista “a suspensión rematou o 11 de febreiro deste ano e a día de hoxe os veciños e veciñas descoñecen que vai pasar agora”. “Os propietarios”, engade, “seguen a reclamar que os terreos sexan cualificados como de natureza rústica a efectos catastrais, xa que a día de hoxe, e visto a lentitude do PP para construír o polígono da Cidade do Móbel, eses terreos son rústicos e non industriais”. Sigue leyendo →

Na mañá de onte o rexedor estradense, José López, comparecía ante os medios acompañado da concelleira Amalia Goldar. O alcalde lamentaba a suspensión cautelar do Plan Urbanístico que nos devolve as Normas Subsidiarias do Planeamento Municipal, que ao non estar adaptadas á nova Lei de Solo, unicamente permiten pequenas obras.

Ante esta situación López móstrase optimista xa que o fallo do Tribunal Superior de Xustiza de Galicia (TSXG) refírese solo á orde de aprobación definitiva ditada pola Xunta, non ao documento en sí. O alcalde espera que as alegacións presentadas polos servizos xurídicos da Xunta resolvan o fallo do TSXG, que nestes casos de plans se pronuncia bastante rápido, polo que podería estar resolto en cuestión dun mes.

Segundo o alcalde, entende que o problema na aprobación se debe a que a Xunta fixo unha aprobación definitiva condicionada a unha serie de correccións, mentres o Tribunal considera que as correccións se deberían facer antes da aprobación definitiva. Por iso,  en caso de non prosperar o recurso, ao non afectar o fallo do TSXG ao contido do documento espera poder volver levar o PXOM a unha nova aprobación xa coas correccións feitas.

Gravación: Adrián Eiras

Redacción e Fotografía: Iria Eiras

Crónica dunha morte anunciada: O TSCG suspende cautelarmente o PXOM da Estrada

 “Esta é unha mala noticia para o Alcalde, pero é moito peor para todos os veciños da Estrada. É a puntilla dunha serie de malas decisións tomadas por José López como Alcalde que prexudican aos estradenses” 

José Antonio Dono, líder do grupo socialista valorou no día de hoxe a suspensión cautelar do PXOM da Estrada, aprobado en solitario polo PP de  José López Campos. “Trátase da crónica dunha morte anunciada” dicía Dono, que lembraba que “durante o Pleno de decembro de 2012, no que o PP local aprobou o documento en solitario, pasando por encima dos informes desfavorables dos técnicos titulares da secretaría e intervención municipal, dende o grupo socialista da Estrada ofrecíamos a José López Campos e ao seu grupo de goberno o noso apoio para realizar un plan que contase con seguridade xurídica para a súa aprobación, evitando acabar embarrancado contra as pedras xuridicamente. Sen embargo López Campos con prepotencia e chulería preferiu tirar para adiante cara a ningún lado”

Sigue leyendo →

O alcalde é o culpábel da suspensión do PXOM e o alcalde ten que dimitir

A suspensión da aprobación definitiva é tal desastre que a Estrada retrocede 36 anos, retrocede á lei da selva

“O alcalde é o culpábel da suspensión do PXOM e o alcalde ten que dimitir”. Así de taxativo se amosou o concelleiro do BNG, Xosé Magariños, nunha rolda de prensa dos nacionalistas para avaliar a situación após a sentenza que suspende a aprobación definitiva do PXOM da Estrada, que se deu a coñecer onte.

Sigue leyendo →