A Estrada na Rede

Presenta moción no concello para que o PP elimine a súa decisión e que a Xunta de Galiza non a aplique no noso país.

Xosé Magariños, portavoz municipal do BNG no concello da Estrada presentou hoxe unha moción diante do pleno da corporación municipal para «instar á Xunta de Galiza a que demande do goberno do Estado a derrogación da resolución que obriga ao copagamento das medicinas ás persoas doentes crónicas non hospitalizadas, e a que non aplique no noso país esta regresiva medida».

O portavoz municipal nacionalista manifestou ademais que «estas persoas terían que pagar o 10% até os 4,20 euros de cada medicamento dos usados para enfermidades como cancro, tumores, leucemia, hepatite C, artrite reumatoide ou dexeneración muscular.» Engadiu que «esta medida do PP resulta indigna, inhumana e inxusta, que retrata a un goberno que actúa contra a xente e favorece as grandes fortunas, á banca e ao poder económico.»

Finalmente, o concelleiro do BNG, dixo que «esta medida vén sumarse aos distintos roubos para facer caixa que se executan contra a xente máis desfavorecida, onde engrosan as persoas que adquiriron preferentes e subordinadas, as emigrantes retornadas, pensionistas, funcionarias e, en xeral, a clase traballadora para engordar a banca e o poder».

Redacción: BNG de A Estrada

Fotografía: Iria Eiras

SUBSTITUCIÓN NO GRUPO MUNICIPAL SOCIALISTA 

O grupo municipal socialista comunica a renuncia ao cargo de concelleiro e as obrigas derivadas de José Luís Picaño Riveira. Decisión que adopta por motivos laborais, que lle imposibilitan a atención requirida ás funcións propias do cargo.

A efectos de que se proceda á súa substitución, tense comunicado a decisión do compañeiro ao Concello vía rexistro municipal de entrada, agardando se dea conta da mesma no vindeiro Pleno, facéndoa así efectiva, e se inicien os trámites necesarios ante a Xunta Electoral.

O grupo municipal e a agrupación socialista estradense comprenden a decisión adoptada polo compañeiro e fan público o seu agradecemento polo traballo realizado.

Ao longo do seu período como concelleiro, Picaño Riveira, ten demostrado sobradamente ter asumindo a responsabilidade que comporta formar parte da Corporación Municipal coa dedicación necesaria.

Redacción: PSdeG PSOE de A Estrada

Fotografía: Iria Eiras

“Son uns orzamentos socialmente inxustos, que debilitan a comarca, mentres os Alcaldes do PP calan e consenten”, Paula Fernández Pena, Senadora do PSOE

Membros da executiva e do grupo municipal socialista da Estrada e representantes dos grupos municipais da comarca Tabeirós-Terra de Montes reúnense con Guillermo Meijón, Deputado do PSOE, e Paula Fernández Pena, Senadora do PSOE, para analizar os Orzamentos Xerais do Estado 2014 propostos polo Goberno de Mariano Rajoy. No transcurso dunha reunión de traballo estudaron emendas a plantexar.

“Estes orzamentos son fiel reflexo das políticas que ven aplicando o PP, e que conducen ao empobrecemento de toda a sociedade e ao desmantelamento do Estado que está a practicar o Sr. Rajoy dende a súa chegada ao Goberno. Son as contas do ‘engano’ porque van contra calquera tipo de ‘recuperación’, tal e como sosteñen os populares; da ‘estafa’ porque conlevan salarios máis baixos, máis precariedade e menos dereitos, menos inversións en educación, en sanidade, o copago farmacéutico e a devaluación das pensións; e da Sigue leyendo →