A Estrada na Rede

A mañá de onte a compañía valenciana de Teatro de Marionetas La Estrella chegaba a Estrada para representar «El patito feo de bombalino y cuchufleta». Nesta ocasión foi o turno dos rapaces dos colexios do Foxo e de Oca os que poderon gozar con esta peza.

Hoxe pechara o pano do Festival Internacional de Títeres Galicreques a compañía de Títeres Cachirulo coa representación de «Alicia no país das marabillas».

A representación con marionetas de fío está recomendada a partir dos 12 anos e a sinopse é a seguinte: Conducidos polo Coello Branco, a través desta peza seguiremos as aventuras da pequena Alicia nese mundo onírico e fantástico baixo terra. Allí merendaremos coa Lebre e o Sombreireiro Tolo, coñeceremos ao Leirón e xogaremos ao críquet coa Raíña de Corazóns.

Redacción, fotografía e gravación: Iria Eiras

Xa están a venda as entradas para o nova obra da compañía estradense Malasombra Teatro do actor e director Xoque Carbajal.

Nesta ocasión pretenden sorprender ao público có humor de Misión Sapiens. Unha comedia con un formato parecido o do club da comedia. O guión pertence a Xosé Luís Prieto o que xa pertenceron outras obras da compañía como a recente Smoke City. Nesta ocasión a dirección está a cargo de Marcos Orsi que tamén participa como actor.

O reparto completo está composto por Xoque Carbajal, que actuara a modo de presentador e introdutor do resto dos compoñentes, cada un con un tema diferente coa finalidade de ensinar a unha persoa a aparentar ser culta sen selo. Os monólogos correrán a cargo de Jouse García, Marcos Orsi, Xabier Deive e Luís Iglesias. Estes tres últimos moi coñecidos por formar parte dá famosa serie da TVG Matalobos.

Xoque destaca os éxitos da súa compañía a empregar sempre bos actores cos cales resulta moi sinxelo traballar e saber escoller as obras en función do que o público quere ver.

Así no lo presentaron onte a edil de Educación, Amalia Goldar, acompañada dos actores Xoque Carbajal, Xabier Deive e Marcos Orsi.

As entradas están xa a venda anticipada no Departamento de Cultura do Concello a 5€ e unha hora antes da función na billeteira do teatro. A representación terá lugar o venres ás 21:00 horas no Teatro Principal.

A obra está englobada na Programación Cultural de Outono do Teatro Principal elaborada polo Departamento de Cultura do Concello.

Redacción e fotografía: Iria Eiras

Gravación: Adrián Eiras

Fotos reparto actores cedidas por Malasombra Teatro

Este xoves continúa a campaña escolar do Festival internacional de Títeres Galicreques. Nesta ocasión os máis cativos poderán ver a obra «El patito feo de bombalino y cuchufleta» da compañía valenciana de Teatro de Marionetas La Estrella.

Para a representación empregarán marionetas de fío, máscaras, muppets e pallasos, cunha duración de 60 minutos irá dirixida a rapaces a partir de 2 anos.

A sinopse é a seguinte: O Patiño Feo, a obra universal de H.C. Andersen, é «asaltada» polos pallasos Bombalino e Cuchufleta para darlle o seu particular sentido do humor e recreación deste pequeno e feo parrulo que acaba voando como un cisne. Humor, cancións, marionetas e pallasos no máis puro estilo de La Estrella. O Patiño Feo remove cuestións como a solidaridade, o compañeirismo, o cariño, o respecto, a comprensión cara ao «diferente», a superación e o espírito de loita tan necesarios nos nosos tempos.

Redacción: Iria Eiras